PL. IV

Contrition.

F.13v Tresnoble et gentille samblance faitte au hault diuin patron lequel ta de si tresparfaittement grande especialite douee que par sa grace appellee es pour participer a gloire eternelle auecques les angeles qui sont en paradis. Reprens en toy vertus et veulles regarder qui nous sommes et bien au vray entendre loccasion de nostre venue.

Congnois qui es dont vins la ou iras

Comment fus faicte et lors tu congnoistras

Le parfait bien sa toy ne tient quauras

Et la grant gloire qui test appareïllee

Le royaume que tu possideras

Es cieulx la sus duquel tu joyras

Et ou ton dieu fache a fache verras

Lequel par grace a ce ta appellee

As tu oy : ha ame bieneuree

Entens a moy a tes faitz si arree

Par mon conseil sces tu que tu feras

Hays tes pechiez ains que soye acoulpee F. 14 Deuant le iuge duquel trenche lespee

De mort sans fin sur chascune ame nee

Quen pechie fait de ce monde trespas

Penses y dont et ny fay demouree.

Lame.

Qui estes vous mes dames qui ainsi me parlez disans que estes venues a mon secours prestes pour moy ressourdre se ie me veul aidier. Qui estes vous qui telles demoustrances portez en vous en ce point figurees ie en sauroie moult voulentiers la segnefiance se demander losoie. Et dautre part me affermez de garison auoir sans faulte nulle voire sa moy ne tient. Hellas vous sauez bien que cest rigle commune especialement entre les mortelz que le malade

F.l4v sur tous les biens mondains transitifz ne conuoitte riens tant et ne

vouldroit auoir nulle chose quelconque premier que auoir sante.

Pourquoy me demandez vous doncques se auoir ie le veul et sil

ne tient a moy que sans faulte ie laray. Hellas sur ce vous respons que ma voulente ne martire mon desir dautre chose quelconque que dune hastiue constrainte qui est si neccessiteuse quil men fault en ce point crier et sans cesser tant hault quil mest possible comme auez oy demandant a tous par vraye fine indigence garison de mon mal conseil de mon cas et adresse du chemin que ie y ay a tenir. Doncques deuez scauoir que labundance de mon desplaisant mal ne fait pas par faintise ma bouche menteresse et ce vous certiffie.

Tu dis voir et cela scay ie bien quil nest riens que le malade plus desire tant que sante auoir. maïs neantmoins que le desir du malade soit tel si treuue len des malades foison que auecques le desir quilz ont destre sanez si nont ilz pas voulente de tenir la rigle que le medecin leur enseigne pour venir a sante. Car dun coste prient destre aidiez et dautre coste refusent de eulx aïdier. Et se cellui qui est cheu ou tombe ou fosse a qui on veult baillier la main pour len tyrer hors ne veult hauchier le bras ne tendre sa main pour ioindre a lautre main de cellui qui aidier le vouldroit : Nesse pas a bon droit se on le laisse la ou il est tombe puis que aidier ne se veult. Et encoires te dis ie plus a ce propos que se toutes les meilleurs medecines qui plus puissent prouffiter a corps humain malade pour venir a sante tant fussent elles par ypocras auicene ou galian bien composees et fussent vraies trouuees pour tresnotable especial remede contre toutes maladies estoient mises en la bouche daucun malade et quil ne les voulsist aualer ainsi les gettans dehors. Tu pues cuidamment congnoistre que point lesdictes medecines pour estre en la bouche du malade seulement sans entrer en lestomac et sans se espandre par les vaines pour conforter le cuer ne pourroient aidier a la garison du

malade veu que pas ne les auroit aualees. Pareillement par autre facon dexemplaire est il du pelerin qui desire a estre ou lieu de lacomplissement de son voyage lequel cheminant se fouruoie. Et lui esgare et mis hors du chemin quil doit faire lexploit de ses pas et traueil de ses membres et de son corps ne le temps quil y met nabregent en riens la longueur de son chemin ne de son voyage. ains fault bien souuent quil retoune par le chemin quil est ale tant et si longuement. quil puist retourner alendroit auquel premier se fourvoia en reuenant au vray et seur chemin. Et neantmoins quil ait souuerain desir d’abregier son chemin tant que plus on ne pourroit dire. Et dautre part est si mal content et sy tresdesplaisant de lerreur quil a faitte que plus ne le puet estre. Riens ne lui vault a labregement de son chemin le desir quil a ne le desplaisir de la faulte passee. si non en tant que la

bonne voulente quil a de soy amender le fait lors par effect

retourner comme dessus au chemin quil doit faire Ainsi doncques le temps de son erreur pour riens est compte. Et le trauail de sa personne et lexploit de ses pas ne seront de nul plaint pour ce que tout cecy est de nulle valeur et lui est par sa coulpe aduenu fors que en tant que la paine perdue quil y aura soufferte lui fera redoubter dy jamais y rencheoir ayant tousiours a chascun bout de champ lueil plus ouuert regardant a toute heure lequel chemin est ce quil doit tenir pour non plus y faillir. Hellas ie te demande desquelz voit on le plussouuent venir des gens du preschement ou de ceulx qui ont tresbien retenu et mis en leur cuer les bons enseignemens que le prescheur a dit. ou de ceulx qui ont dormy ou de ceulx qui ont tresmal retenu en veillant ce que le prescheur a dit. Car ilz ont pense ailleurs tant en leurs esbas et plaisirs ou en leurs temporelz affaires comme en autres vaines meditations. dont le prescheur qui parloït si longuement leur ennuyoit moult. et silz eussent eu plache 1lz se fussent moult voulentiers de la partis ou par redoubter plus la honte du monde que la cremeur

de dieu. Doncques se 11z nont point bien retenu le prescheur nen puet mais. Car cil qui ne la point bien retenu la bien oy. Et ainsi ne tient qua luy. Pour ce conclus quen ce deffault cy na nulle excusation. Car qui ne se veult aidier se rent indigne destre aiïdie. Et vng chascun scet bien dire souuent Ayde toy et dieu te aidera. Et ce dist on communement a tous ceulx qui se complaignent. Et pour conclurre et finer sur ce point ie te demande lequel est plus cause du maleur de cellui qui se plaint ou luy qui par la parresse de soy aïdier a ressourdre ne se veult aidier. ou cellui qui aidier : le veult tresuoulentiers et de bon cuer mais que lui mesmes se veulle aidier et a qui de tout son pouoir na pas tenu de aiïdier cellui qui ainsi se complaint : la cause et le mal principal ne touche il pas plus a cellui qui sent le tourment que a celluy qui le. regarde. | Lame.

