PL. VII

principaulx qui gouvernent les faitz dune cite. Ainsi sont les delices de ce monde gouvernans les faitz de la cite cestadire les mondains non pas par rigle ne iustice. maïs par confus et detestable desordre iniuste et dampnable. Et dautre part le saige capitaine qui tient la cite assiegee et veult faire donner lassault est prins pour nostre createur doulx sauueur clement et debonnaïire redempteur. et sa fille est prinse pour la gloire de paradis. la trompette qui sonne lassault et fait la cryee du noble pris donne au plusvaillant homme est prinse pour la parolle de leuuangille et Ilomme qui veult aler pour combattre est prins pour le desir du cuer. son harnas est prins pour vraye congnoissance et leschielle quil porte a lassault est prinse pour parfaitte vertu en laquelle eschielle a XIII. eschiellons dont le premier est amere conpunction le IT°.vraye confession. le .III°. deue satiffation le .IIITe. mondaine repudiation. le . Ve. corporelle maceration. le VI. de la diuine parolle audition. le VII. charitable eslargition le . VIII. liberale remission le IX°. fraternele dilection. le . X°. des commandemens impletion. le XIe. des bienfaitz excercitation. le XII. a dieu recognition. le XIIIe. et derrenier est espirituele eleuation. Et la dure pierre surquoy est posee leschiele est prinse pour ferme et durable. Aussi la main de lomme darmes est prinse pour la pensee laquelle il doit tousiours auoir sans ailleurs la mettre a leschielle de parfaitte vertu aiant le regard de lueil de son principal et singulier souuenir en hault vers le ciel affin que les cops des pierres de vaine plaisance que les vices gardans la cite de ce monde jettent en bas a si grant habundance ne facent trebuschier de leschiele a terre lomme darmes ou fons du fosse de negligence et parresse de bien faire par facon que plus il ne puist remonter sur leschiele Car ainsi comme vng grant cop fait dune pesante pierre venant de hault estourdist lomme quelle attaint sur la teste et le fait cheoir en bas. pareillement ne plus ne moins vng vain plaisir desordonne selon quil est pesant et greuable fait estourdir et comme adniciler

le bon desir que la personne a de vouloir faire quelque bien pour la saluation de son ame. Dont mainteffois quant aïnsi attaint et estourdist le bon desir il fault quil laisse la main de sa pensee quil tient a leschielle de vertu et quil tumbe ou fons du fosse de negligence comme dit est duquel fosse il ne se puet pas releuer si acop comme besoing lui fust. Car mesmement de puis quil est rolle ou fosse et gisant la a terre dutout a dens cest a entendre le visage contre terre est a penser que maintes pierres lui cheent lors sans cesser de pluffort en plusfort sur son tresmeschant corps. Mais reuenons a parler comment contre les vices et delices de ce monde et pour les destruire en vainquant le monde et le suppeditant fait dieu nostre createur sonner lassault chascun jour et sans cesser segnefiant au vaillant hommes darmes cestassauoir au bon desir du cuer que qui aura bon vouloir de gaignier vng si tresnoble pris et si tresriche comme auoiïr a espouse la fille du capitaine qui est prinse pour la gloire de paradis si aille a lassault et la esprouue son corps et moustre sa voulente par bonnes euures en montant les esciellons dessusdicts. Car chascun scet que deslors il fu temps a este et tousiours est encoires daler a lassault depuis que les trois grosses bombardes qui abbatirent les murailles et les clostures de cestui mortel monde dont les cops furent si grans que les esclas en volerent par toutes pars. Cest a entendre la bombarde de la nativite nostre seigneur. la bombarde de sa passion. et la bombarde de sa resurection. pour laquelle chose la trompette de la parolle de leuuangille commenca a sonner et depuis tousiours sonne et encoires sonnera segnifiant lassault parquoy qui aura vouloir et desir dacquerir la gloire de paradis et prendre la cite du monde de bel assault il fault monter leschielle a. XIII. eschiellons dont deuant tay parle ainsi que te veul ycy dire. Et premierement quant on aura dreschie leschielle de vertus et bien affermee sur la pierre de ferme propos que cy deuant tay ditte sans cliner ne ca ne la affin quelle ne chee en la bourbe

