URIEL
Glorieux Dicu qui tout créa, J’obéyray a ton command Adonc vient Uriel et dit : Salomée, je te command.
De par le roy omnipotent Que tu faces presentement À ton createur oroison, Si tu veulz avoir garison 2080 De ta main que tu as perdue, Et se le touche toute nue A lui, et tu seras sance.
SALOMÉE, Las! que j'ay esté poursenée Et plaine d’incredulité !
Ce que l’angle m'a endicté Je vorray faire pour sçavoir Se garison porray avoir.
Adonc se met a genoux et alouche al enfant
et dit :
O vray doulz Dieu, pere parfait,
Humblement te requier mercy
2090 Del offence que je t’ay fait,
Car je croy que tu es celui
Qui de glore est venus cy
En bas pour racheter le monde.
Ma main que j'ay mise sur ty, Par ta grant grace cure et monde.
Cy est Salomée toute sanée de sa main el dit :
Vray Dieu en qui tout bicn habonde, Maintenant croy que fermement Soleil, estoilles, terre et onde,
Tout est a ton commandement,
9100 Je te remercie humblement
De ma main que tu m'as guerie,
Que je tenoie proprement
A tousjours mais cstre perle.
MARIE
Salomée, ma doulce amie,
Croy fermement que mon enfant
Est et sera le fruit de vie,
Des rois du monde le plus grant.
ZEDEL.
Je le croy plus fort que devant,
Combien qu'oncques n’euch variance
2110 Qu'il ne fust mon Dieu tout puissant,
Lequel est venu maintenant Pour toute humaine delivrance.
DIEU @ Gabriel.
Gabriel, va sans demorance La nativité denoncier De mon fil que j'aime molt chier Aux pastours gardans les brebis, Dis leur que Dieu de paradis Est nez de vierge et sainte mere, Je veul qu’ilz sachent le mistere
21920 De sa sainte nativité,
Fay les aler en la cité.
De Bethléem pour l'aourer.
Vatent sans plus cÿ demourer,
Et acomplis mon mandement.
GABRIEL
Pere, a vostre commandement
Veul obéyr, je le doy faire, |
Et pour acomplir cest affaire,
Je m’en voy, car je n’ay desir
Que de faire ton saint plaisir.
Cy vient l'angle aux paslouriaur annoncier
la nativité de Jhesu Crist et dit: Gloria in excelsis Deo et in terra pax hominibus etc.
2130 Glore et loenge au Dieu des cieulx
Qui vit et regne en Trinité, Et en terre paix avec ceulx
PREMIERE JOURNEE
Qui sont de bonne voulenté !
Pastours, menez joyeuseté
Car je vous aporte nouvelle
De toutes aultres la plus belle : Vray est que Dieu qui tout créa Et a son voloir ordonna
À par sa divine puissance
2140 De vierge mere pris naïssance.
En Bethléem vous en yrez,
Et droit la vous le trouverez, Dedans la grebbe aux bestes mis Trouverez Dieu de paradis,
De drapelés tout envolpé
Qui n’ont point trop d’avoir cousté.
Alez, et se le aourez
Et comme vo Dieu honnourez.
Dieu le veult et se le vous mande,
2150 Et de par moy le vous commande
Que lui offrez a vo pouoir
De ce que vous porrez avoir.
ROBECHON.
Benedicite, Dominus.
Et ou prent on tant de chandoilles ?
GONTIER
C'est clarté du ciel de lassus.
Bencdicite, Dominus.
GOMBAUT
Je croy qu’on a bouté les fus
Lassus ou ciel vecy merveilles.
Bencdicite, Dominus.
260 Et ou prent on tant de chandoilles ?
ROBECGHON.
Oncques ne vis choses pareilles, Que fault il faire, compaignons ?
Il fault que nous nous conseillons Comment nous.ferons de cecy, Car nous avons oy droit cy Une voix molt melodieuse Qui nous a dit chose joyeuse.
Il dit que Dieu est nez sur terre Et qu’en Bethléem l’alons querre
2170 Et que humblement lui offrons
De telz biens qu’avoir porrons.
Qu'en dictes vous ? n’irons no point?
GOMBAUT
Puis qu’il nous est dit et enjoint,
Ce n’est que raison d’y aler.
Tant qu'est a moy, a brief parler,
J'iray et lui feray offrande
De mes biens, non pas si tres grande
Qu'il appartient a sa personne.
GONTIER
Vostre parole est belle et bonne,
2180 J'y ay affection entiere.
Et my, demourrai je derriere ?
Nennil vraiement. Or abregons, Je vous pry que nous y alons Et le servons a no pouoir De ce que no porrons avoir, Car j'ay tres ardant voulenté De veoir l'enfant nouvel né, Dont nous avons eu la nouvelle Qui nostre joie renouvelle.
2190 Or ca, mettons nous a la voye.
GOMBAUT, Alons donc, que Dieu nous convoie!
ROBECHON. | Or me dites : que dirons nous Al enfancon qui est tant doulz?
Il est bon de nous conseillier Quel chose lui volons baillier.
GONTIER
Tant qu’est a moy je luy donray Une belle pomme que j’ay Droitement cy en ma malette.
GOMBAUT
Et je lui donray me houllette
2200 Que des long temps j’ay tant chiere
ROBECHON.
Il ara dont ma gippessiere.
Puis qu’ensi va, or alons tos GONTIER.
Ne voy je point la des picos ?
Qu'est chou?
ROBECHON.
Que c’est? C’est Bethléem, C’est la place, m’entens tu bien Ou est l’enfant que nos quérons.
GOMBAUT. Or bien assez tost y serons.
Advis n'est que je voy la porte Laquelle est molt belle et molt forte,
2210 Et n’a garde des pavillons.
ROBECHON.