Cela vous confesse ie estre ainsi que vous dittes et congnois moult bien ce que vous dittes et tous les exemples que cy mauez remoustrez estre vrays et plusauant vous dys et vous certiffie que ma voulente est dutout determinee de faire par effect entierement ce que me vouldres enseignier vous deux vous priant que vueilliez encommencier point apres autre sans plus tarder a dire et declairier le chemin que ie auray a tenir et le remede que ie auray a mettre pour bien corrigier mon tresmal deuot et emancipe cuer.

Contrition.

Se les hommes mortelz fussent vrayement seurs daussi longuement uiure ou plus par maniere de parler comme le commun langaige est que matusale vesqui en ce monde mortel transitoire et quilz peussent sauoir la longueur et la duree de leur passiue vie la quantite des iours le nombre des heures et le propre point du terme de leur mort sans en faillir vne seule minute. Aucuns folz abusez pourroient sur ce point ycy dire parlans sans consideration ne sans

fundement de raison mais simplement a la volee que on pourroit departir le temps par moittie Cessastauoir lune des parties pour contenter jennesse et pour saouler la char et emploier son entendement et son effect a pouoir auoir et joyr et aisier sa tresfraile et puant charongne des biens mondains et des plaisirs aussi. Car puis que as faitz tant de plaisirs et de biens en ce monde et que les biens dicellui faitz sont pour seruir a lomme. Par raison dieu ne se doit courroucier ne estre mal content se lomme en prenoit ce quil en pourroit prendre tandis quil est ou monde. Et veez la couleur de raison quilz vouldroient dire. Et puis lors quilz seroient en leage de viellesse et sur le retour et veu quilz seroient seurs de si longuement uiure ilz venroient encoires tout a temps dauoir le loisir de prier dieu et de faire des biens pour dieu asses et de penser aussi au sauuement de leur ame par facon quilz deseruiroient la gloire de paradis et en ceste facon satifferoient au corps et pouruerroient pour lame. Tout cecy nauroit a bon entendement et a la verite nul fundement de raison suppose que la longueur de uiure que iay cy premierement ores ditte fust bien vraye et certaine laquelle est la chose en ce monde plus incertaine et incongneue voire a nous que leure de la mort et la duree de nostre vie. Aussi ie ne dys pas ne point ie nentens que la mort ne soit trescertaine. Car vrayement elle est trescertaine comme chascun iour deuant nos yeulx le veons aduenir de pluseurs gens. duns et dautres qui meurent par diuerses et estranges tresmerueilleuses et piteuses facons. Delaquelle chose entre nous tous uiuans sur la terre sommes tous certains que autant nous en est aduenir. Car nous ne sommes pas dautre matiere et complection que ont este noz peres et noz meres seurs et freres jeunes et vieulx et de tous eages foibles et fors poures et riches qui tous ont passe par la et nous pareillement y auons a passer. mais quant : la gist le point car nul nen scet leure. Et pour ce doncques cela si na point de lieu. Neantmoins pour souldre sur ce point la mesmes sil estoit vray

que ainsi fust si ne sommes nous pas faitz a cela ne pour cela Car la vraye et parfaitte bieneurete nest pas a mener vie pour pensee ne estre victorieux en armes ne a soy trouuer en haultes dominations ne a auoir preeminences royales ne multitude de sieutes et acompaignemens de gens. ne dauoir richesses infinies ne en assiete de fertil pays ne en possider plaisans manoirs et sumptueux palais ne seignourir fors chasteaulx et puissantes citez ne en habundance dautres biens communs et exquis comme pierries ioyaulx et telles choses dont il se trouve peu. Oultre plus la vraye et parfaitte bieneurete encoires certes ne se trouve pas en belle stature de membres et vigueur de corps en beaute de personne en subtilite dengin ne en exquise eloquence. la cause si est pour ce que bien souuent on voit aduenir que ceulx qui maïnent vie pourpensee se delittent telement en leurs pompes quilz cheent legierement en tel orgueil quilz se mescongnoissent et leur createur aussi dont leur viennent les biens quilz ont et tant se prisent quilz desprisent autruy. Et par le desprisement dautruy se engendre hayne a cellui que on desprise par facon que la hayne puet tourner pour laduenir quant : las on ne scet en peril de la personne ou de lame de cellui qui ainsi se mescongnoist. Et pour abregier et non tenir en prolixite de langaige aussi victoire darmes ne puet estre sans autruy fouler dont la foule porte vng feu de hayne muchie et couuerte qui couue en son cuer lequel feu il garde pour lexploittier en temps et en lieu contre cellui qui la foule. Et dautre part le sang de ceulx qui ont prins mort souuent a tort et sans cause par les explois du victorieux crie sans cesser deuant la diuine face de nostre createur quil face iustice du tort tresinhumain et cruel a luy fait.

Haultes dominations et preeminences sont merueilleusement enuiees. Et neantmoins que maintz ou maintes font souuent a ceulx qui ont la preeminence grans honneurs et moustrent grant signe damistie si nest ce point que tousiours leurs cuers ne pensent quilz ameroient trop plus chier et vouldroient plustost pour

eulx la domination et auctorite par facon que quant il y eschiet ceulx la qui pardeuant font bonne chiere forgent par derriere choses contraires a lestat de lautre et dun coste lendorment lui donnant a entendre quil a beaucop damis et dautre coste sont veillans pour regarder le point et leure quil sera temps de le faire trebuschier lequel trebuchement en commun parler qui ores court sappelle es cours des seigneurs le bont desquelles diuerses facons de faire qui sont a la court seruans a ce propos me passe de declairier plus auant pour le present. Et cela nest pas encoires le pis qui y soit. Car ceulx qui ont grans dominations sont ceulx qui plus sempeschent des grans faitz touchans et regardans a la conduitte et regime du bien publicque laquelle est plus perilleuse a le sauoir guider iustement et saintement que nest la naue qui court a fortune a laquelle fault tousiours auoir lueil ouuert sans avoir loisir de dormir pour regarder se le voile a trop fort vent. et se le timon est tourne de bon bihaïs ou non. Hellas. hellas ie me doubte que si peu de gens sont au jourduy qui aient la veue de la discretion si iuste et loyale quilz aiment pluschier le bien commun que leur bien particulier. Et me samble estre moult grant charge et perilleuse a soy scauoir bien guider entre les gens mondains. Doncques par raison doit estre la charge plus perilleuse dasses sans comparison de multitude de gens plains de diuerses voulentez desquelz faulra rendre compte deuant dieu.