F.6lv

plaine de toute ordure. Car autrement ne pourroit soustenir vng grant fais Et aussi affin que leschiele soit asses longue pour joindre sur le mur. lordre et maniere de monter les eschiellons est a entendre lun apres lautre. Cestassauoir le premier eschiellon qui est damere compunction se doit eniamber par grace de dieu. le second eschiellon de vraye confession se doit eniamber par repentance. le. IIIe. de deue satiffation se doit eniamber par reintegration. le . IIIe. de mondaine repudiation se doit eniamber par desplaisance le Ve, de corporelle maceration se doit eniamber par penitance. le VI®. qui est de la diuine parolle audition fault eniamber par deuotion. le . VII. de charitable eslargition fault eniamber par aulmosnes. le . VIII. de liberale remission fault eniamber par pardon. le IX®. qui est de fraternelle dillection fault eniamber par charite. le . X°. qui est des commandemens de dieu impletion fault eniamber par obedience. le XI°. qui est de bien faitz excercitation doit estre eniambe par humilite. le XIII. et derrenier eschiellon qui est despirituele eleuation doit estre eniambe par pensee. Parquoy ainsi faisant on sault sur la muraille et gaigne len le pris dont la gloire de paradis fille legittime du tressaige et souuerain capitaine est donnee a femme et vraye espouse au bon et vaillant homme darmes qui par sa proesse la deuement et vrayement gaignie et conquise Hellas neantmoins ie me doubte que a tel assault on trouueroit au jourduy sans comparison trop plus dommes darmes de bon desir tous estourdis ou fosse de parresse et negligence et gisans laches et recreans que on ne feroit de ceulx qui combatent pour la querelle de dieu contre les vices dessus leschielle de parfaitte vertu. Si veulle chascun endroit soy en ce fait penser Car a maintes personnes touche ou pourra bien touchier. et a tant ie men passe.

Or considere doncques et pense bien a toy fort et parfundement a toute heure la maniere de faire que tu as a tenir pour auoir parfaitte amour enuers ton benoït createur ainsi que ie tay donne a

entendre en brief par les trois exemples que cy deuant ay mis Cestassauoir damer sur toute riens ton createur de craindre plus que autre chose de lui desplaire et de faire incessamment ce que tu congnoisteras estre son plaisir pour accroistre son amour a celle fin que tu lui portes vraye amour entiere et parfaitte et acomplie laquelle en brief ie tay declairee esperant en dieu que mieulx sauras congnoistre et dasses plus au long les particularitez branches et racines qui en dependent que ne tay cy dit. Car consideration de la mort aduenir ou il fault rendre compte aussi la desplaisance des pechiez passez te donneront a congnoistre la verite plus au long que ne dys quant bien y penseras pour ce passe a tant.

Lacteur.

Crainte fina son dire et souspirant se teut. Car ja treslonguement auoit dure son parler. et plus dasses que encoires nauoït fait par auant. lors vne espace apres se tourna comme a moittie vers la part ou contrition estoit qui lescoutoit pres ou ioingnant de lame et commenca ainsi a dire a contrition.

Ma suer pardonnez moy se mon sermon a vng peu ennuye par trop longues parolles. Car a mon loyal aduis la matiere qui est si haulte ne puet pas estre en briefz motz declairee comme bien le sauez. Or maintenant parlez a lame et lui dittes ce que bon vous samblera a dire. Et puis apres lame aduisera ce quelle aura a faire pour le mieulx.

Contrition.

Ma suer dist contrition. le plus parler a mon samblant ne viendroit a prouffit a lame en riens qui soit. Car en tous cas cest chose certaine que habundance puis quelle passe souffisance nuist plus quelle ne prouffitte. Et pour ce moult bien a mon aduis doit souffire tout ce que cy deuant a este par vous et par moy dit et

ne reste plus que vng point. Cest que a lame souuiengne de faire bon fruit de noz parolles et les mettre a effect. Si me veul maintenant ainsi taire ne plus ne moins que vous.

Lacteur.

Quant lame vey que toutes se taisoient les deux dames ne plus ne parloient en estant se leua et les bras alonga si loingz que elle eut puissance de plus les alongier entre ses mains tenans son cuer lequel trambloit et aux deux dames dist haultement ainsy comme cy apres sensieut.

Comment lame baïlle son cuer à crainte de dieu et a contrition. disant

Tenez mes dames le larron que ie vous liure lequel si fort a meftait chastiez le si bien et si deuement que plus ie naye nouuelles quil puist ou doiue estre rebelle. Car iaime trop plus chier que la iustice soit de lui ores faitte en ceste vie mortelle que apres par le deffault den auoir fait iustice jen doie porter en eternite de ses meffaitz la paine en vous priant que ne lespargniez pas.

Lacteur.

Lors baiïlla lame son cuer aux deux dames lesquelles doucement

le receurent en y mettant la main de sa part chascune. Puis dist

crainte a lame.

Crainte.

De ma part ie laccepte et le prens en baillie et garde aussi.

Contrition.

Et moy pareillement le prens ainsi que vous en custode et en

gouuernement.

Lacteur.

Lame ses bras a elle retira et les ploya ensamble en les couurant