Ve cy la ville, or y entrons,
Se verrons l’enfant gracieux,
Qui tant est diyne et precieux.
Qui yra devant? Ce feray je,
Car j'ay bien maintieng et langaige Pour gens humblement saluer.
Si vous pry, lessiez moi aler.
GOMBAUT
Quant est à moy, j’en süis content.
GONTIER
Ainsi suis certainement.
26 MISTERE DE LA PASSION
2920 Au fort voist devant qui vorra.
ROBECHON al huis ou est Marie.
Quella, quella ?
JOSEPH
Qui est ce la ?
Trois pastours somrnes qui venons En ceste ville, beau preudons, Pour ce qu’anuit un angle oÿsmes, Dont grandement nous esbahismes, Qui nous dist amourceusement Qu'en ceste cité proprement Est nagaires né ung enfant Qui est Dicu et roy tout puissant, 2230 Et nous dist que nous laississions Pour riens que cy nous venissions Pour le veoir et aourer À no pouoir et honnourer.
Se nous dictes, s’il vous plest, sire, Se vous nous sçaricez point a dire Ou c’est que l’enfanchon est nez.
JOSEPH
Dieu vous y a droit amenez, Sachiez de vray que c’est céens.
ROBECHON.
Entrerons nous hardiment cns ?
JOSEPH
220 Oy, venez, je vous menray Et l’enfançoni vous monstreray, Qui par hault et divin mistere Est anuyt nez de vierge mere, Et la mere parcillement Vous monstreray : venez vous ent.
ROBECHON.
Entrons ens, puis qu’il est ainsi Que cel enfant est nez droit cy, Gombuaut, et vous, Gontier amis.
GONTIFR. | Loez soit Dieu du paradis !
2250 Alez devant, nous vous sieuvrons.
JOSEPI @ Marie.
Dame, ve cy trois compaignons Qui sont ce me semble pastours, Comme je voy a leur atours, Qui par l’annonciation D'un angle, en grant devotion Viennent aourer vostre enfant
Qu'ilz croient estre Dieu tout puissant,
Tous trois le veullent aourer Et devotement honnourer.
MARIE
2260 Ilz soient les tres bien venus!
Mon enfant est plus bel que nulx,
Se le verront a grant loisir,
Au moins puis que c’est leur plaisir
De le voir. Joseph, mon amy
Entendez ung petit a my,
Ostezde la grebbe l'enfant
Que ces trois pastours vont quérant,
Se le me bailliez en mes bras.
JOSEPH
Voulentiers, plus tost que le pas,
2970 Ve cy vostre enfancon, madame.
Cy monstre Marie son enfant astrois paslours
lesquels sont en genoux el font present le.
premier de sa panetire, le Ile de sa houl-
letle, le III d’une pomme.
Pastours, veez en corps et en ame Vostre Dieu, vostre creatcur,
Vostre souverain redempteur,
Ve cy l'enfant que vous querez, Venez avant, se l’aourez,
C’est cil qui jettera de mort,
De destresse et de desconfort,
Les humains qui sont en infer
Ou servage de Lucifer.
Vierge le conçupt dignement,
Vicrge suis en l'enfantement,
Vierge a tousjours demourray, Virginité toujours aray.
Venez, se veez mon enfant
Qui sur tous hommes est pu:ssant.
RODEUHON.
Dicu tout puissant, glore et magnificence Te soit donnée assiduelement,
Moy indigne de veoir ta présence
Te viens servir de cuer devotement.
Premicrement corps et ame te donne De tout en tout a toy je m’habandonne En toy offrant par grant humilité Ceste gipsicre que j’ay long temps porté, Car je sçay bien selon les prophities Que pèlerin seras en vérité
Pour rassembler les oueilles pérics.
GOMBAUT
Pere éternel, par grant obédience Te veul servir ainsi pareïllement, Quant au regart de ta divine essence
2300 Indigne suis d’un tel avancement.
Mais touteffois pensant que ta personne D'humilité passe termes et bonne, Presenter veul a ta grant majesté
Ma houllette par ardant amisté,
Car tu seras ainçois que tu devies
PREMIEREJOURNEE 97
Le vray pastour de grant auctorité
Pour rassembler les oueilles péries.
GONTIER
À ton congiet et haultaine licence,
Enfant de Dieu, sire du firmament,
2310 D'’ardant desir et d’humble conscience,
D'une pomme je te fay ung present.
Regçois l’en gré, personne sainte et bonne, Car tout ainsi que la pomme s’ordonne, Elle est sans fin et sans estrémité, Commencement ne fin n’y est trouvé, Ainsi n’est il en tes vertus prisies, Mais es venu par ardant carité Pour rassembler les oueilles péries.
Pastours, que par vos courtoisies
2320 Avez servy d’humble voloir
Mon fil, mieux en porrez valoir Quant oultre numération
Arez remunération,
Lassus en glore infinitive
Arez joye contemplative.
Sachiez de vray qu’il n’a pas mis En oubli tous ses bons amis,
Et aussi en tant qu'il me touche, De cuer, de vouloir et de bouche,
2330 Humblement je vous remercie.
RORECHON.
Adieu, haulte dame prisie, Nous ralons devers nos brebis.
MARIE
Alez, et soiez ententis De servir Dieu toute vo vie, GONTIER.
Congiet prenons d’entente lie À toy, dame, et a ton beau fils.
GOMBAUT
Adieu, haulte dame prisie, Nous ralons devers nos brebis.
ROBECHON.
Pour Dieu ne vous oubliez mie
2340 De prier vostre enfant toudis
Qu'en son glorieux paradis
Lui puissons tenir compaignie, GOXNTIER.
Adieu, haulte dame prisie,
Nous ralons devers nos brebis.
MARIE
Alez, et soiez ententis
De servir Dieu toute vo vie.