Oultreplus grans sieutes et acompaignemens sont souuent cause de tresdesordonnees et tresdeshonnestes dissolutions et infinitz inconueniens. Richesses infinies ne peuent sans nulle paine estre amassees sans grandes extorsions et sans inhumaines rapines. laise de belles assietes de pays fertil et delittable et plaisans manoirs sumptueux palais fors chasteaulx puissantes cites et habundances de biens font souuent oublier dieu et laise aduenir de la joie pardurable et ceulx qui viuent sans eulx souuenir de dieu. dieu a leur mort na souuenance deux.

Or quant aux vertus du corps comme belle stature vigueur beaute subtilite agilite et eloquence. cela est au jourduy flour souef adourant. et demain par aduenture sera foin pourry et trespuant. Qui trop doncques habandonne son vouloir met son plaisir et occuppe son temps es failliz et caducques biens temporelz cy deuant declairiez il se y pert piteusement. Et le cuer a teles choses enclin mande lame du corps ouquel il repose en pardurable paine et horrible destresse et angoisseux tourment denfer a jamais sans mercy. Telz gens sont moult lourdement esgarez et loingz du chemin qui en ce cuident auoir bieneurete. Car neantmoins que dieu ait cree les biens dessus terre pour la substentation et gouuernement de lomme si est a entendre que la substentation doit estre selon la neccessite de lomme voire prinse par [raison et non pas pour degaster les biens ne pour soy abuser et perdre temps en lapplicquant a contenter la char comme fait le pourceau qui a le museau boute en lauge iusques aux yeulx. Et ne sert en ce monde de chose qui soit si non seulement de boire et de mengier et de dormir sans sauoir dire du moins grant mercys a cellui qui le pense. Et vela belle vie de mengier et de boire oultre son saoul sans cesser iusques a estre creue. Et puis quant il est bien plain et que le trop mengier lui eschauffe la char il sen va soullier et bouter en la plusorde fange quil puet trouuer pour soy raffreschir. Et aduient que bien souuent le pourceau sendort en la fange si auant fichie que on nen puet vevir que le museau.

Doncques ceulx par raison ne peuent pas dire quilz ne soient plus ofs et abhominables que le pourceau qui en la fange tresorde et sale des delices et voluptez de ce monde-se vont voitrer. Et se tu me demandés qui sont ceulx la je te respons que ceulx qui ont plus mengie et fourre leurs museaulx es biens de ce monde ce sont ceulx le plus souuent qui se vont getter en la fange pour le plaisir quilz y prennent lequel plaisir accessoire passe le principal quilz deussent auoir. |

Lacteur parle.

Contrition fina ainsi son dire et lame qui ententiuement et moult fort auoit sur elle fichie son regard en lescoutant tandis que contrition ainsi parloit. lors quelle se teut rabaïssa le chief de rechief en bas et recommencant a souspirer aussi hault ou plus que oncques elle auoit par auant fait. Et en tel estat vne pieche fu toute achomee sans mot dire. Et puis apres en voix vng peu bassette dist en ce point comme ycy sensieut.

Lame.

Ha monde que tu est vrayement perilleux. Hellas et que peu de gens te congnoissent, ne les tours ne les jeux aussi dequoy tu sces jouer jeux ne sont ce pas. hellas pour les tresdoulentes creatures que si fort tu abuses quilz en acquierent le dampnement de leurs ames ou temps ouquel ilz deussent plus par faitz contraires a tes abusez plaisirs a tes faulx delices a tes deceuables faitz resister et a tes dampnables voulentez qui soullent leurs cuers attisent et alument non pas de lumiere resplendissant. mais de feu plus obscur et puant que cellui de souffre lequel feu auugle plus dasses pour trebuschier quil ne esclaire pour aidier a conduire a se pouoir guider. ha que par toy et par tes faitz sont comme ie croy dames sans mercy condampnees a perpetuel dampnement sans ce que jamais elles doyent veoir la fache de leur createur lors quil tendra son grant iugement laquelle fache tresredoubtable trescrainte et tresespouentable et enflammee de rigueur de iustice sera regardant par courroux et maltalent sur tous ceulx qui en pechie seront par leur negligence couppe et hastiuete desordonnee dappetis sensuel sans correctionnelle penitance et repentance voulentaire departie de ce monde en lautre et qui par plus auoir creu leur voulente que la raison nauront volu amender leur vie morans en leurs pechiez. ha fy doncques de toy monde ha fy ha fy ha fy. et plus que fy. Car ceulx qui tont plus

essaye et qui plus te congnoissent te doiuent en verite dessus tout le plus desprisier et ne tenir compte qui soit de toy en te fuiant le plus quilz peuent. Ainsi ne plus ne moins que on doit faire quant lair dune contree est infect et remply de forte impedimie. Car le plus seur remede quon y puist trouuer si est que le plus tost quil est aux gens possible on se doit tirer tout arriere et aler le plus loingz que on puet. Aïnsy ne plus ne moins est ta conuersation vrayement faulx trayttre monde plain de impedimie et de mort qui fait las morir la doulante ame a iamais sans fin. Et pour toy bien et loyaument blasonner.

Tu ne payes monde dautre monnoie Fors de promesse faillible et variable

Et de confort tresmenteur et. dampnable Et aussi voir de peu durable ioye

Et desperance en la fin deceuable

Et de plaisir tost transi non vaillable Qui passe acop dont maint puis en larmoie De bien si peu on y trouue estable

Ne damistie ou trayson detestable

Ne soit parmy meslee a grant monioie Ton abus est si fraile et corrumpable

Et le temps perdu las inrecuperable

Que tout chascun de bien faire desuoye.

Lacteur.

Apres ce que lame eut dit ainsi comme cy deuant auez oy en desprisant le monde et que crainte de dieu apperceu que lame auoit le monde si en abhomination et contre cuer que plus elle ne pouoit. Craïinte de dieu se tourna vers sa suer contrition en elle doucement regardant et soy vng petit souriant de la joie quelle auoit de ce quelle esperoïit que leur venue pourra fructifier au sauuement de lame par la discipline correctionnelle pure serue et totalement voulentaire sans contredit nul comme il lui sambloit

que lame auoit de reduire son cuer dist a sa seur contrition crainte de dieu.

Crainte.

