MONSEIGNEUR LOYS DE GULAN

Vous congnoissez assez Anglois,

Y ne vous en fault jà riens dire.

Nous vous prions, allez les voir;

Y n'est point de nacion pire

Et sont tousjours prest de mesdire; En eulx nul ne se doit fyer.

6ai5

LA HIRE

J'en feray qui devra suffire; A Dieu jusques au retourner.

Lors icy y a pause. — Et doit avoir ung messagier qui portera son guidon devant iuy. Puis dit

TALLEBOT.

Çà, messeigneurs, y fault pencer Qui yra devers les François,

Diligemment s'en advencer. 6220 D'eures n'avez que deux ou trois, F" i53 v'. Et, pour abréger, je congnois Messire Lancelot de Lisie.

Quant à moy, lui donne ma vois; Il est suffisant et habille. 6225

FASTOT.

Le cas requiert selerité; Puisque promis vous leur avez De par vostre auctorité, Pour donques faire le devez.

Leur fut accordé, vous savez, 6280 Trêve par vous leur fut promise; Si la fault dont parachever, Puisque ainsi l'avez premise.

D'ESCALLES.

C'est raison : y fault ainsi faire,

Et envoyer diligemment 6235 Ung prince de très noble affaire,

Qui ait sens et entendement, Pour ouyr et savoir comment; Que il ont trêves demandées, Et aussi voiuntairement Vous les leur avez accordées.

Messire Lancelot de Lisle, A luy, je luy donne ma vois; En tel cas y scet le stille Autant que je saiche pour voir.

Et en rapportera tout le voir De tout leur allegacion.

Et bien scay que y fera devoir Pour en faire relacion.