LE SIRE DE FAUQUAMBERGE

Par voz beaulx faiz, comme je croy, Ne trouverra nully contraire. 4f

LE DUC DE SOMBRESET

Gomment se porte nostre roy?

TALLEBOT.

Que dit il? Fait il bonne chiere?

MESSIRE JEHAN DE LA POLLE

11 n'a cause d'estre en esmoy, Dieu mercy, par vostre exemplaire, Quant ainsi luy voulez retraire Ce qui ly appartient à soy.

LE SIRE DE HONGRESFORT

(jomment se porte nostre roy?

Que dit il? Fait il bonne chiere?

Nous sommes cy en son affaire , Pour le servir de bonne foy.

LE DUC DE SOMBRESET

Il n'y a celuy, je le croy.

Qui autrement le vueiile faire.

Il n'est point plus notable roy ; Pareillement estoit son pere, Le plus preux qui portast bannière, Ne qui fut onques sur la terre; Le plus vaillant dont soit mémoire, Qui saillit oncques d'Angleterre.

MESSIRE GUILLAUME DE LA POLLE

N'y avoit que luy pour conquerre, Ne à vaincre ses anemys.

Vous avez veu que, par sa guerre, Il a toute France soubz mis, Et si en a du tout desmis Charles, soy disant roy de France, Et sa grant ville de Paris, L'a mise en son obéissance.

GLACIDES. .

En luy estoit toute vaillance,

Proesse et toute vertu;

Pour ceste heure eust toute France,

S'il euist encoires ung peu vescu ;

Mais j'espoir, à l'ayde de Dieu,

Que, avant l'année soit passée, *

Il n'y aura place ne lieu

Qui ne soit à nous subjuguée.

La chose est très bien commancée.

Et avons bon commancement; Mais, messeigneurs, s'i vous agrée.

Je conseiîleroie bonnement

Qu'on se repose plainement, 8a 5

Jusqu.-îs à demain \e matin; Puis après ferons parlement De noz affaires plus à plain.