Ma suer loe soit dieu de ce quil lui a pleu nous adreschier celle part cy. Car ie voy quil ne sen fault plus que vng peu de doctrine soit remoustree a lame encoires quelle ne soit du tout en bonne voye et maistresse de son cuer. Car tant et si vertueusement contrition ma seur auez parle lui remoustrant ses deffaultes quelle vous a en soy et elle en vous. dont bon rapport et ioyeux vous en fera son bon angele qui a la garde delle ce croy ie vrayement auant quil soit peu de temps deuant dieu. Et vous scauez quel plaisir cest a dieu de lamendement du pecheur et quelle grande contentesse il en a et quelle consolation cest a toute la court de paradis et quelle feste en demainent les angeles aussi. Et pour ce doncques ne attendons plus a luy moustrer le vray sentier et la droitte voye que elle a a tenir et ce que sur ce vrayement elle a promptement sans plus seiourner a faire par effect.

Contrition respond a crainte de dieu en toute humilite soy enclinant disant ainsi.

Madame vous parlerez sil vous plaist. Car cest a vous affaire et lui remoustrerez le sentier et adresse lequel par cuer sauez quelle a a tenir. Et se par cy deuant iay trop ou peu parle vostre parolle correctionnelle aura lieu et la mienne non. Car autrement vrayement pas ie ne lentens pour ce que comme vous scauez desplaisir occuppe bien souuent mon entendement si que ie fay grant doubte que ie ne sauroye pas si bien declarier comme on feroit de sang rassis Neantmoins que le desplaisir que iay dautre quelconque chose ne procede que de repentance de mes deffaultes passees.

Crainte respond a lame acop et sans tarder ainsi disant.

Ha : ma seur mamie. Ce desplaisir que vous auez ne occuppe pas certes lentendement ains voir lesclarcist. Et ose bien dire que sans desplaisir nest contrition entiere ne ne puet estre ditte vraye ne parfaitte. hellas les plaisirs que le cuer du pecheur prent en lorde delectation de faire son pechie deust par raison estre mieulx dit troublement que le desplaisir que vous auez en vraye repentance. Car vrayement ce tresfaulx plaisir a abuse tellement son entendement quil ne scet ne veult auoir lentendement ne la congnoissance de discerner le bien dauec le mal ne le pechie dauec le bien fait. Et pour ce doncques sur ce na que blasmer ne que reprendre. mais ya a loer grandement. Car on ne puet mieulx faire. Touteffois puis quil vous plaist que a ceste fois ie parle ie parleray voire en brief langaige a ceste ame qui cy me regarde lui remoustrant a mon loyal aduis ce quil me samble quelle a a faire.

Crainte de dieu print lame par la main et sapprocha delle et puis apres parla a elle ainsi et par tele maniere disant.

Vieng ca sus lieue toy ne songes plus et me veulles escouter et si ne te soussie fors seulement de faire ce que ie te diray sy joyras de ton cuer a ton gre. Or mentens bien Car ycy gist le point de toute ta matiere et le seul fundement de la seurete de ton fait. Tu te plains de ton cuer de ce quil est trop vollage et aussi de ce quil croit et aime plustost et de legier sa voulente que la raison et son plaisir que son prouffit. la verite est telle ainsi vrayement comme tu regehis de toy plaindre de luy as bonne occasion. Ouitre plus tu demandes a ma suer et a moy secours ayde et seur conseil sur ce point cy et ce que tu as affaire. Car tu congnois comme tu as dit cy deuant la duree de la vie mondaine estre briefue et incertaine et le pas de la mort treshorrible et dur et dampnable

pour ceulx qui meurent en leur meschant pechie sans auoir aucun bien fait. Se tu veulz en ce monde de ton cuer joyr il te fault oster sur toute riens ce trespuant et sale rouylle de vaine plaisance qui obscurcist ta pensee. Et pour icelle faire clere et nette il test neccessaire de loccupper du tout en bonnes euures. car la pensee vvide ne puet estre ne on ne la puet garder de comprendre bien ou mal. Et dautre part ne puet parfaittement receuoir que vng seul comprendre en elle a vne fois. Doncques quant elle est plaine de mal nul bien ny puet entrer. Si test besoing de la remplir de tout bien et bon pensement affin que plus nulle mauuaise cogitation ny soit layens receue et que par les bons pensemens on puist venir a faire bonne euures. Touteffois affin que bien tu lentendes bonnes euures sont de pluseurs qualitez et asses en ya. maïs pour abregier et venir au principal point et au neu de la besongne ainsi ne plus ne moins que leuf a pluseurs parties comme lescaille le blanc et le mieuf et tout est bon si ne sensieut il pas que ou myeuf ne soit la principale et meilleur substance quen nulle des autres qualitez de luef. hellas estil ainsi vrayement et mieulx dasses sans comparison quelle que elle puist estre de la douce parfaitte vraye et deue amour de ihesucrist nostre vray redempteur laquelle passe tout autre bien fait que la creature ne sache faire. Car dieu ne se veult payer dautre monnoie fors de la pareille que de sa grace il a paye pour nous. Cestassavoir ainsi quil nous a iusques a vouloir morir amez que aussy le veullons nous amer de tout lentier pouoir de nostre affection et de toute la voulente parfaitte de nostre congnoissance et pour toy remoustrer quelle doit estre ceste amour dont ie te parle tu dois scauoir desoresmais et congnoistre que toute amour procede de quelque occasion a ce mouuable. Et premierement pour te dire et declairier que les amours sont mauuaises tresfaulses et dampnables lesquelles en ce monde et pour ce monde naissent et meurent voires meurent quant au plaisir que on ya et que on y puet auoir. maïs ilz ne meurent pas.

