LE MANUSCRIT PERDU DE LA BIBLIOTHÈQUE DE VIENNE

En 1720 fut mise en vente à Amsterdam la magnifique bibliothèque du baron Georges Guillaume de Hohendorf (1). Toute la collection fut achetée par les États du Brabant qui en firent présent à l’empereur Charles VI. C’est ainsi qu’elle devint, par la suite, la propriété de la Bibliothèque nationale de Vienne. Parmi les ouvrages les plus précieux se trouvait un exemplaire enluminé

(1) Cf. Bibliotheca Hohendorfiana ou catalogue de la bibliothèque de feu M. Guillaume, baron de Hohendorf. La Haye, 1720, t. III, p. 260, n° 5 des manuscrits in-quarto.

du Mortifiement de vaine Plaisance (1), qui a disparu on ne sait comment depuis plus de trois quarts de siècle. Il n’avait pas encore quitté sa place en 1825, puisque Villeneuve-Bargemont le consulta à cette date et qu’il en parle dans son ouvrage (2). Voulant vérifier les données de l'historien de René, Durrieu s’en fut faire des recherches à Vienne. I] n’y trouva ni le volume ni la trace de son séjour à la bibliothèque (3). Il en conclut que Villeneuve-Bargemont avait dû se tromper et que le précieux manuscrit, au lieü de suivre toute la collection Hohendorf, avait sans doute été acheté par un particulier à la vente d'Amsterdam. Quelques années plus tard il serait devenu la propriété de l’abbé Charoyer; les miniatures détachées de Metz proviendraient ainsi de l’exemplaire de la collection Hohendorf.

Nous ne pouvons, pour deux raisons, nous rallier à l’opinion du comte Durrieu. Si le volume que vit Villeneuve-Bargemont avait été l’exemplaire dépareillé du roi René, il n’aurait certes pas manqué de signaler la disparition des plus belles miniatures. De plus, il est resté à Vienne des traces du manuscrit qui ne permettent aucun doute. Le D' Smital, conservateur des manuscrits de la Bibliothèque de Vienne, a bien voulu nous communiquer une photographie de la notice du catalogue de Forlosia (1740) (4), où l’exemplaire du Mortifiement est décrit avec la copie du titre et des premières lignes du texte. Il est donc certain que celui-ci est entré à la Bibliothèque nationale d'Autriche, qu’il y était encore en 1825, et qu’on ne peut l'identifier avec l’exemplaire enluminé par Barthélémy van Eyck.

(1) Voici comment il est décrit au catalogue : Mss sur vélin, enrichi de plusieurs miniatures d’une grande beauté, peintes par le dit roi René d’Anjou, qui excellait dans l’art de Peinture ; l’on ne peut voir un mss mieux conservé que celui-ci, il est couvert en dehors de maroquin rouge et en dedans de maroquin jaune, doré sur tranche et sur cuir, avec toute la magnificence possible.

(2) Histoire de René d'Anjou. t. IT, p. 383.

(3) Renaissance de l'Art français, 1920, p. 326.

(4) En marge la cote : nunc Eug. f. 142, neue Nummer 2597, inter en

se Xv

lame deuote et le cuer lequel sappelle le mortiffiement de vaine plaisance fait et compose par rene Roy de secile duc daniou par luy mande et intitule a tresreuerend pere en dieu larcheuesque

Tresreverend pere en dieu Jehan par la diuine grace archeuesque de tours tressingulier et de mon cuer collateral amy Je rene vous salue et conforte en toute trescharitable dilection comme treshumble filz de sainte eglise doit ne puet plus faire a son pere espirituel vous faisant familierement sentir de mes petites et secrettes occuppations et vne entre les autres. laquelle si est que ie considere le temps de lespace de vie dont il fault a nous tous compte rendre lequel se passe courant incessamment comme eaue de riuiere sans se arrester et va sans reuenir et par negligence souuent se pert sans le pouoir recouurer. voyant que point nya meilleur remede a mon aduis que de lemployer tousiours en bonnes euures