ROBECHON en retournant.
Venez ça, dites, je vous prie, Que vous semble il de cest enfant ?
GONTIER
Qu'il m’en semble? Oncques en mon vivant
2350 Je ne vy plus belle figure.
GOMBAUT- Oncques mais ne forma nature Si bel qu’il est, bien l’ose dire.
GONTIER
Comment ne le vis tu point rire Quant je lui donnai ma pommette 9 Il a la plus belle bouchette, Les yeulx si rians et le vis, Oncques a nul jour je ne vis Le pareil en cas de beaulté.
ROBECHON. ' Qu'il sera de grant dignité
2360 S'il vit !
GOMBAUT
Certes, ce sera mont.
GONTIER
Or ça, sans faire long sermon, Ralons nous ent en no pays.
Alons, mes freres et amis.
MARIE en tenant son fil.
0 fruit de vie saint et digne En toy grant clemence recline, En toy est grande carité, En toy est grant humilité, Quant t'as volu par amisté Faire denoncier ta naissance
2370 Aux pastours qui n’ont pas esté
Remplis de mondaine cevance.
Tu as plus tost aux povres gens Fait ta nativité scavoir
Qu’aux hommes que sont diligens D’assembler richesses et avoir Maintenant puis je percevoir Qu'humilité tu aimes chier, Maintenant sç2y je tout pour voir Que biens mondains ne veulz avoir
2330 Qui nul ne puent avancier,
Tu n’as pas choisi pour te mestre Fortresse. ne donjon, ne sale.
Mon pere, mon fils et mon maistre, Ou est la place imperiale,
Ou est la chambre regiale
Qui appartient a fil de roy ?
Ens une estable orde et sale
Tu tiens ta court et ton arroy,
Puis qu’il te plest il me doit plaire,
9390 Car tu es en ceste ordonnance
Pour donner au monde exemplaire D'estre humble sans desordonnance.
28 MISTERE DE LA PASSION
Cy revient Sathan en infer et dit a Lucifer.
SATHAN
Et comment vous gringniez les dens!
Il semble que ly diable vous ticngnent !
Quel vous chault il dont que je vienge ?
Faites ung peu meilleur chiere, Ve cy l’ame d’une sorciere Que j’apporte en nostre maison.
LUCIFER
C’est bien emploict sa saison !
2400 Est ce quanque tu as conquesté ?
Sus, dyables, tost, qu’il soit froté Estouez son dors pour la pourre, Nul ne se fainde de l’escourre.
Frapez de tors et de travers.
SATHAN
Me fault il payer le travers ?
C’est bien che que je doy avoir.
BELZEBUT, Sathan, pour faire mon devoir, Comme nostre loy le commande, Je te bailleray celle offrande :
2410 Tieng la, tieng la, garde le bien.
CERBERUS
Tu en seras plus batu qu’un chien, Car tu l’as tres bien deservi.
ASTAROTH
Avant! avant! aly!a ly!
Frapons sus, de bonne façon !
LUCIFER
Je t’aprenderay, faulx garçon, A moy courchier une aultre fois. CERBERUS.
Tieng la ! T’aras ce crocque poix.
SATHAN
A hors de murdre ! ahors ! ahors!
BELZEBUT.
Tu le comperras de ton corps.
SATHAN
2420 Lucifer, je t’en cry mercy | LUCIFERe Dyables, souffrez vous de cecy, Laissiez moy parter a Sathan.
Vieng ça, vieng, garçon, tout cest an Que tu as tant au monde esté, N’as tu aultre riens conquesté Que cel ame que tu tiens la ?
SATHAN
Monseigneur, quant est a cela, Je n’en puis aultre chose faire S'on me devoit tout vif detraire, 2430 Se n’ay je peu ne nuit ne jour Trouver quelque moyen ne tour
Pour avoir en nostre maison.
Mais bien brief en ceste saison
Je ferai si bien mon devoir
De grant foison d’ames avoir
Que vous en serez bien content.
LUCIFER
C’est tres bien dit. Or revatent
Au monde tempter hault et bas,
Tant que d’ames ayons grant tas,
2440 Et tu seras mon grant amy.
Ho ! attendez vous ent a my.
Or ça, ça, ame malheureuse, Vous estes pour neant paoureuse, Car vous comparrez grandement Ce qu’on m'a fait presentement.
Tieng, Belzebut, fais bonne chiere À celle ame de la sorcicre, Va, se le mez en plonc boullant, Fais ly souffrir de paine tant
2450 Que tu pourras, et je t’en prie.
BELZEBUT.
Ad ce ne lui faulray je mie.
Or ça ! de par le dyable, ça,
Vo lieu est appareillié pieça, Venez avant ou trou parfont
Ou maintes ames hideux cry font, Car vous leur tenrez compaignie.
Cy apres parle Marie en sa gesine a Joseph
et lui dit, present Zebel et Salomnée.
MARIE, Joseph.
JOSEPH, Que vous plaist-il, Marie !
MARIE
Il me plaist, mon tres chier ami, Qu’ung petit attendez a my.
2460 Il est vray, et vous le sçavez,
Bien la congnoissance en avez Que selon la forme et la guise
De la loy que donna Moyse
VIII jours apres ce qu’ung enfant A esté de mère naissant,
Il est coustume generale
Que l'enfant, pour tant qu’il soit masle,
Soit au temple par ses amis Porté, et droit la circoncis.
2410 Or est ainsi que VIIT jours a
Que mon Dieu de moy enfanta, Se veul qu’au temple le portez Et qu'avec vous des gens menez Qui soient de nostre lignie,
PREMIERE JOURNEE
Lesquelz vous tenront compaignie, Et ces deux femmes que ve cy S'en yront avec vous aussi, Mais qu'il leur plaise traveillier Tant pour mon enfant compaignier.
