ANTIGONUS II PRINCE

Seigneurs, Dieu vous gard d’encombrier Et vous doinst lcesse et santé!

Cayphe par grant amisté Nous a envoyés devers vous.

MARC ANTUINE.

Cayphe a il affaire de nous?

S’il lui plaist chose que puissons Tres volentiers nous le ferons Mais que raison elle contiengne.

OTHIARIUS, O messeigneurs, jatuais n’aviengne Que nostre evesque Cayphas Vous requiert de vilain cas, Soit vo plaisir a escouter Le fait, je vous vouldray compter Pour quoy vers vous sommes trammis.

EMILLION.

Bien nous plaist, seigneurs et amis Que dittes vostre voulenté.

OTHIARIUS.

Bien sire, puisque c’est vo gré.

Messeigneurs, tres bien vous sçavez Comment Jhesus crucifiez Fu par nous au mont de calvaire, Et comment Pilate voult faire La sentence pour quoy morut, Ce fait cy est assez cangnut À vous, car vous estiez presens, S'au fait eussiez esté absens Tout au long le vous compteroie, Mais en vain me traveilleroie,

49730 Et oultre puis considerer

Qu'il n’est besoing de vous parler Par trop longue prolixité,

Que d'oyr ne soyez tané,

Pour tant au fait vouldray venir Pour quey volons cy convenir.

Verité est que Cayphas, Avecques lui messire Annas,

Et les princes et conseilliers

De nostre loy et justiciers,

Sont de nouvel tout informé Qu’ung chevalier Joseph nommé, Qui est seigneur d’Arimathie,

À une besoingne bastie

Contre no loy couvertement, Dont les seigneurs certainement, Eux veullans en tout acquitier, Ont fait ce Joseph prisonnier Pour ce qu'a Pilate a requis

Le corps Jhesus et puis l’a mis En ung monument qu’il fist faire, Qui est chose de bault affaire, Car Jhesus ou temps qu'il vivoit En pluseurs parties preschoit Qu'au tiers jour revenroit en vie, Dont il en sourdi mainte envie Du commun contre Cayphas, Contre les princes et Annas.

Et pour monstrer l’abusion

De ceste resurrection,

Cayphas et tous les seigneurs

De nostre loy conservateurs Ensemble ont volu concorder

Du monument faire garder

Par chevaliers preux et hardis.

Noz seigneurs en ont eu advis Que pour ce faire deuement Veullent vous trois tant seullement, Car de vos proesses et fais,

Que par armes vous avez fais,

19770 Sont du tout si bien informé

QUATRIEME JOURNEE

Que en vous ont grant seurcté,

Et aussi, a parler raison,

J1z ont tres bonne opinion,

Car en ce pays de Sirie

N’en a nulz ne en R'imenie

Qu'en armes vous peussent passer, Pas ne le dy pour vous flatter,

Les haulx fais par vous achevez Apprennent que c’est veritez.

19780 Pour tant nos seigneurs vraicment

Vous requierent tres humblément

Que ce fait cy vuelliez emprendre,

Et aussi bien vouldront entendre

A vous tres bien salarier

Et a vo voulenté paier,

Ainsi que vouldrez demander.

MÉTELLE.

Comment fault il Jhesus garder ?

Que garderay puis qu'il est mors?

Jhesus scet il juer de sors?

19790 Je ne sçay entendre la garde.