F. 3lv

et jamais ne morront les tourmens ne les paines qui de celle amour procede. De laquelle paine lame dampnee se saura bien apres la mort aquoy tenir. Tu dois entendre que deux principales amours en ce monde sont dampnables pour ce que loccasion de lune meut de desordonnee concupiscence charnelle tresorde et tresdeshonneste Car se on y peche aussi fait on pechier autruy. Et par ainsy deux mesmes personnes a la fois y pechent lourdement. Et ne souffist pas a ce trespuant pechie ainsy que a lun des autres pechiez de dampner vng pecheur a la fois. Ains les fait le diable deux et deux trebuschier ou parfont puis denfer. et si est lun pour lautre et chascun pour les deux pugny de ce pechie pour ce que chascun a este cause de y attraire son per. lautre second amour meut doccasion conuoïiteuse remplie dun desir plain de voulente effrenee de raison lequel desir conuoitte sans autre plaisir a pouoir acquerir des biens mondaïins ca bas si largement que cellui mesmes qui conuoitte ny sauroit mettre fin ne auoir souffissance en son cuer suppose ores quil eust tous les biens de ce monde que on sauroit dire ne aussi souhaïdier. Et pour ce en auoir de lautre en a qui se met a lamer en occuppant le temps de lamour quil doit a son createur a complaire et amer autruy. laquelle amour ne puet estre ditte bonne vraye iuste belle ne raisonnable. Car celle amour va et tire tout droit aux biens dautruy et non pas a la personne. Doncques clerement sur ce point chascun puet iugier que quant les biens de cellui que on aime fauldroient aucunement ainsi feroit aussi tost ou plus tost lamour de cellui qui laime ou qui moustre lamer. Soubz laquelle amour se nourrist bien souuent la fille de faintise. Cestassauoir dame flaterie laquelle est plaine de deceptiue trayson qui endort mainteffois les tresfolz abusez qui delle sont blandis a leure plus a eulx neccessaire et quilz deussent estre veillans et en agait si puet doncques estre ditte trayteresse et deceuable. En conclusion en ce monde miserable nya amour qui ne soit transitoire. Et tant

plus aura la personne mis son estudie a amer quelques biens mondains ou quelque autre creature plus que dieu je te dys et te certefñie que de tant plus quil y aura fichie son cuer dautant fault quil ait souuenance a toute heure plus de telz biens ou de celle personne que dautre chose. Dont il aduient puis et est force quil yait fin et terme de depart en icelle amour. Et sensieut que en nulle facon par cas inoppinez et dont nullement la creature qui les a ne se donne garde comme par feu par eaue par cas mis et imposez sus par les offices et officiers de la seignourie par plais ou par larrecins des propres amis esquelz on se fie plus. Telz biens sont perdus gastez et exilliez ou transportez hors de la puissance et bail de celluy qui les souloit possider en grant amour en les tenant plus chiers que nulle quelconque autre chose quil eust en ce monde. Et puet estre quil les auoit acquis a tresgrant paine et dangier de sa personne et les gardoïit bien celeement esperant sen aidier ou temps de la decrepitude de son derrenier eage pour soubstenir et supporter lors son impotence. Dautre part se tu as bien ame ton pere ta mere tes freres et tes suers ta femme ou toy femme ton mary ou tes parens et amis naturelz ou acquis plus que tu nas fait dieu ou seigneurs ou maistres qui te auront promis de grans biens ou par leurs grandes et larges promesses auras largement employe ton temps a les seruir en la meilleur et plus vertueuse saison de ta jennesse sans nullement penser a ton fait pour le temps aduenir et 1l aduient que par enuie on te mettera en leur malegrace dont tu te feras dechassier de leur court ou de leur hostel pourquoy te fauldra viure sur la labeur de tes bras. et ne sauras ou aler. Et cuideront maintes gens que le congie que tu auras eu de ton seigneur ou de ton maistre soit aduenu par ta coulpe et deffaulte. et a ceste cause ne te vouldroient recepter. ou ton seigneur et ton maistre morra et lors te trouueras comme tantost ne et de nouueau venu au monde pour aprendre a viure. leur mal ou leur mort ou telz cas te feront douleur non pas partie par egale portion. Car

se pour les auoir voulentiers seruis ou bien volu nauoies point plus de dueil pour eulx que tu as eu et receu de ioye par eulx encoires seroit ce occasion en quelque facon de deuoir mieulx porter en gre et pacience le dueil que pour eulx tu portes et que la fortune depart a eulx et a toy. maïs ainsi ne va pas car pour vne 1oye tu pourras souffrir cent douleurs cent heures de pleurs. cent iours dangoisseux souuenirs plains de regretz et de parfons souspirs dont tu viueras ainsi comme en langueur. Tout te ennuyra et toute chose que tu orras dire et que tu verras faire te desplaira. Tu feras mille souhaiïs sur toy et sur autruy sans auoir consideration se les souhaitz sont raisonnables iustes ou non. plaisans ou desplaisans a dieu. Tu murmureras contre dieu. et diras en toy mesmes ou en ta pensee penseras secrettement que dieu te tient en vng grant tort pour ce cas la. et par ce le reputeras non iuste seigneur. Ha poure creature en quelle folie tresperilleuse et dampnable te metz tu en pensant telles choses. Premiement tu troubles ton entendement. Secondement tu chasses ta sante de toy. Tiercement tu guerroyes ta paix et ton repos. Et quartement tu pourchasses l’indignation de ton createur par murmurer contre luy et vouloir plus quil ne veult de la chose qui est a luy seulement a ordonner et non point a toy en riens qui soit en parler ne congnoistre. Car tout a este fait et cree de neant par lui. Et pour ce en lui est de disposer a sa voulente de toy et de toutes autres choses. Doncques tant plus metteras ton cuer et ton amour es choses transitoires de ce monde tant plus perderas de temps et feras change de vne once de ioye et de plaisir que tu y prenderas a plus dun quintal dangoisse de dueil de soussi de paine et de tresgriefue et dure amertume. Vela la fin et conclusion des amours et affections vaines de ce monde. Et vrayement le paiement en est tousiours tel que cy dessus est dit. Et quant a declarier toutes les facons comment le dueil que on a des ioyes mondaines aduient. il en ya trestant et de si diuerses facons et si tressouuent aduiennent

EF. 36v

que on ne les sauroit dire de bouche ne mettre par escript. Neant-

moins 1e nentens pas que tu ne doies amer les biens et les creatures

que dieu a fait ca bas en ce monde aïnsi quil la commande. mais quoy cest a entendre que pour lamour que tu as a ton createur tu veulz amer ses creatures et les biens quil a creez en rendant graces gloire en loenge a son saint nom voire et que ceste amour te meuue de charite et depende de lamour de dieu. Et quant ton amour sera tele tu ne pourras auoir nul corroux qui doiue estre contre la voulente de dieu ne ne murmereras contre sa souueraine maieste. Et par ainsy ceste amour sera tresiuste et tressainte laquelle se puet comparer au tresbel et plaisant cler et bruyant ruisselet qui vient de la fontaine dont naïst la tressainte et parfaitte bonne eaue lequel gent ruisselet par les lieux ou 1l passe rent vng doulz son estriuant au grauier et si abreuue la pree alentour en tele maniere que lerbe en verdoie toute et si est drue menue et poingnant semee par lieux de florettes petites plaisantes et belles souef odorans qui sont de couleurs maintes et de facons diuerses qui aournent la pree dont la contree en est embelye dasses trop plus que de nul autre lieu de la pres qui soit en nulle part pour les passans illec solacier. Tous lesquelz delices et beautez que iay dit cy dessus procedent seulement de la frescheur et humidite attempree. dont est tempree la terre du beau pre. Et puis doncques que en ce tresbeau et joly ruisselet a tans grans biens et plaisirs. par plufforte raison doit estre la fontaine dont le ruisselet procede trop plus delittable douche et delicieuse sans comparison nulle que nest leaue qui en habunde et sen part coulant hors.

