LE HERAULT ANGLOIS

Monseigneur conte de Suffort,

Je viens à vous dire nouvelles : 10,950

François vennent à grant effort,

Espanduz par champs et ruelles,

Pieluisant comme estincelles

De blans harnois ainsi que signes;

Et si sont leurs volantez telles Mectre voz villes en ruynes.

F° 397 v". CONTE DE SUPPORT.

Comment, herault, les a tu veuz?

Sont il beaucoup? dy moy comment.

Sont il grosses gens ou menuz, Quel nombre sont il proprement? 15,915

HERAULT

Bien dix mille sont vrayement (}ui venent devant ceste ville, Bien en point merveilleusement, Et vray est comme l'evangille.

CONTE DE SUPPORT

Gà, messeigneurs, chascun entande : i5,9uo .Te voi cy les François venir; Arcs et arbalestes en bande Nous convient avoir sans faillir, Et artillerie à plaisir;

En ceste première rencontre 15,925 Et que chascun à son loisir Son voloir et sa force monstre.

Lors icy arrivera la Pucelle devant Jargueau en belle ordonnance. F° 397 v'. Et y a pause. — Et puis mectront le siège devant la ville. Et puis dit

LA PUCELLE

Seigneurs, nous sommes arrivez Devant la ville de Jargueau ,

Laquelle fault, comme savez, 15,930 L'enclorre autour pour le plus beau.

Chascun advise son créneau

Mètre au droit son artillerie, Et de bon trait frais et nouveau

Pour y tirer, je vous emprie. i5,o35 Faictes la. Bergiere asouoir Et tous les canons à l'entour Pour muraille abatre et avoir, Et au droit de la grosse tour,

Puis y faire assault gros et lourt 15,960

Pour les Anglois espoventer,

Qu i ne sachent par quelque tour

Encontre nous résister.

Gà, bailler leur fault ung assault

A nostre première venue, 15,96:)

Qui leur soit fort boillant et chault,

Et gecter à pierre perdue.

Que sus leurs meurs ne en leur rue

Nul d'eulx ne s'i ose trouvoir;

D'artillerie grosse et menue 15,960 Donques servir vous les povoir.

Loi's les trompetes sonneront et fera on ung merveilleux cry ; que ceulx de dedens la ville cryent à Varme ! les François à V assault ! Et sera gecté trait tant de ceulx de dedans comme de ceulx de dehors, à grant confusion et impetuosi té , et plusieurs navrez , tuez ; et gecter gens et eschelles au bas des fossez, par grant force de couleuvrines et canons de ceulx de dedans et de ceulx de dehors pareillement. Et entre les autres ung noble chevallier du pays d'Anjou, de la conipaignie de Monseigneur d'Alanson, y aura esté tué, dont ledit seigneur d'Alanson en fei'a deul et sera fort desplaisant. Et après ce que l'assault et bataille aura duré longuement, les trompetes des François sonneront une retraicte, et se retireront à part lesdits François, et ne feront riens contre les Anglois en cestuy assault. Et puis dit