ensieut vng petit traittie dentre pPr.1

sans se endormir en parreceux sommeil de lache negligence a lexemple de sanson lequel sendormi ou geron de dalida lors que lui furent ses beaulx longz crins rongniez dont il perdy sa force comme en la bible appert ou. XX VIE. chapitre du liure des iuges. À ce que doncques a lexemple de sanson pareïllement la negligence ne me ronge et retaille par lendormir de ma lache parresse les jours force vertu et pouoir de bien faire me suis mys cy apres a faire vng traittie entre lame deuote et le cuer plain de toute vanite pour plus esmouuoir les lisans a bien faire et parfaittement sur toutes choses amer nostre vray redempteur seul sauueur doulz et debonnaire seigneur qui tant benignement et liberalment a daignie mettre son saint et tresbenoit corps a souffrir mort et passion en larbre de la croix et respandre son precieux sang pour nous racheter de dampnement en nous faisant participans se a nous ne tient de sa sainte gloire de paradis en la compaignie des angeles et vision de sa tressouueraine deite perpetuelement et a jamais sans fin. Et affin que mieulx soit de tous entendu et que les lisans le puissent mieulx retenir lay fait en prose en langaige commun et sans y garder ordre exquis ou parfont parler en alleguant la sainte escripture ou autres obscures auctoritez ainsi que bien il appartendroit a si haulte matiere. Car ie ne lay fait en autre entention fors que pour y pouoir faire fructifier les simples gens lays. et non pas pour donner occasion aux grans clers fundez en haulte science darguer encontre. Toutesfois je nentens point ne ja a dieu ne plaise tresreuerend pere en dieu que la ou vous et tous autres clers y verrez a reprendre que ne le doyez et puissiez corrigier sil vous plaist et de ma part chierement vous en prie.

Et pour donner a entendre la matiere fictionnellement racompteray comment lame deuote a seule crainte de dieu et a parfaitte contrition se saisirent du cuer et puis le baillerent a souueraine amour et vraye esperance et a ferme foy. lesquelles pour du tout

le ioindre a la passion de son sauueur le clouerent sur larbre de la croix. et grace diuine pour mortiffier sa vaine plaisance lui met le fer de la lance ou coste. Et par aïnsi lame deuote vit en ce monde en grant contentesse et repos auec son cuer. dont pour commencier prenderay mont teusme lame ainsy parlant et disant.

Comment lame tient son cuer encontre sa poittrine. Lame parle.

Aperuisti michi oculos lux et excitasti me et illuminasti et vidi quoniam temptatio est vita hominis super terram. O tu mon createur dieu tout puissant souueraine lumiere Tu mas les yeulx ouuers en moy ammonnestant et mas tellement enluminee que iay veu et congneu clerement que la vie de lomme sur terre nest dautre chose plaine que de toute temptation. Hellas mon vray redempteur touteffois ie scay bien que jamais tu ne veulz la perdition de moy. qui suis lame ton humble creature que tu as cree non pas de toy ne de nesune elementable matiere. mais de riens mas cree voire vrayement raisonnable intellectuele spirituele et perpetuelement viuente et ma ta maïeste souueraine faitte si cappable que a toy et de toy seulement et non dautre quelconque riens puis ie estre remplie et rasaisiee si que ne demeure tousiours en neccessite souffreteuse et mendiante si non lors que je tay auecques moi. Car adoncques est mon desir entierement remply et ne reste lors ne ne demeure au dehors de moy plus riens de ce que ie quiers veul et desire que je naye entierement en moy. mais quoy hellas quant ie tay et que tu es en moy retenir ne te scay. pourquoy Car tant men destourbe le desir abuse de ce cuer cy auec lequel suis couplee et faitte pelerine du voyage de son mortel cours transsitoire. dont les inclinations naturelles tant frailes tant passiues et tant souffreteuses me font souuent trebuschier et presques verser iusques du tout a terre et sans pouoir resourdre ne releuer hors la teste vers le ciel ou tu es pour te rendre graces et loenges des

PL. II et III

treshaulx biens et parfaitz benefices que as sur moy eslargis. Et ainsi mest ne plus ne moins comme le buef plain de lache courage et remply de pesanteur tardiue qui par sa negligence ne puet hauchier le pie pourquoy il fault quant il trebuche que du tout chiee a terre et en cheant apres luy tyre lautre lequel est lie auec lui soubz le joug par les cornes. Ainsi samblablement et souuenteffois apres lui me tyre ce doulant cuer et trebuchier me fait en la fange et ordure de vaine plaisance Pour ce trespiteusement en plourant ie me complains disant.

Ha cuer prilleux en tes faitz voluntaire Par quel desir vanite ainsy plaire

Te fait abus en trop longue obstinance Obfuscant la pensee debonnaire

Quauoir tu dois sans cesser en memoire De la douleur passion et souffrance

Que mon sauueur en douce pacience Volu souffrir pour me mettre en sa gloire Que songes tu requiers lui pardonnance Et te repens. ou mon fait en balance Metz si treffort que plus ne men puis taire.

Lacteur.