2480 Se vous prie, soiez habbille D'’aller querir aval la ville Deux ou trois de no parenté.
JOSEPH
Dame de grant auctorité, Vous me dites une merveille Par laquelle je m’esmerveille, De dire que vostre enfançon Recçoive circoncision.
Je ne sçay pas raison pour quoy, Car vous sçavez que nostre loy 2490 Estably ce fait general Pour le pechict original.
Or est ordonné de long temps Qu'on doit circoncir ses enfans, Mais c’est pour estre despechié Dudit original pechié Qui ton fil oncques n’empecha.
Est il doncques neccssité Que l'enfant plain de dignité De quoy nous faisons mention 2500 Recoive circoncision ?
Nennil, en mon entendement, Car il est nez tres purement Sans pechiet nul, pour quoy, ma seur, Je suis tout certain et asseur Que de circoncir n’a que faire.
MARIE
J’entens assez bien vustre affaire Et sçay bien que vous volez dire, Je sçay que mon fils et mon sire Est mon doulx enfant et mon pere, 2510 Et je suis sa fille et sa mere Et congnois tout enticrement Qu'il est de moy nez purement Sans quelque tache de pechié, Qui l’empeche n'ait empechié, Et je sçay bien qu’il n’a besoing Que on prende paine ne soing De le circoncir maintenant.
Mais je respons que non obstant Toutes les choses devant dittes, 2520 Je dis ainsi que mon enfant, Que sur tous humains est puissant, N'est pas venu ça jus au monde, Ou toutc' pestilence habonde, Pour la loy Moyse amenrir Mais pour le du tout acomplir.
Que diroyent ja les Juys Se mon fils n’estoit circoncis ?
En temps advenir ils diroient Et contre lui proposeroient
2530 Que point re venroit pour instruire Le temple, mais la loy destruire.
Si que pour tant, mon chier amy, Entendez, s’il vous plest, a my, Alez en la ville quérir Gens pour compaignie tenir À mon enfant que porterez Au temple et droit la l’offrerez Ainsi qu'il est accoustumé.
JOSEPH
Je feroy vostre volenté,
2540 Dame, puis que c’est vo plaisir De faire l'enfant circoncir.
Je vois querir II ou III gens.
MARIE
Or allez, soiez diligens De besoingnier, je vous en prie.
Adonc va querir Joseph Agar et Sephora et
leur dit :
JOSEPH
Dieu soit en vostre compaignie, Mes cousines, je viens vers vous.
AGAR
Que vous plest il, dittes le nous ?
Volez vous riens que nous puissons ?
JOSEPH
IL fault que vous et moy alons 2550 Porter l'enfant de mon espeuse, Qui tant est belle et gracieuse, Au temple pour le circoncir.
SEPHORA, Joseph, puisque c’est vo plaisir, Avec vous irons volentiers, JOSEUH.
Il y a ja vaut jours enticrs Que Marie l’a enfanté.
Se nous est prise volenté De l'aller circoncir au temple, Car l'enfant veult donner exemple 2560 Aux aultres d’acomplir la loy, Et pour tant, venez avec moy.
Cy les amaïine Joseph à Marie et dit :
Dame en qui sont vertus patentes, J’amaine deux de vos parentes Qui vous viengnent droit cy aidier Pour vostre enfançon compaignier Jusque qu’il sera circoncis.
MISTERE DE LA PASSION
MARIE
Je leur en rens graces et mercis, Zebel et Salomée yront Avec, et vous compaigneront
2570 Jusqu’a ce que vous arez fait.
JOSEPH
Ma dame, dites s’il vous plaist
Comment vous volez qu’on le nomme.
| MARIE
Certes, mon fils est Dieu et homme Et del homme sera sauveur, Vray Dieu, vray pere redempteur, Pour tant Jhesus nommé sera, Et une aultre raison y a Pour quoy ce nom je lui impose, Car quant l'angle me dist la chose
9580 Et salutation nouvelle
Qui me fut tant plaisant et belle,
I] dist que je l’appellercie
Jhesus, et ce nom lui donroie,
Et pour tant, nommez le Jhesus.
JOSEPH
Or alons ent, n’arrestons plus.
Partons nous tost de Bethléem
Et alons en Jérusalem
Ou est le temple Salomon.
Sephora, prenez l’enfançon
2590 Entre vos bras, je vous en prie.
SEPHORA
Dege faire suis je bien lye.
Cy prent Sephora l'enfant de la main de
Marie pour le porter circoncir et dit :
Or ça mettons nous a la vove.
ZEBEL.
Alons donc, que Dieu nous convoye !
SALOMÉE En alant.
Il m'est advis qu'il seroit bon D'’aler devant en la meison Du clerc, sans cy longuement estre, Dire qu’il voist quérir le prestre, Je lo bien que vous y alez.
JOSEPH
Je voy puis que vous le volez,
2600 Mais je ne sçay ou il demeure.
AGAR
Il a residence et demeure Bien prez du temple Salomon.
JOSEPH
Je voy donc.
SALOMÉE,
Alez, beau preudom., Nous alons au temple devant.
Adonc va Joseph al huis du clerc et dit :
JOSEPH
Hola !
LE CLERC
Qui huche maintenant ?
JOSEPH
Amis, ouvez l’huis, s’il vous plest.
LE CLERC
Volentiers puis que c’est vo het, Que quérez vous ?
JOSEPH
Je vieng droit cy 2610 Pour cause, mon tres chier amy, Qu'il vous fault au temple venir Ung jone enfançon circoncir.
Alez dire au prestre qu’il viengne Au temple comment qu’il aviengne Affin que par lui circoncis Soit l’enfançon qui est beau fils.
Abregiez vous, je vous en prie, LE CLERC.