Or reuenons doncques a celle tressainte et singuliere fontaine de lamour de dieu qui abeuure lame de souueraine contentesse laquelle amour ne puet nullement estre ditte entiere ne vraye par facon quelle puist verdir florir ne porter fruit quel quil soit pour embelir et aourner de vertus le corps ou il pose se elle na en elle trois choses principales. la premiere si est quelle doit passer oultre

toute autre amour qui puist estre faitte ditte ou pensee. Et se autre amour ya il conuient quelle depende dicelle seule amour comme fait le ruisseau qui part et naïst entierement dune seule fontaine. Surquoy te certefie que tant plus lameras plus le vouldras amer et plus fort te plaira la sainte et delectable contemplation que en toy prenderoies. laquelle ne donneroiïies pour nul autre auoir. Alors que bien parfaittement y auras mis ton cuer et ton entente. la seconde chose doit estre que tu craingnes et doubtes de perdre sur toute riens plus que de perte que tu puisses faire par ta coulpe et deffaulte lamour de dieu laquelle tu dois vouloir acquerir. Car se par ton deffault ne vient de sa part ne viendra pas de cela ie te asseure veue sa bonte et douceur et lamour quil a et porte a lumain lignaige qui est si feruent et entier que plus on ne puet dire. tesmoing la trescruele et piteuse passion que si doucement et benignement par fine amour voult et daigna souffrir laquelle test si notoire que tu ne le dois pas ignorer. la tierce et derreniere est que a toute heure et sans delay ne sans penser qui soit tu mettes paine et prendes garde a toy estudier sans cesser de faire les choses que tu sces et penses qui plus doiuent plaire a sa maïeste pour plus acroistre lamour quil te porte de sa benigne grace. Car ie te aduise que tousiours il remunere pour vng bien cent et plus et si na en ce nul temps perdu. Car on ne puet mieulx faire.

Et se sur la premiere part damer ton createur plus que quelconque autre riens qui soit veulz scauoir la facon et maniere que tu as a tenir vecy comment tu en pourras vser.

Prens quil fust aduenu que vng charretier qui auoit vne charrette atelee a deux cheuaulx dequoy il gaignoit sa vie marchanda a vng trespuissant seigneur et riche damener dedens sa charrette dun lieu a lautre son espeuse et lui eust promis son paiement a cent doubles plus quil ne deseruoïit. mais ou marchie faisant auoit vag point qui estoit que se la charrette versoit ou aloit seulement ca et la hors du droit chemin le charretier perdoit son loyer. et

estoit en oultre tresgriefment pugny. Or estoient les cheuaulx dudict charretier si gras que nullement ne vouloient riens faire pour leur maïstre. Et ia par pluseurs fois par leur trop gay couraige et par leur regiber auoient fait la charrette verser a terre Car le charretier les tenoit si treschiers quil ne les chastioit point tele paour auoit il de les degaster. le premier desquelz cheuaulx auoit vne tresmauuaise coustume. Car il estoit si conuoiteux de regarder ca et la que tous les cops sailloit hors du chemin pour soy aler esbatre au plaisir de son voeul. Et le second nestoit pas dautre part moins mal conditionne. Car a tout bruit quil ouoit il tyroit celle part sans regarder a sentier ne a voye. Et a ceste cause le charretier pour les moins affoller les menoit voulentiers et le plus souuent quil pouoit par le plus plain chemin quil sauoit trouuer. Et regardant le charretier ses cheuaulx estre si desreez et dautrepart pensant au loyer quil gaigneroit sil pouoit droit charier sans tumber. puis apres considerant la paine quil auroit ou cas quil feroit faulte. nest pas a demander se son cuer estoit en soussy et esmay pour lesquelles choses moult de fois il pensoit en soy quel remede il pourroit en ce fait cy trouuer. Si aduint vng iour ainsy quil en parloit auec vng sien bon amy que vng autre qui se congnoissoit ou fait de charroyer et moult en estoit duit sapprocha de lui qui ainsi se garmentoit a lautre lui disant Dy mon amy qui as entreprins a si droit charier que point ne dois verser sces tu bien ton mestier et ce qui tappartient a mener droit ta charrette sy qualafois elle ne doiue tumber. Dys moi premier se tu congnois bien au vray la condition de tes cheuaulx. Craingnent ilz le fouet quant 11z le oyent sonner. sont 11z bien embronchiez dys moy duquel fais tu le Iymmonnier. Respons moy ie ten prie. Car pour tout bien ie te le demande. Ausquelles questions le Iymmonnier ou le charretier respondi ainsy. Mon amy ie scay bien que voz demandes sont fundees sur raison et que tout ce appartient a bon charretier sauoir et congnoistre. Et pour vous en dire brief la

F. 4lv

verite lun des cheuaulx conuoitte ce quil voit et lautre va tousiours celle part ou il ot bruit. Et bien souuent il aduient quant lun tyre a gauche que lautre va a main droitte si font la charrette a la fois verser par facon que suis lors si empeschie que ie ne scay auquel courre ou aux cheuaulx qui ainsi forment se effroyent ou a la charrette qui est versee a terre. Vray est que du fouet jamais ie ne leur touche ne mors ie ne leur metz qui leur fache greuance par quoy ilz font du tout a leur vouloir dont sensieut que la charrette pour les hurs quelle en a prins est fort affoiblie. Quant lautre entendy le charretier qui ainsy parloit 1l commenca a soy esmer de ce quil luy ouoyt dire si sapprocha de lui disant. Escoutte moy ie te veul enseignier comment tu chariras droit sans doubte de verser et sans faire long sermon. Entens et retiens bien mon dire. Puis que ainsi marchande as si que mieulx on ne pourroit marchander mais que point tu ne failles. Ton loyer est moult grant noble et merueilleux. En affin que ne le doyes perdre croy mon conseil. Car du mestier ie mentens autant que homme qui soit en vie. Et pour bien te le moustrer : Vecy que tu feras. Le cheual que tu metz le premier a tyrer qui si legierement se desree au hu au cry et au haynnessement dautruy tu assourdiras du tout quil noye desores mais nullement. Et lautre qui conuoitte ce quil voit et regarde ca et la tu auugleras. Or doncques quant tu auras cecy fait ta monteras dessus cellui qui plus ne verra et si le guideras. et a chascun deulx tu metteras mors neufz plus fors dassez quilz nont acoustume. et oultreplus ne leur donneras a mengier que le tiers seulement de la prouuende acoustumee Et ne veulles pas tant craindre de perdre deux paillardes charongnes comme sont tes cheuaulx plus que vouloir gaigner vng si noble loyer si riche et si grant comme est cellui que on ta promis mettant en non chaloir se pour ce 1lz sont amagris et se tout beau vont le pas sans eulx effroyer. Car dasses il vault mieulx auecques deux cheuaulx borgnes et sours maigres et deffaitz charier droit et

