IP

Ils sont deux gentilz compaignons

Qui en font grand relacion, 99/J5

Et vous en ont dit tout du long

Le cas et leur intencion.

Et comment y font mencion

Que se a esté chose divine

De leur garde et protection. 9960 IIP.

Il me semble que povez bien Parler à elle , très chier sire , Et sans faire doubte de rien.

' Poiir Et quel mal ferez de l'ouyr?

Que ne vous peut sourdre ne nuyre.

Vous oyriez bien ung molin bruyre Ou ung bateleux par les champs; Vous ne la devez escondire, Quant pour une fille n'est riens.

iiii".

Je vous diray que on fera Pour l'esprouver, comme je pense :

Aucuns de vostre court fauldra Et que ce soit vostre présence, Savoir s'elle aura congnoissance Que ce ne soit pas vous, chier sire; Derrière oirrez sa loquence Et tout ce qu'elle vouldra dire.

PREMIER CONSEIL

Je conseille qu'ainsi soit fait.

Ung autre sera en lieu de vous Et derrière serez en retrait, Que vous orrez tout comme nous :

Assavoir s'elle muera propoux De ce que luy demanderons.

Gecy ne vous donne ne toult ^ ; S'i vous plaist, ainsi le ferons.

LE ROY

Quant à moy, j'en suis bien contant Que vous le faciez tout ainsi; Et prenez de mes vestemens , Puis la mandez pour venir cy.

La charge vous baille dessy

Et du tout pour l'interroger; Je seray de vous près d'icy, Que je vueil bien l'ouyr parler.

Çà, messagier, diligemment Vous yrez devers la Pucelle, Et la saluerez doulcement, Que elle est gente, bonne et belle; Et luy rapportez la nouvelle Qu'elle viengne devers le Roy.

De présent veult parler à elle; 11 atand qu'elle viegne à soy.

MESSAGIER

Je luy vois faire le messaige Le plus toust que faire pourray.

A la dame de hault parage Le voloir du Roy luy diray; Avecques moy l'ameneray Pardevers luy présentement.

Or va, et icy l'atendray Pour la recevoir humblement.

MESSAGIER

Dame, le vray Dieu vous salue!

Le Roy par devers vous m'envoye, Qui désire vostre venue, Et luy est bien tart qu'i vous voye.

S'i vous plaist, vous mectrez en voye, Que en son palais vous atant.

Mon amy, que Dieu vous provoye! 10,005 Y aller très bien me consens.

Pose. — Puis vient devers le Roy et princes. Dont le IP conseiHier dit à l'entrée de la salle ce qui s'ensuit :