Ad ce ne vous faulray je mie Puis que c’est vostre volenté 2620 Alez vous ent se c’est vo gré Devant, car tantost vous sieuvrons.
JOSEPH
Mes gens et moy vous attendons Au temple tant que vous venez.
LE CLERC au prestre.
Ça, monseigneur, vous ne sçavez Le chemin vous convient tenir Pour tout droit au temple venir, Car il y a ung enfançon Qui attent circoncision, Ung preudon le m'est venu dire.
2630 Pour tant, abregez vous, chier sire, De venir circoncir l’enfant.
LE PRESTRE
Je te sieuch, va toudis devant Et fay que tantost tout soit prest.
LE CLERC, Je m'en vois donc, puis qu'’ainsi est, N'arrestez point, car on n'’attent Aultre chose que vous.
LE PRESTRE
Vatent, Je n’arresteray peu ne point.
LE CLERC
J'y suis alétres bien a point, Car je l’ai trouvé al hostel.
2640 Je m'en voy appointier l’autel Et tout ce qui est necessaire Pour la circoncision faire.
PREMIERE JOURNEE
Monseigneur sera tantost cy.
JOSEPH
Tres humblement je vous mercy De vostre bonne diligence.
LE PRESTRE
Il est grant heure que je pense D’aler au temple prestement, Car je sçay tout certainement Qu'on m'y attent, bonne picce a.
Adonc vient le prestre au temple et dit a
son clerc :
2650 Est tout prest?
LE CLERC
Oy certes.
LE PRESTRE, Or ça, Faisons ainsi qu’il appartient Et comme la loy le maintient Que Dieu ordonna a Moyse.
Cy est comment on circonrist l'enfant selon la loy, et y est present Joseph, Agar, Zephora, Zebel et Salomce. Et dit le prestre ainsy.
Or ça, pour avoir la francise Le beau tresor et le joyel De la lignie d'Israël,
Vous dites que vous apportez Cest enfant, et le presentez A Dieu pour estre circoncis
2660 Pour la cause que c’est ung fils,
Se me direz tous, s’il vous plest
De quel cité et ville il est,
Qui sont ses parens et amis
Pour qui vousestes cy transmis.
Respondez à ceste demande.
JOSEPH
Chier sire, puisqu'on me demande
Je le vous diray, c’est raison.
Sachiez qu’il est de la maison
Venu del estocq et lignie
96170 De Jessé et de sa maisnie,
Car la mere qui l’a porté
Est de royale auctorité,
De royal lignie est venue,
Car de David est descendue.
Le bon Joachim fu son père
Et Anne fu sa propre mère,
Et l’enfant que nous cy tenons
Fu conçups, et bien le sçavons
Dedans Nazareth la cité,
2680 Et nous l'avons cy apporté
De Bethléem ou sans doubtance
L'enfançona pris sa naissance,
LE PRESTRE
Beau preudons, estes vous son pere ?
JOSEPH
Certes, Jay espousé sa mere.
LE PRESTRE
C’est bien. Or donc presentement, De vostre bon consentement Et du gré de tous ses amis Vous volezqu'il soit circoncis, Ne faites pas ? ; Oy, chier sire.
LE PRESTRE
2690 Et vous, femmes, il vous fault dire
Se c’est vo gré qu'ainsi soit fait AGAR.
C’est no volenté tout affait.
Nous sommes de sa parenté.
SEPHORA
C’est nostre gré et volenté Qu'il viengne a circoncision LE PRESTRE.
Or doncques, sans derision, Ou nom de Dieu le roy puissant, Je vous maïne, vous et l'enfant, Dedans le temple et edifice
2700 Ordonné pour le sacrifice
Faire a Dieu, comme il appartient, Et que nostre loy le contient, Entrez ens, de par Dieu ce soit.
LE CLERC
Aportez l'enfant cy endroit, Tout nu, et se le presentez Sur l'autel, comme vous devez Pour accomplir le sacrement.
Cy entrent ou temple et presentent l'enfant sur l’aulel au prestre.
LE PRESTRE
Dieu createur du firmament, Qui jadis fis par ta puissance
2710 Tout pour estre en obcissance
Del homme que creas sur terre Du mechant limon de la terre, Et qui jadis par grant revel Tiras les enfans d'Israel
Et nous qui sommes du lignage Hors du dangier et du servage De la main des Egiptiens,
Par quoy Pharaon et les siens Ou milieu de la rouge mer
2120 Perirentsans oultre passer
Et si vray qu’es desers d’Egipte Ou mainte beste estrange habite
32 MISTERE DE LA PASSION
De la manne celestiel
Repeus les enfans d’Israel
XL ans, et puis proprement
Les amen:s joyeusement
En ceste belle region, :
La terre de promission,
Et nous as donné le pouoir 2730 De royaulme si bel avoir
Comme est la terre de Judée
Qui de nous tous est habitée,
Com on treuve es escrips notables
Estre ces choses veritables.
Je pri Dieu le roi droicturier
Qu'il veulle l'enfant despecier
Du grant peschiet originel
Qui nuyt a tout homme mortel
Et le mettre en la grant francise 9740 Des constitutions Moyse.
Or ça, parens, il faut sçavoir
Quel nom l’enfançon doit avoir,
Nommez le, se c’est vostre gré.
Joserr et les femmes fous ensemble.
Il sera Jhesus appellé.
LE PRESTRE
Jhesus soit nommé. C’est ung nom De grant signification.
Or doncques puis qu’il est ainsi Que le bel enfant que ve cy Sera nommé Jhesus de tous, 9750 Je vous pry, entendez a nous, De par le hault roy de lassus Nommez le, bonnes gens.
Joserx et les femmes.
Jhesus.
LE PRESTRE, Jhesus, enfant de grant beauté Dieu te doint la prosperité De vivre au monde tellement Que ce soit en l’acroissement De bien et de toutes vertus.
