LE CONTE DE RICHEMONT
Je congnois que appressons fort
De Baugenci, car je le voy; Si veil c'on leur face rapport Comme je vien en l'ost du Roy,
Et le faire assavoir par moy iS/no A la bonne et noble Pucelle.
Pour ce, messager, sans deloy Te convient aller devers elle.
Et lui anoncer ma venue,
Aux bons seigneurs pareillement, a 8,61 5
Voloir estre en leur retenue Et tous mes gens entièrement, A les servir totallement Allencontre leurs adversaires.
MESSAGIER
Voz plaisiz et voz mandement 18,620 Parferay en toutes manières ; F" /160 v". Si vois faire vostre message
Diligemment, ne doubtez mie.
A la Pucelle noble et saige
Et à toute la seigneurie. 18,625
RICHEMONT
Fais diligence, je te prie,
Et puis viens à nous au devant.
MESSAGIER
Je le feray à chère lie.
Et si bien que serez contant.
Lors s'en va , et y a pause.
MESSAGIER
Dieu sault la très noble Pucelle, i8,63o
Aussi tous les seigneurs de l'oust!
S'i vous plaist ouyr ma nouvelle, Je le vous diray devant tous :
Si est que présent devers vous Vient le conte de Richemont, Qui a volante et propoux Vous secourir par vau par mont; Et lequel n'est pas loing d'ici, Qui à vous tous se recommande.
LA PUCELLE
Mon amy, la sienne merci De son service Dieu luy rende ! Dites luy que, luy et sa bande, Sommes joyeux de sa venue, Et à chère lie très grande Luy et sa bande sera receu.
MESSAGIER
Madame, je vous remercie
De l'onneur et du grant plaisir;
Je m'en revoys, n'en doublez mie,
Luy raconter sans defFaillir
Et comment est vostre désir
De le vois et sa compaignie.
LA PUCELLE
En ce tu ne pourras faillir.
Que en luy très fort je me fie.
Pose.
MESSAGIER
Mon cher et redoubté seigneur,
Vostre message ay acomply
Devers la Pucelle d'onneur,
Qui m'a volantiers requeuHy.
De bon cueur elle m'a ouy
Ce dont vous m'avez baillé charge,
Et en est son ceur rejouy
Dont vous plaist faire ce voyage.
Et désire fort de vous vois
Aveques vostre compaignie,
Que aujourd'uy, comme je crois,
Il y a eu grant baterie,
Que par leur grant chevallerie
Dedans Baugenci sont entrés,
Et y a eu trçs grant tuerie
D'Englois mors et acraventez.
RICHEMONT
Je ne veil plus ci arrester; Devers eux m'en vois sans atandre Moy et mes gens me présenter, Pour les conserver et defîandre.
Chascun de vous s'i veille entandre, Que en son fait n'ayt que redire, Ne que on vous puisse reprandre D'aucune chose ne médire.
Çà, monseigneur de Beaumanoir, Je voy Baugenci là devant; Y nous y fault faire devoir Et y estre tous combatant.
Que reproche ne tant ne quant Aucun de nous ne puisse avoir, Mès honneur de petis et grans Et gloire y puissons recepvoir.