saigement que auecques cent destriers fors et puissans bien aisiez gras et bruyans fort nourris et rebelles par leur confusion verser du tout a terre charette et voiture et perdre son loyer et demourer failly lasse et recreant au plusfort du chemin sans pouoir parfurnir le voyage entreprins que on a commencie a faire dont puis apres on doiue souffrir griefue paine blasme anoy et desplaisir. Or fay doncques ainsi comme ie tay dit et enseignie se tu veulz bien faire et certes bien ten viendra. Et sur ce point ycy ne te veul dire pour le present autre chose si non que tant plus tost feras ce que ie tay maintenant dit et de tant moins y perderas de temps. Ainsi se teut et son chemin passa laissant le charretier auquel il auoit dit comme cy deuant auez oy lequel charretier auoïit bien retenu tout ce que dist ledit homme. lequel trouua que moult bien lui en print. Car sain et sauf acomply son voyage et gaigna le loyer qui lui estoit promis. dont il fu enrichy a tousiours et a jamais.

Comment le charretier estant sur Ie [ymonnier maine la Rovne dedens son chariot atele de deux cheuaulx gras ct ros.

Or reuenons a declairier la substance et effect de la similitude que ie tay ycy ditte. Et premierement le charretier est prins pour lentendement raisonnable. le premier cheual de la charrette est prins pour les oreilles, le second pour les yeulx. la charrette pour la voulente du cuer. et lespouse qui va a son espoux est prinse pour lame qui va a dieu duquel elle est espeuse et le chemin est prins pour le cours de la vie. Et est assauoir que veoir et oyr sont deux des cincq sens de nature les deux qui plus font mouuoir la voulente de lomme soit en bien ou en mal ainsi que chascun scet et est chose commune. Doncques se tu veulz bien parfaittement amer ton createur il fault que tu y appliques purement singulierement et dutout ta voulente. Car autrement tu nameroïes

pas de tout ton cuer se la voulente ny est entiere. pour ce que la voulente est le principal sensitif du cuer et les principaulx organes de la voulente sont les yeulx et les oreilles comme jay dit. Ainsy ne plus ne moins comme sil y auoit deux huys en vne chambre grande et spacieuse sans lesquelz on ne pourroit entrer dedens icelle chambre pour la resistence materielle de lespesseur du mur. Et quant on seroit dedens ladicte chambre laquelle est prinse pour la voulente est assauoir que le vray repos est plus ou lit que nulle des autres pars de la chambre. Ainsi doncques fault a celluy qui entre en la chambre de la voulente quil y entre par luys ou par luys des oreilles ou par celluy des yeulx. Et quant il y est entre fault quil repose sur le lit du cuer. et la gist le bien ou le mal. Et pour reuenir a declairier la facon dassourdir tes oreilles et dauugler tes yeulx qui sont prins pour les cheuaulx qui tyrent la charette il se puet faire ainsi et brief. Tu dois fuir les lieux ou vrayement tu doubtes trouuer compaignies lesquelles pourroient donner occasion a tes oreilles de faire incliner ta voulente a pechie Et se tu penses en toy mesmes que tu feras la raison dominer sur ta voulente telement que tu nauras garde de pechier en chose que tu oyes ne en riens que tu doyes veoir. Je te respons sur ce que cest plus forte chose de estre en lieu ou on puet veoir et oyr faitz mondains et plains de vanité qui tirent a pechie sans ce que la voulente de cellui qui les voit et oit ne si doiue encliner que ce nest de mettre la main en leaue et la pouoir retirer hors sans estre moullie. Car des aussi tost que loeul voit et loreille oit quelque chose qui appette au corps je te dys que naturellement lappetit sensuel y fait incliner la voulente par facon que le cuer le conuoitte. et celle conuoiïtise meut et empraint ou souuenir de la personne vne emprainte laquelle y demeure ainsy ne plus ne moins que la figure de scel fait en la cyre et laquelle emprainte ne puet pas estre si legierement effacie et sans grant paine. Et neantmoins quelle ait este de legier emprainte a vng cop et sans

violence fault que par force dautre nouuelle emprainte plus forte qui surmonte celle la elle soit amentie et effacie. Ainsy lassay en est tresperilleux et dampnable. et vault mieulx y remedier par non le vouloir sauoir que par le vouloir oublier et les lieux qui par ce sont a eschieuer et fuir sont bien aisez a congnoistre. Car lexperience du temps passe en recordant par desplaisance les pechiez lun apres lautre te feront saige pour laduenir. Et quant il te souuiendra du pechie aussi te souuiendra du lieu et de la facon et de loccasion prenderas garde quant bien y penseras par maniere que plus ny puisses ne doiues rencheoiïir et les fuiras deuant la main en querant occupation tele et si bonne que tes yeulx ne tes oreilles nauront vouloir ne pouoir de rapporter a ta voulente autre souuenir que de faire bonnes euures et agreables a dieu par facon quelles soient et puissent estre vaillables au sauuement de ton ame. Et chascun qui vrayement et entierement veult mettre toute son amour a amer son createur doit ainsi auugler et assourdir ses yeulx et ses oreilles. Et doit le charretier de son entendement restraindre la prouuende de son appetit desireux telement quil joysse legierement de ses cheuaulx cestassauoir de ses yeulx et de ses oreilles touteffois que il verra estre besoing et quilz ne doient iamais oultrepasser iusques a ce que lentendement nait comprins premier que ce soit tresbien fait. Et le son du fouet doit estre prins pour les saintes doctrines dittes et pronuncies par les prescheurs. lequel son doit estre tressouuent recorde et sonne si que bien ilz entendent les commandemens de dieu par le son du fouet de sainte predication a celle fin que il aille quant temps et lieu sera. Car qui fera ainsi ne occuppera plus ses yeulx ne ses oreilles a autre chose fors a conduire et charier la voulente du cuer en la droitte voye de lamour tresparfaitte tresdouce et sauoureuse de son benoit createur. et sans point penser ailleurs plus que en cela sans auoir desirier que a autre amour doiue passer celle vraye seule amour. Et se sur la seconde part de craindre perdre lamour