Nommez le, bonnes gens.
JosEru et les femmes.
Jhesus.
LE PRESTRE
Jhesus, Dieu te doint la puissance 2760 Que le dyable n'ait congnoissance De chose que tu doyes faire, Riens ne chaiche de ton affaire, Ainçois s’en voist tousjours confus.
Nommez le, bonnes gens.
Joserx et les femmes.
Jhcsus.
LE PRESTRE
Jhesus, veulx tu a ton pouoir La circoncision avoir?
S'ainsi est, je le te donray Et le sacrement te feray Si comme il est acoustumé.
2770 Ça, parens, esse bien vo gré / Que je circoncise l'enfant ?
osEru et les femmes.
Oy, sire.
LE PRESTRE
Dieu le tout puissant Soit et veulle estre en notre ayde !
Clerc, baille moy ça l'instrument Duquel on fait le sacrement Qui veult les enfans circoncir.
LE CLERC
Monseigneur, a vosire plaisir.
Vela ung rasoir aftilé Duquel on a acoustumé
2780 Des pieça a faire l'office.
LE PRESTRE
L'instrument nous est bien propice.
Or ça, Dieu nous veulle avancier.
JOSEPH
Helas ! gardez de le blecier,
LE PRESTRE
C’est fait. Alez le envoleper,
Et en Bethléem reporter,
À sa mere quant vous volez.
Clerc, entendez a moy, tenez,
Mettez au lieu acoustumé
Ce que j’ay del enfant osté 2790 Et se remettez tout a point.
LE GLERC.
Je le feray de point en point.
SEPHORA
Chier sire, nous vous mercions
Del amour que trouvé avons
En vous et de vo courtoisie,
Dieu soit en vostre compaignie
Auquel nous vous recommandons.
JOSEPH
Envers vous moult tenu serons,
Et pour vous toudis pricrons
Tant comme nous serons en vie.
SALOMÉE.
2800 Chier sire, nous vous mercions Del amour que trouvé avons En vous et de vo courtoisie.
LE PRESTRE
Adicu, dame, et vous, preudons.
PREMIERE JOURNEE
Adieu, clerc, nous nos en alons, LE CLERC.
Or alez, que Dieu vous conduie, LE PRESTRE.
Je pry Dieu que glore infinie Tous ensemble vir nous puissons.
AGAR
Chier sire, nous vous mercions Del amour que trouvé avons
9810 En vous et de 40 courtoisie.
ZEBEL.
Dieu soit en vostre compaignie, Auquel nous vous recommandons.
Cy raportent a Marie son fils de circoncir.
JOSEPH
Ma dame, ve cy vostre enfant Qui circoncis est maitenant.
Faictes ent ce qu’il vous plaira.
| MARIE
Mon espeux, bailliez le moy ça, Car j'avoie moult grant desir D’entre mes bras le retenir.
SEPHORA
Marie, cousine et amie, 20 Agar et moy par compaignie Vous avons servy au besoing, Se avons volenté et soing De retourner en no maison, MARIE.
Certes, cousine, c’est raison, Il est tems que vous en alez, Alez vous ent quant vous volez, Je vous mercie entierement De ce que tant benignement Vous avez compaigniet mon fils
2830 Tant qu'il a esté circoncis.
Dieu le vous rende par sa grace !
Adonc s'en vont Agar et Sephora.
SALOMÉE.
Nous avons esté une espace
Delez vous, ma dame prisie,
Le sejour ne nous griefve mie,
Mais neant moins il se fault retraire
Tout chascun ou il a affaire.
Se vous prions tres humblement,
Zebel et moy pareillement,
Que congiet nous veulliez donner
2840 Que tantost puissons retourner
Et vous nous ferez grant plaisir.
MARIE
Partez quant vous avez loisir,
C’est bien raison qu’ensi soit fait,
Car vous m'avez servy de fait
En ma grande necessité,
Et pour ce en cas d’amisté
Humblement je vous en mercie.
. ZEPBEL.
Adieu, ma dame scisnourie,
Nous retournerons en no estre, 2850 Par le voloir du roy celestre.
Duquel tu es la sainte mere.
Ton fils est Dieu, c’est chose clere,
Je le croy moult bien maintenant,
Pour tant, darne, a Dieu vous commant.
Adonc s'en vont les femmes chascune en son lieu, et cy aprez sont les trois roix chascun en son royauline qui s’esbahissent de l’estoille qu’ils voient en ortent qui leur de-
monstre que Dieu est nez.
BALTAZAR T0y de Tharse.
Maintenant voy je clerement Trop plus bas que le firmament Une estoille en l'air scituée Qui me donne le sentement De ce que dist notorement
2860 Balaam en ceste contrée.
L'estoille qui m'est demonstrée Me rejoist presentement, Car en la terre de Judée Est la digne personne née Que j’ay attendue longuement.
De Balaam fu voix oye Jadis par belle prophesie Disant que de Jaccb issroit Une estoille belle et jolie 2870 Qui lumiere clere et pollie Sur toutes estoilles rendroit.
Or l’aperçoy droit cy endroit, Vela l’estoille que Ysaie Ne prophete nul quel qu’il soit, Supposé qu’attendu l’avoit, Oncques nel peut voir en sa vie.
Je me tieng a tres bien euré À bien prisiet et honnouré, Quant de ce cy ay congnoissance, 2880 Je sçay qu’en aulcune cité De Judée est ung enfant né Qui sur tous roix ara puissance, Tout lui fera obeissance.
Je suis tres bien acertené Et pour tant sans quelque distance Je me mettray en ordonnance Pour voir ce qu'ont tant desiré.
