LE CONTE DE VENDOSME

Demander luy fault son advis 15,980 Et le faire sus toute chose; Qu'elle est plaisante en fais, en dis, Belle et blanche comme la rose , En conseil si bien disposée

De guerre, qu'on ne pourroit mieux 15,98.3 De ce qu'elle dit et proppose :

Ce sont faiz et dis sousteneux.

LA HIRE

Pour le présent, n'est sous les cieux Anglois qui l'ose plus atandre;

Ses assaulx sont si merveilleux 15,290 Qu'i n'est nul qui peust comprandre.

Y nous convient vers elle rendre, D'elle savoir sa volante.

THUDUAL DE CARMOISI.

C'est bien dit. Dont, sans plus atandre,

Que son fait luy soit recité. 15,395

Lois le duc d'Alanson vient à la Pucelle, et luy dit

V° 38:i i'\ LE DUC D'ALANSON.

Or çà, Jehanne, que dictes vous?

Que vous semble qu'il soit de faire?

Si vous prions, conseillez nous, Que à voz dis voulons complaire.

Pour nostre besoigne parfaire, i5,3oo Dictes nous la voye et moyen

De ce que nous avons à faire; Nous ne vous desdirons de riens.

LA PUCELLE

Mes amis, comme je soustien,

Ghascun de vous le feroit mieulx;

En vous est proesse et maintien

Et tous estes vaillant et preux.

Mès, puis qu'il vous plaist, bien je vieulx

Vous dire mon oppinion ,

Devant vous tous, jeunes et vieux,

Sauve vostre correction.

Sy me semble que nous devons

Premier aller devant Jargueau,

Et croy que quant devant serons,

Les aurons par force ou par beau.

Y sont leans ung grant tropeau Bien expers en fait de guerre, Fortiffiez comme ung chasteau, Tant par eau comme par la terre.

Le conte de Sufîort y est

Et deux de ses frères ensemble.

Nobles et vaillans chevalliers.

Et plus de cinq cens, ce me semble;

Messire Jehan et Alixandre

Par leurs noms nommez de la Polie.

Si convient qu'on les dessemble

Et que sus eulx aillons à folle.

Y pevent faire du mal beaucoup A l'entour de ce pays cy :

Bon est de leur rompre leur coup Et les dechasser du party. Geans nous avons, Dieu mercy,

Force de bonne artillerie; La Bergiere si fault aussi

Y mener, et je vous emprie; Que je say la Polie et ses frères Ne se rendront jusques morir,

Et nous donront beaucoup d'afaires, Je vous en vueil bien advertir.

Si nous convient sans deffaillir

Y aller à grosse puissance, Pour les faire de là partir

Et mectre en nostre obéissance.

ALANSON.

Nous sommes de vostre acordance.

Dame Jehanne, et avez bien dit.

Et y fault mener abondance D'artillerie, sans contredit, Et, pour leur donner le desduit, La bombarde nommée Bergère; Pour en faire à vostre appétit.

Elle ne demourra pas derrière.

BASTARD D'ORLEANS

A Jargueau y nous fault aller.

Et avez très bien propposé; Vous ne pourriez mieulx conseiller Qu'ainsi vous avez disposé.

Ghascun de nous c'est reposé Il y a ung mois, plainement, Que nul harnois ne fut posé Sus nul de nous aucunement.

Qui est entre nous une honte Estre de présent à repoux.

LE MISTERE DU SIEGE D'ORLEANS. 59r)

Y semble que ne tiengnons conte Ou que volons craindre les coups, Quant nous voyons cy devant nous

Que nous sommes environnez i5,;{65 D'Anglois, qui ont mauvais propoux V 38/i v°. Pour nous voloir mal gouverner.