CAPPITAINE DE MEUNG

Je voy là devant arriver De noz gens une grosse armée.

Qui semblent las et agravez Et avoir la chère troublée.

Je ne say qu'il ont en pencée, Si y fault aller au devant,

Afin qu'elle soit honnorée

Et receue de nous grandement.

HONGREFORT.

Je congnois véritablement Que sont noz gens de Baugenci, F" 485 v°. A leurs enseignes proprement Et à leurs estandars aussi.

Ne say pourquoi y vennent ci 19,650 Et pourquoy sont desemparez :

De le savoir suis en souci, Dont y sont ainsi séparez.

Lors pose. — Puis dit