LES TROMPETES
Obbaïz nous volons à vous;
Aultre chose ne desirons. 18,525
io,oao
Lors les trompetes sonneront, et y a pause. — Puis tous les seigneurs viendront devant la Pucelle en belle ordonnance, tous armez. Puis dit
F" m r\ LA PUCELLE.
Mes bons seigneurs, comme savez L'entreprise qui fut yer,
Bien me semble i'eure venue Que nous ne devons différer, Mès de bon ceur persévérer, Ainsi comme elle fut conclue.
Vous estes tous gens de vailue.
Des plus nobles dessoubz la nue.
Et si très bien encommencez Qu'i me semble sans atandue La chose doit estre tenue Et diligemment en penser.
De plus, vous diray l'ordonnance, Elle est faicte à vostre plaisance Et ung chascun en fut contens; Par icelle est apparence Qu'el' est venue à conséquence, A proffîL et honneur très grant.
Vous savez, en ung instant Le pont de Meung incontinant Devant vous n'a point arresté, Qui est par vostre entretenant; Que chascun si garde son rent En puissance et auctorité.
Et, se Dieu plaist, le remenant Se parfera comme j'en tant Et y arons honneur et gloire. Dont nos anemis anciens Geront par nous mis à néant, Ainsi comme chascun peut croire.
Et hors de nostre territoire Boutez à honte et vitupère.
Et dechacez jusques en leur terre; Que en France n'ont il que faire Ne nul droit en nulle manière :
S'en aillent dont en Engleterre.
Si vous supply tant que je puis, Ou nom des nobles fleurs de lis, Que partions d'ici, qu'il est heure.
L'aube du jour si esclardis, .m. heures sont selon mes dis.
Si ne devons faire demeure; Pour nostre besoigne plus seure.
Ainsi que en moy je procure, Le plus matin devons poursuir.
En la nuyt qui est obscure Il ont fait le guet par droiture ; Au matin, chascun veult dormir.
ALANSON.
Dame Jehanne, à vostre plaisir.
Faictes ainsi que l'entendez.
Que nous vous volons obbayr A ce qu'i vous plaist commander; Et ce que voudrez demander Ou dire en quelque manière, Nous l'acomplirons sans tarder, Et ne vous doubtez du contraire.
VENDOSME
Nous savons assez l'entreprise Qui fut dicte icy et nottée; Qu'elle soit de présent reprise Ainsi qu'elle fut procurée.
De par nous fut délibérée En toute bonne intencion; Que par nous soit exécutée Et mise à execucion.
BA.STARD D'ORLEANS.
Plus n'en fault faire mencion, 18,590 Que de partir il en est temps Par ordre et par premicion, Comme chascun sait et l'entant.
Si veillez tirer en avant
Le droit chemin, il est bon heure, 18,595
Sans varier ne tant ne quant,
Et partons, que Dieu nous seceure!
F°/i59v°. LA PUCELLE.
En nom Dieu, vous dictes très bien.
Sus! que l'avant garde commance,
Puis les aultres sans faillir rien 18,600
Vous suivront en belle ordonnance.
En vous prient faire silance
Et sans nul bruyt aucunement,
Sans révéler la convenance
De nostre estât ne autrement. i8,6o5
Lors partiront tous par l'ordonnance dicte de la Pucelle, et tous les seigneurs et leurs gens aussi , lesquelz viennent devant Raugenci , où ilz ne trouverront pas grant resistence , et entreront dedans. Puis ceulx du chasteau commenceront à cryer : à l'arme, à l'assault! Et viendront au devant des François en bataille. Après, ceulx de fambuche sortiront sus les François et les assauldront d'un cousté et d'aultre. Et y en eut plusieurs de mors d'une part et d'autre, et y eut une grosse escarmouche, F° h6o r°. tellement que les Anglois se retrayeront tous au chasteau. Puis, après qui furent retirez , les trompetes sonneront une retraicte. Et alors dit le - connestable Richement :
