LE CONNESTABLE D'ESCOSSE

H les nous convient assaillir, Sans actendre qu'i soit plus tart.

FACESTOT.

Messeigneurs, entendons à nous Ou autrement nous sommes mors :

Incessamment leur vient secours Et de nully n'arons recors.

Il nous convient venger noz corps A ce coup, je voy qu'il est heure; Soyons vaillans, roides et forts, Que en peu de heure Dieu labeure.

BAILLY D'ESVREUX.

Je congnois que il ont coraige De nous assaillir prestement, Si ne nous auront davantaige.

Que clos nous sommes grandement.

Et si avons pareillement Force vivres et artillerie.

Que pour ung huit jours plainement Geans ilz [ne] nous auront mie.

PREVOST DE PARIS

Nous sommes très bien artillez, Piques et d'aultres abillement.

Et sommes bien avitaillez Pour tenir icy longuement.

Se nous povons aucunement Le faire assavoir à Paris Et à Chartres, tout promptement Secours aurions de nos amis.