Du hault ton de la voix ainsi par neccessiteuse constrainte forcee quelle faisoit soy complaingnant et disant en ce point a son cuer furent acop les veulx de ma pensee ouuers et en tressault soudainement aguillonnez dun esueil ententif solicite de retenir pour mieulx congnoistre des precedentes parolles la fin aquoy vouloit venir la lamentable ame qui ainsi se complaignoit de son trespecheur cuer. Et en regardant vers celle part ou la voix lamenteuse se faisoit ie veys que ladicte ame estoit hebergie et logie en vne trespoure maisonnette legierement bastie toute faitte de terre et de vile matiere plaine de grant ruyne et de penible retention et en

LE Di

conclusion de tresbriefve duree dont se puet dire de petite valeur tant disetteuse et souffreteuse que auecques les aydes et apuys que on luy auoit peu faire si declinoit elle chascun iour a toutes heures souuent vacillant et tramblant a tous vens. pourquoy par vng bien peu de desordre estoit cent fois le jour en voye de verser sans resource acop a terre tournant en pouldre ou en cendre seulement. dont ie poure acteur comme cellui qui endroit moy congnois mon cas estre tel et mon deffault pareiïllement. Et ainsi de ce mal entechie fus trop plus ententif comme neccessiteux de y pouoir aprendre par cas samblable et vng mesme deffault correctionnel amendement. et donnay loreille la tresparfaittement de trestout mon cuer a mon pouoir. mon trespetit entendement tournay celle part pour aucun bien aprendre. Mais gueres ne tarda apres les motz que lame eut dit au cuer quelle chey en pamoyson puis apres vng petit espace quant lame fu de pamoyson vng bien peu en vigueur reuenue souspirant en basse voix et en tramblant a grant paine peut dire.

Lame.

Las qui me pourra aidier a ce besoing duquel jay si hastiue neccessite que nul ne la pourroit estimer comme ie croy. Doncques qui me pourra conforter qui me pourra conseillier qui me pourra adreschier qui : ie ne scay. Dont hellas ie suis en tel soussy en telement grant paine et en tel tourment et en si parfaittement grande merancolie que ie ne scay quel part tourner pour trouuer prouision de mon trespiteux cas. Car pour bien donner mon fait a entendre a tous ie nay seule certaine heure ne moment de respit destre appellee de deuoir compte rendre de ce tresmaleureux cuer. Et se en cest estat ie vois en iugement ie voy ma cause et tiens certainement et sans nulle faulte contre moy adiugie et moy perpetuelement a tourment et paine non pareille condampnee. Car iay offendu si treslourdement que ignorance ne me puet estre a garant veu que deuant le cop et aincois que ie eusse failly ie

congnoissoye moult bien et certainement que mal feroie et ne men voulz ne sceus garder. Hellas ie veoye lors moult bien et de loingz madonnay a la parfunde fange et trespuante ordure ou le cuer me tyroit. et congnoissoie tout pour vray que le chemin la ou il me menoit nestoit cellui que ie deuoye aler. et touteffois ie my laissay conduire non pas par force mais par laschete et seulement par faulte de non y resister. Que pourray doncques dire quant ie seray accusee pour moy deffendre deuant cellui qui tout voit qui tout scet et si congnoist ce que ie fais ce que ie dys et tout ce que ie pense. Se iusques a la en ce point me treuve accusee deuant sa sainte face tresiuste et souueraine. des cy en auant jameroie mieulx non jamais estre nee ou que la terre me engloutist si tresparfont que jamais plus nouuelles de moy ne deust estre en ciel ne en terre ne plus ne moins comme de la chose qui oncques ne fu ne jamais ne sera

Lacteur.

La tresdesconfortee et esgaree ame fu lors forcee de tous poins pour ceste heure dacheuer sa piteuse et lamentable raison a faire fin a son doulant parler. Car par force de souspirs de plaintes et de sangloutz qui habundoient si tresdesmesureement en vng cas ensamble par tresgrant douleur en elle cessa son dire si que plus a parler ne peut recommencier. et ainsi fu constrainte de en ce point faire pose. Car oncques en tonneau si fort ne boully moust comme faisoient dedens son corps ses griefz souspirs et tresangoisseux plains. Et ie tout voyant de ma part plus nattendoie autre chose que leure quelle deuist de rechief cheoïr en tele pamoyson comme elle auoit ia par auant fait. Car oultre ce que ainsi briefment son tresgrief dueil si fort la martiroit : de ses adolez yeulx yssoient de larmes ruisseaulx si grans coulans par sa descoulouree face que sa gorge et sa poitrine depuis le chief en hault estoit aussi fort baignie comme se on eust verse sur elle