Je vorray mon corps exposer
MISTERE DE LA PASSION
Et tout mon estat disposer
2890 De moy partir de ce pays,
Car jamais ne veulx reposer
Tant que je me verray poser
A genoux devant le beau fils
Que de pieca j’ay tant enquis.
Il est grand temps de m'en aler,
Car, s’il plest a Dieu et je vis,
Je le querray a mon devis.
Dieu doint que le puisse trouver!
MELCIOR, roy de Sabba.
Je me donne moult a penser
2900 De celle estoille que je voy.
En beaulté je le voy passer Toutes aultres, et si congnoy Par elle qui est né ung roy
Qui sur tous altres regnera
Et qui sera de tel arroy
Qu'en bien tous aultres passera, Je croy que l’estoille nouvelle Que je voy en Pair apparant
À mou entendement est celle
2910 De quoy Balaam fu parlant,
Ja pieça en prophetizant
Que quant celle estoille apparroit Au monde naistroit ung enfant
Qui sur tous aultres regneroit.
C’est celle, je le sçay de vray,
Je congnois bien les demonstrances, Car long temps estudiet ay
Es merveilleuses circonstances
Des estoilles et es substances
9920 Qui viengnent et procedent d’elles,
Dont j'ay veu grant habondances.
Mais oncques n’en vy nulles telles Fors celle que je vois lassus,
Qui est des aultres séparée
Car elle siet en l’air ça jus
Assez pres de ceste contrée,
Puis qu’en cy est que demonstrée S’est a moy l’estoille orendroit J'iray de cuer et de pensée
9930 Aourer l'enfant ou qu’il soit,
JASPAR Toy d’Arabe.
O Dieu immortel, qu’esse la ?
Oncques ne vis chose pareille!
Certes l’estoille que vela Me demonstre une grant merveille Par laquelle je m’esmerveille Ft que diligamment je veille Pour sçavoir que ce signifie.
En tout le cours d’astronomie Qui est moult haultaine science
2940 En quoy j'ay mis mon estudie
N’ay veu chose quoy que on die
De si grande manificence
Ne de si haultaine apparence
Comme est celle luisant estoille
Qui lassus prent sa residence,
Sans empeschement et sans voile.
Elle dermonstre proprement
Que ung enfant est né sur terre
Qui sera roy omnipotent.
Se veul aler presentement
Nouvelles de ce roy enquerre,
Ne jamais jour n'arresteray
Par tous pays je l’iray querre,
Sçavoir ou je le trouveray.
BALTAZAR en Tharse.
Gauwain, oyez que je diray.
Verité est qu’au monde est né
Ung roy de telle auctorité
Que sur tous les roix de ce monde
Si grant qu’il est a la reonde
Il ara domination.
J'en ay eu demonstration
Par une estoille reluisant,
Se me plest que tout maintenant
Moy et vous nous alons querir
L'enfant, car j’ay moult grand desir
De le servir et aourer
Et à mon pouoir honnourer.
Et pour la cause que l'enfant
Sera sur tous aultres puissant.
2970 Je prenray dedans mon tresor
Une quantité de mon or,
Et de bon cuer lui offriray
Le mieculx que faire le porray.
Appointiez toute no besongne
Et faictes ce qui nous besongne,
Car je veul partir temprement.
GAUWAIN Son escuier.
A vostre bon commandement
Veul je bien et doy obeyr
Car puis que c’est vostre plaisir
D'eniprendre ung si haultain voyage,
Je voy appointier no bagage
Pour partir quant il vous plaira, MELCIOR en Saba a son escuier.
Hunault, entendez a moy ça,
Il m'est venu a congnoissance
Par une belle demonstrance
Que ung enfant est né sur terre
Roy des roys, si le vorray querre
Par tout de contrée en contrée,
Tant que la place aye trouvée
PREMIERE JOURNEE
2990 Ou l'enfant a pris sa naissance
Dont j'ay veu signifiance,
Car je scay tout certainement
Qu'il domine du firmament
Et qu'il est vray Dieu tout puissant A qui tout est obeissant.
Et pour lui faire obeissance,
Selon mon pouoir et puissance,
Del encens je lui porteray
Dont offrande je lui feray
3000 Comme a mon vray Dieu immortel,
Quant a deité il est tel,
Mais tant qu'il touche humanité Et mondaine fragilité
La mort soufrira une fois,
Je le sens assez et congnois,
Pour tant, Hunault, mon bon amy l'ntendez bien que je vous dy, Faites que tantost tout soit prest, Car je veul partir sans arest
3010 Pour aler querir l’enfançon
Qui est de souverain renom.
HUNAULT.
Sire, ce ne m'est desplaisir
De faire vostre bon plaisir.
Se volray du tout aprester
Affin que nous puissons aler
Au voyage qu'avez empris.
JASPAR @ son escuier en Arabe.
Mathabron, entends a mes dis,
Je veul aler par toute terre
Hault et bas et sçavoir enquerre
3020 La certaineté d’un enfant
Que nagaires par l’apparent
D'une estoille que j’ay trouvé
Est ça jus en ce monde né.
Si mez nostre besoingne a point, Abrege toy, n’areste point, L’enfançon qu’on doit honnourer Est roy, se le veul aourer
Et lui offrir ains que je cesse
De mon mirre a tres grant largesse.
3030 L'enfant au monde tant sera
Que la mort il y souffrira
Pour toute humaine creature.
Se veul que pour sa sepulture
Il ait de moy mirre en offrande,
Or fay ce que je te commande,
Car je volray tantost partir.
MATHABRON.
Je voy vo command acomplir
Puis que c’est vostre volenté,
BALTAZAR, Gauwain, avez vous appresté
3040 Tout ce qui nous est necessaire
Pour nous et pour tout nostre affaire?
GAUWAIX.
Oy, chier sire, tout est prest.
Partir poez quant il vous plest.
BALTAZAR
Ça mettons nous a la voye.
