IP

Qui vous conseillera du non Que ne la devez recevoir, Peut estre qu'i ne seroit pas bon.

Et seroit pour vous décevoir.

Par quoy, sire, pour dire voir Et en estre ferme et entiers, Je l'envoyeroie interroger A vostre conseil, à Poictiers.

IIP CONSEILLIER.

Me semble que ne povez mieulx :

Tout le conseil de toute France Sont assemblez, jeunes et vieuh

Et expers en toute science, Toute ia fleur et excellence De pratique et théologie.

Pour l'interroger à plaisance De mieux faire ne povez mie.

IIP.

Par ce point ne povez faillir De faire ce qu'i conseilleront.

Se c'est bien , ce vous sera plaisir ; Se mal est, ce ne sera pas lont.

Vous ferez ce qu'i vous diront Et par leur conseil besoignerez; Repris n'en povez estre dont, Quant par leur fait ordonnerez.

LE ROY

Bien donques y la fault mener A Poictiers, bien diligemment.

Et grandement la gouvernez, La conduire honnorablement; Et dire à nostre parlement Que à ceste fille entendent Pour nous conseiller loyaument, Et à la despesclier y tendent.

PREMIER CONSEILLER

Puis qu'il vous plaist, luy mènerons

A vostre conseil, à Poictiers,

Et la Pucelle conduisons

De bon cueur et bien volentiers.

LE ROY

Vous direz à mes conseilliers

Que ceste fiHe leur envoyé Pour l'interroger de ses faiz, Adfin que ad ce je provoye.

Lors viendront deux à la Pucelle, et dit

PREMIER CONSEILLER

Jehanne, c'est le plaisir du Roy

Que nous vous menyons à Poitiers, 10,160 Pour appoincter de vostre arroy Et pour pencer de voz deniers, De voz gens d'armes et archiers, Pour adviser à vostre estât.

LA PUCELLE

Son plaisir feray voulentiers 10.165 Et tout son voloir sans débat.

Lors vont à Poictiers.

Et allons dont, de par Dieu!

Puis qu'i luy plaist, j'en suis contante.

Je scais bien que je vois en lieu

Oi!i auray ung peu de tormente 10,170 Et à faire; mès l'excellente F" 258 v". Puissance de mon Dieu m'aydera, En laquelle est mon entente, Et envers tous me gardera.

Puis arriveront à Poictiers, et y a pose. — Puis dit