foison eaue sans cesser. Quant ie apperceu vne dame de moult noble apparence hastiuement le grant pas vers lame venir laquelle dame a son maïntieng toute esgaree me sambloit effraee ou craintiue et doubteuse. Car a toute heure et souuent hauchoit les yeulx en regardant vne espee dont lalemelle estoit large brune et clere laquelle sur son chief reposoit non pas du plat. mais du long du trenchant dont de ce ne me pouoie asses esmerueillier. Car neantmoins que pour leure ladicte espee ne lui faisoit nul mal ne point ne la bleschoit en nulle facon quelle que elle fust. sy nestoit pas pour ce quelle en fust asseuree. Car sa tresdouce voix en trambloit toute et son tresbeau corps fremissoit aucuneffois et la couleur de son tresplaisant visage souuent en palissoit. et puis en rougissant muoit soudainement couleur. Quant plus pres de moy fu ie regarday lespee en laquelle auoit escript en grandes lettres rouges de sang frechz respandu Diuine iustice. dont en moy pensay que point nestoit sans cause se celle dame la auoit crainte et cremeur. lors que la dicte dame fu de lame approchie haultement appella vne autre dame qui venoit apres elle laquelle autre estoit nue iusques aux rains et en sa main portoit vnes verges et de lautre venoit battant sa coulpe plourant et gemissant. puis la première dame dist a lautre en tele maniere.

Crainte.

Sus contrition sus ma suer ne tardons plus entrons tost en besogne car il en est temps. et est saison de remettre et radreschier en bon chemin ceste poure et esgaree ame veu que ie perchoy delle selon que ie puis comprendre et entendre aux parolles quelle dist que de soy mesmes a son loyal pouoir se veult moult bien adreschier et aidier et crie a baulte voix priant piteusement que on la veulle aidier conforter et enseignier ce quelle a a faire. Et puis que ainsi est ne veullons plus tarder ie vous en prie. Sus ma suer sus veillons hastiuement en esploittant noz pas nous tirer

F. ]1lv

celle part. Car en nous approchant delle lors elle nous pourra choisir et congnoistre.nostre approchement lui pourra moult valoir. Alons le doncques conforter ie vous en prie en lui donnant son perilleux cas bien au long a entendre. Et puis apres sur son fait le remede qui plus promptement lui sera conuenable lui saurons bien enseignier et donner a congnoistre. Et se par le conseil de nous deux est deliberee den dutout vouloir vser jamais si grant sens elle ne fist. Car ie me fay fort de corrigier son cuer par tele forme et facon que doresenauant ne sera plus rebelle ne naura plus le pouoir de ainsi regiber contre laguillon comme pour le temps passe elle a fait. |

Lacteur.

Quant laditte premiere dame eut acheue de dire elle se teut mais non pourtant sa face fermee veilla tousiours vers lame et si ladressa de tous poins sur elle laquelle estoit si trespoure et si tresdesolee de paour quelle auoit que par force de desconfort elle ne cheyst en desespoir dampnable pour lanuy et tristesse en quoy elle estoit. Neantmoins que ie veoie bien que le desplaisir et tristresse quelle auoit plaisoit moult a la dame pour ce quelle esperoit pour laduenir que lame pourroit retourner a voye de sauuement se secourue estoit. Et pour ce appella ladicte dame contrition sa suer laquelle contrition en cheminant vers elle lui respondi ainsi quil sensieut.

Contrition.

Je viens a vous crainte de dieu le iuge souuerain je viengz a vous ma tresredoubtee suer et dame en vous priant que furnissiez voz pas et ie iray apres sans faire contredit. Car tousiours voulentiers ie me treuue et suis en vostre compaignie aussi est ce raison veu que mon office est tel comme bien le sauez que sans vous ie ne puis. Or alons doncques et veons que ce sera de celle trespoure ame. Alons tost et legierement et a sa neccessite luy secourons et aidons. et de son mal lui moustrons le remede en luy tenant com-

F.12 paignie tant et si treslonguement que elle nous vouldra auoir et

tenir auecques elle.

Lacteur.

A ce mot se acheminerent toutes deux ensamble tenans lune lautre par les mains iusques au lieu proprement ouquel lame estoit a terre plusbas que assise et vng petit plushault que dutout a la terre gisant. ayant la teste encline reposant sur sa poittrine toute morne et achomee. Si commenca crainte a parler a lame disant en telle maniere comme cy sensieut.

Comment crainte parle a lame qui tient son cuer en plourant et contrition auec elle.

O creature espirituele faitte et cree par la voulente de cellui treshault et trespuissant ouurier sans lequel riens nest fait et par lequel es en vie et vraiement immortele lieue tes yeulx et veulles apperceuoir ycy qui test venu veoir pourtoy resconforter et radreschier du tout tes affaires en bien.

Pense a ton fait sans plus perdre de temps Ne songe plus fay ton fait il est temps

À autre nul qui viue ne tattens

Car pour toy compte autre nul ne rendra Seule seras appellee par temps

Et bien subit pour ce soies doubtans

Car quant par mort du corps seras partans Le deable lors certes taccusera

De tes pechiez et ton cas pousieurra Contre toy tant comme plus il pourra Pour toy mener auecques les perdans

Ou puis denfer la ou il te fera

Sentir tourment horrible qui naura

Jamais fin las : pensez y qui vouldra

Je nen dis plus se tu veulz or mentens

Car tart criera qui iusques la viendra.