Dieu par sa grace nous convoie !
GAUWAIN.
Helas! et quel chemin tenrons !
BALTAZAR
Ceste estoille cy sieverons
Car tout droit elle nous menra
Au lieu ou il appertenra
3050 Et ou le bel enfant demeure,
MELCIOR.
Est tout prest ? Partons sans demeure,
Car je n’ay au monde desir
Fors que puisse l’enfant véir
Qui est digne d’avoir honneur.
HUNAULT.
Oy, tout est prest, monseisneur.
Ve cy vostre coupe et l’encens
Que j'ay mis et enclos dedens.
Partons si tost qu’il vous plaira.
MELCIOR.
Ceste estoille nous conduira
3060 Jusques au lieu ou est l'enfant
Royal que nous alons querant.
Je le sievray tant qu'est a my.
JASPAR
C’est bien fait, or nous en alons
Et ceste estoille cy sievons.
Cy rencontre Jaspar les deux aulires roys.
JASPAR
Dieu vous accroisse seignourie !
Il m'est advis a vos arrois
Que vous estes deux puissans roix.
Dont venez vous, ct de quel terre ?
BALTAZAR
Mais vous, qui tant volez enquerre
3070 De nostre estat, dout venez vous ?
Par bonne amour dittes le nous, Et puis nous vous dirons aussi De quel pays nous venons cy
Et en quel marche nous alons.
JASPAR
Par ma foy, sire, nous venons D'Arabe dont je tieng le regne Car j'y ay regné et si regne,
Je suis roy de tout le pays.
MELCIOR.
Nous volons estre vos amis, 3080 Et vous dirons de quel partie Nous obtenons le seignourie.
Balthazar est de Tharse roy Et je suis aussi tant qu’a moy Roy de une terre de Caldée Laquelle est Sabba nommée.
Se alons au monde querant Un bel et gratieux enfant En qui tant de vertu habonde Qu'il est ja roy de tout le monde 3090 Comme bien nous est demonstré Et par celle estoille monstré, Ce roy nous alons aourer Mais que nous le puissons trover.
Et jamais nous n’'arresterons Jusqu’adonc que trouvé l’arons Et que fait lui arons hommage.
JASPAR
Certes, j'ay empris le voyage Dont vous parlez presentement Car jeen euch le sentement 3100 Par l’estoille qui m’apparu Nagaires, sc suis cy venu Et voy circuyant la terre Pour oyr, sçavoir et enquerre Ou est né l'enfant que vous dittes Duquel grans choses sont escriptes.
Se vous prie tres humblement Qu'il vous plaise amoureusement Moy prendre en vostre compaignie.
BALTAZAR
Refuser ne le devons mie 3110 De vo venir sommes liés, Le tres bien venu vous soyés.
Alons nous ent tousjours sievant L'estoille que véons luisant Car je croy tout certainement Qu'elle nous menra proprement Au lieu au mains comme je pense Ou l'enfant a sa residence.
Alons, et tenons ceste voie.
Dieu par sa grace nous convoie !
Adonc s'en vont tous trois ensemble.
MELCIUR.
3120 Scigneur, a mon entendement 11 m'est advis certainement Que ceste estoille nous menra En Judée, ja n’y faulra, Et fait assez a supposer Que l'enfançon pourrons trouver
En Jerusalem la cité, Qui est de grant auctorité, Car c’est la cité souveraine, Du pais tout tient en demeine.
3130 Pour ce, qui mon conseil crera, Nous no trairons tout droit vers la.
Qu'en dites vous, sire Jaspar ?
JASPAR
Au bon voloir de Baltazar En soit fait.
BALTAZAR
C'est bien, or alons.
d'espoir que lantost y serons.
Cy apres sont les trois roir qui s'esbahissent de ce qu'ils ont perdu la veue de l'esloille
qu'ils sievoient.
JASPAR
Helas, messeigneurs, regardez, Vos yeulx ung peu en hault levez, Qu’est celle estoille devenue ?
Elle a empechement de nue 3140 Qui le nous cœuvre aulcunement.
MELCIOR.
Perdue l'avons plainement, Car ou ciel je rroy s’est enclose Qui nous est anoyeuse chose.
Je ne sçay comment nous ferons, Et se ja l'enfant trouverons, Que nous desirons a veir.
Dieu nous y veulle pourvüir.
Pour nous tous trois reconforter !
BALTAZAR, Veulliez vous ung peu deporter 3150 Et oyr ce que je diray.
En ceste terre a bien, se scay, Ung roy forment presumptueux Et du bien d’aultruy envieux, Herode il a nom proprement Et me doubte qu’aucunement Ceste estoille par le voloir De Dieu ne se puist apparoir Sur sa terre et sur son pays Car de toutes gens est hays 3160 Par sa mauvaise iniquité,.
MELCIOR.
Roy plain de grant auctorité, Vostre parole est raisonnable Et croy qu’elle soit veritable, Car par commune renommée Sa cruaulté est renommée Des parties orientales Jusques es mettes occidentales.
Et pour tant, entendez moy bicn,
PREMIERE JOURNEE
Sauf meilleur conseil que le mien, Adonc s'en va en Jherusalem au palaix du 3170 11 m’est advis que bon seroit roy Herode et dit : D'envaier vers lui orendroit Haula? hau !
Ung de nos hommes pour sçavoir LE PORTIER.
Se passage porrons avoir Qui estes vous la ?
Parmy son pays et sa terre, HUNAULT.
Car pas n’y volons faire guerre, C’est amis, ouvez nous la porte, Et puis quant la response ara Abregiez vous.
Devers nous il retournera ; LE PORTIER, Et tost apres nous passerons On va, on va, Selon la response qu’arons, HUNAULT.
3180 Je vous dy mon intention. Haula ! hau !