de ton createur plus que de perte que jamais puisses faire veulz sauoir la facon et maniere que tu as a tenir vecy comment tu en pourras vser. Preng quil aduint que vne poure femme eut laboure et traueillie tout au long de lannee a faire arer son champ puis a le semer puis a le sarcler et nettoyer le mieulx que faire le peut et ietter hors les pierres et herbes qui sont de nulle valeur comme chardons ronses espines orties et autres herbes portans graine qui gastent le bon ble. Puis en apres ou temps de recueillir eust traueillie de tout le pouoir de son corps en grant sueur et par grant labeur au soleil a soyer son ble a le mettre en garbes a le porter en la grange et finablement a le faire batre. En quoy faisant comme chascun bien le scet fault emploier maiïnt jour lun apres lautre sans autre chose faire. Et fu ainsi que depuis le ble bien batu et vane et nettoie au vent par le cribel sy tresapoint quil ny eut plus que le grain demoure la poure femme le mist en vng sac pour en faire faire de la farine. Et ainsi comme elle portoit sur ses espaules son sac ou pou de ble auoit trouua vne riuiere que nullement ne puet a gre passer. Si sercha tant hault et bas le long de leaue quelle trouua vng pont non pas trop bon ne seur a son aduis. Car piecha auoit este fait et basti et de si treslong temps que la plus part des boys qui trauersoient estoient pres du tout pourris et peril eust este a ceulx qui passer y eussent volu dasseurer leur pie fort sur lun des bois qui pourris estoient comme dit est pour doubte de tumber en leaue ou se affoler les membres ou le corps. Et ce voyant la poure femme regardant le pont estre tresdangereux perilleux et tresmauuais et a passer se elle fu bien esbahie nest mie a demander. et bonne cause auoit de sen soussier sy se arresta pensant quelle pourroit faire et tant seiourna en cest endroit quil fu tart telement que ia le iour declinoit tirant vers la vespre. et le soleil se abaïissoit forment en sen alant couchier. lors elle pensa a son fait considerant et voyant la nuit estre prochaine et que encoires nauoit riens fait de ce quelle vouloit faire en souspirant

se lamenta si treshault que vng homme qui pres delle passoit le entreouy parquoy il ala la et lui demanda quelle faisoit et quelle auoit entention de faire. Aqui la poure femme en plourant respondi. Hellas beau sire ie suis moult empeschie voire et si tresfort que ie ne scay que faire. Car il me fault par force passer sur ce pont se ie veul de mon ble que cy ie porte en ce sac sur mon col faire farine. Touteffois se ie me metz a passer ce pont pour vray ie congnois bien que en peril ie suis de verser en leaue et par ainsi perdre la personne et la labeur de toute mon annee. Quant lautre lentendi promptement il lui respondi ainsi. Et comment noseroies tu en ce cas perilleux eslire de deux maulx le moins pire pour pouoir eschieuer le plus mal aduenir. Ne ta donne dieu sens asses pour guider tes faitz et ta personne. Je croy que oyl veu que desia tu criens le peril du pont pour doubte de morir ou de perdre la charge que sur ton col tu portes. mais ce pas ne souffist sy te veul dire ce que tu auras affaire pour seurement passer le pont qui est tresperilleux comme tu vois. Puis que ainsi est quil test force de le faire Ne marche pas oultre si auant que premier tu nessayes se en cellui endroit ou tu marches le bois est asses fort. Et quant tu y metteras le pie se tu sens que le pont crie Retire le a toy et ne veulles pour celle fois marchier si auant que tu vouldroies bien faire. Car il te doit souffire de tout bellement passer oultre a sauuete sans tant te haster que tu doiues auoir paour laquelle chose oye de la poure femme elle ne voult plus tarder et alauenture son sac sur ses espaules se mist a passer oultre. Et pour non perdre sa labeur de lannee a vne fois et soy mettre en peril delibera de nesvng pas faire que premier a bon loisir de lun des piez neust bien assaye bois apres autre se le pont le pourroit porter. Et quant le bois ne crioit point pour marchier quelle feist dessus le bois de lautre pie marchoït y reposant son corps Et neantmoins que long temps y meist. iusques au molin ou elle desiroit estre vint en passant le pont ainsi bellement marchant

comme auez oy pour doubte de verser et tant fist que de son ble eut farine foison tant que repeue et bien rassaisiee en fu toute sa vie.

Comment la femmelette monte sur le pont chargie de son ble sur son col.

Or reuenons a declairier la vraye substance et effect de la similitude que ie tay dit Et premierement la poure femme qui par tant de temps auoit et si longuement traueillie sans auoir a autre riens emploie son annee fors a pouoir gaignier ce peu de ble quelle apporta sur son col a si grant paine au molin est prinse pour leuure de la personne et le sac de ble est prins pour le merite le pont est prins pour la conscience les boïs qui trauersent sont prins pour les pensees de lomme. le pie de la poure femme est prins pour le propos de la personne. la riuiere pour lire de dieu et le molin est prins pour la gloire de paradis. Et pour ce cellui ou celle qui aime et a vouloir de faire de son ble bonne farine. Cestassauoir le merite de ses faitz faire venir a bonne perfection enuers dieu doit doubter et cremir par dessus toutes autres choses et auoir paour plus que de la mort de desplaire a dieu nostre benoit createur en cheant en la riuiere de son ire par facon quil en perde sa sainte et douce amour. Et se tu me dis que naturelement cest forte chose de constraindre le fraile vouloir de la personne a craindre et a doubter nulle autre riens plus que la mort. Je te respons sur ce en brief que langoisse de la mort a trespeu de duree et de tant plus en est la douleur dure forte et aspre de tant plus en est la douleur passee plustost. mais ainsi nest pas de la mort denfer laquelle on acquiert par encheoïr en lire de dieu Car langoisse en est pardurablement sentue et tant plus dure detant est plus douloureuse et desesperee Et ce mal la est a jamais et sans fin duquel mal et angoisse la crainte doit preceder la doubte de la mort naturelle que point ne pouons euiter ne fuir. Ainsi ne plus