CONTE DE VENDOSME

Jehanne, très noble et redoubtée.

Bien savons ce qui est en vous; Conduit sera par vous l'armée, Et vous obbayront trestous.

Savoir devez que nul de nous.

Tant soit petit et tant soit grant, Acomplira vostre propoux, Sans en estre contredisant.

BASTARD D'ORLEANS

Vous avez très bien ordonné, Nuluy ne vous veult contredire; Que par vous tout sera gouverné Et fait comme le vouldrez dire.

Nuluy ne vous en veult dédire, Mès faire selon vostre entante ; Et comme avez volu eslire Le chemin tandrons et la santé.