ASSISES DE JÉRUSALEM

Chap. ccxx. Ici dirons la raison de la feme pecheresse et de ce con H done^ ce mais le peut recouvrer ou non, et la raison de ce don done a autre par pauor de ce qu’il le trova faisant mauvaise euvre, s’il det recouvre ce que il douna por cele pjauor.

S’il avient par aucune mesavanture que destine soit que aucune feme soit pecheresse por ce c’on li done, et il avient que aucun chevalier, o terier, ou borgeis, ou qui que il soit, s’acorde o cele feme, ou par sei ou par luy, ou par raesage d’amors, et il avient qu’il li baille dou cicn ou fait bailler, par ce qu’elle dée gésir o luy, et cele le receit et ne veut puis gésir o luy, la raison juge et commande a juger que la feme ne deit estre distreite (contrainte) de pecher o luy, ne de rendre li ce que elle a pris dou sien, por ce qu’il li dona ce por péché et por maufaire, et por ce n’en est tenue de riens rendre, se elle ne veut, par dreit ne par l’asise. Mais se il avient que aucuns hon soit pris en aucun vilein péché, si com est en avoultire (adultère), et sur cele pour li done aucune chose dou sien, la raison juge et commande à juger que encores li donast il dou sien por laide chose, si est il tenus dou rendre, par dreit, por ce que par pauor li douna. Mais ci li dona par vergoigne de ce qu’il l’avet veu en celuy péché faire, n’en est tenus de ce rendre, par dreit. Encement et c’il avet eu conpaignie o la pecheresse plusors fois ou aucune fois, et il avet tout despendu le sien en berre et en manger , et en vesteures et en chaucier , lui et la pecheresse, et puis avient que celuy se courouce o la pecheresse, et veut qui li rende ce qu’il a despendu sur luy, la raison juge et coraande que celuy n’en deit mais rien recouvrer de ce qu’il a mis en luy, se non en une vileine raison , ce est : se il veut recouvrer ce que il a baillé à la feme pecheresse , si deit on faire venir un Sarazin en une maison , qui gise o luy , o une cheville de fust dou gros de la verge d’un houme ou de celuy , tantes fois comme la feme dira par sa léauté qu’il ait péché o luy; et puis que se li avera esté fait, la feme pecheresse est tenue de rendre li tout ce qui se trouvera que il li ait fait; et ce qui ne se trouvera, qui sera gasté et usé, si ne deit mie la feme amender, ains det estre conté por les autres servises qu’elle li aura fait. Et ce est dreit et raison par dreit et par l’asise dou reaume de Jérusalem. [Recueil des historiens des Croisades. Lois. Assises de Jérusalem. Assises de la cour des bourgeois. Publ. par M. le comte Beugnot. Paris, 1843, in-fol., II, p. 151.)