MARESCHAL DE SAINTE SUAIRE
Jamès je ne vy proposer
Ne deviser mieux que l'a fait;
Dont chascun se doit préparer
Et mectre ses diz à effait.
Quant à moy, mon cas est parfait.
Que moy et mes gens sommes prest
De assaillir de très bon hait
Mes anemis, soit loing ou près.
LA HIRE
Ici ne fault plus séjourner, Il est heure de prandre tarre.
Pour parler ne pour sermonner Nous ne faisons ung fait de guerre.
Partir nous fault sans plus enquerre; Nous voyons le soleil levé :
Le conquereur qui veult aquerre Pour chômer est souvent grevé.
MESSIRE FLEURANT D'ILLIERS
Messeigneurs, commant Tentandez?
Vous voyez l'armée toute preste, Que, s'i vous plaist riens commander, Fait sera à vostre requeste.
Jamès n'en vistes plus honneste Ne mieux en point, je vous asseure.
Et est, sans plus faire enqueste, Preste à partir de cest heure.
JAMET DE TILLAY
Le plus toust partir vault le mieux A surprandre noz anemis.
Anglois sont fort sedicieux; Ançois que y soient surpris, Aussi pourroient il leurs amys Mander pour leur donner secours :
Pour avoir un peu trop tart mys, Nostre cas yroit au rebours.
THUDUAI. , ie Bourgeois.
Vous voyez l'armée bien en point :
Plus de huit mille à mon cuider.
Bien abillez de point en point, A qui ne fault fer ne acier.
Où y vous plaira les mener, Tous expers au fait de la guerre, Ne demandent que à besoigner Et lieu oii il pourront conquerre.
LA PUCELLE
Or partons, que Dieu nous conduye Aujourd'uy tous à sauveté Devant Jargueau, à chiere lye, En puissance et auctorité!
Tant que de nous y soit noté
Que nous y ayons siège clos, 1 5,885
Pour voloir en captivité
Y mectre leur ville et faubours.
Si partirons en ordonnance
Donques, comme il a esté dit,
En coraige et en excellance 15,890 De franc voloir et appétit; En aquerant louenge et bruit Que à tousjours la renommée, Tant que le monde sera produit,
Sera parlé de vostre armée. 15,895 Or sus! trompetes et clairons, Pour donner corage et vigueur Es François, très loyaulx et bons, Rempliz de vertuz et d'onneur,
Qui pour leur souverain seigneur 15,900 V 39G Veullent employer corps et armes,
Encontre Anglois plains de rigueur A qui fault abatre leurs armes.
Adoiit icy y a pause de trompetes et d'instrumens. — Et partiront tous en l'ordonnance de la Pucelle, chascun son estandarl et guidon en très belle ordonnance et bien en point, avecques grant quantité de couleuvrines, canons, la Bergiere qui sera devant partie; et y aura une belle pause. — Et puis dit ung herault anglois ce qui s'en suit :
