MESSIRE SIMON MOYER

Si conseille que nous aillons Droit à Meung en grant diligence.

Là trouverrons noz compaignons Qui sont une grosse puissance , Et confort et resjouyssance D'eux aurons, ainsi que je croy, De nostre grieve desplaisance, Dont nous sommes en grant esmoy.

ESVREUX.

Allons y dont diligemment, Sans plus yci faire demeure, Et ne arrestons nullement A aller; que Dieu nous seceure!

J'é le ceur aussi noir que meure Dont n'avons peu résister, Qu'i nous est tourné à laideure Et aussi bien grant encombrier.

de trompetes. — Puis le cappitaine de Meung dit :