CHAUMONT

De parler on ne peut faillir.

Vous n'en ferez ne pis ne mieulx; Mais vous pourront bien advertir De leur vouloir qui est en eulx.

Tenez vous tousjours vertueux, Sans estre de riens esbayz, Ne de leur diz n'en ayez peux ^ Mès doivent croistre voz désirs.

MESSIRE MATHIAS

Il n'en fault nullement doubter Que vous le devez ainsi faire.

On peut tousjours parlementer, La chose si est neccessaire.

Aussi trêves, c'est la manière Sans batailler à tous propoux; Guerre ne fut onc si contraire Que on ne deust prendre repoux.