RAPHAEL

Mon vray Dieu que je doy cremir, Loer, honnourer et servir, Je voy a ton commandement Acomplir ton hault mandement.

Adonc vient en la vision des trois rois.

Seigneurs qui dormez cy tous trois, Entendez ung petit ma voix,

4180 Vers vous Dieu le pere m’envoye

Qui vous veult mettre en bonne voie.

Ne prendez pas vostre retour, Ne vostre chemin, ne vo tour Par Herode. S'ainsi faisiez, Sachiez de vray que vous morriez, Car il est forment indigné Pour ce que l’avez informé De la naissance del enfant Lequel est sur tous le plus grant.

4190 Mais prenez ailleurs le chemin Pour eviter le grant venin De Herode plain de cruaulté, L'outrage et male volenté, De par Dieu je le vous commande Qui ceste parolle vous mande.

L'angle s'en retourne en paradis et dit:

Pere puissant, Dieu infini, J’ai a mon pooir acompli La charge que de vous avoie.

DIEU LE PERE

Preng consolation et joie

4200 Avec ceulx de ta legion.

RAPHAELe

Volentiers, doulx roy de Syon, Puis que c’est vostre bon plaisir,

BALTAZAR. Je suis tout tané de gesir Levons nous car il est grant jour, Se nous metterons au retour, 11 en est temps, je vous dis bien.

MELCIOR :

Seigneurs, n’avez vous oy rien De nouvel en ceste nuitie ?

BALTAZAR

J'ay anuit une voix oye 4210 Dont moult le corage me tremble, Qui me disoit, si que me semble, Que nous ne fuissions si hardis De tenir ce qu’avons promis À Herode, et s’il nous tenoit, .

Tous trois occir il nous feroit.

Qu'en dittes vous sire Jaspar ?

JASPAR, Foy que je doy Dieu, Baltazar, Les parolles m'ont esté dittes Toutes telles que vous les dittes.

MELCIOR.

4220 Et je vous promects de ma foy

Qu'’aussi ont elles esté a moy,

Pour quoy, seigneurs, je vous dy bien, Sauf meilleur conseil que le mien, Qu'il nous vauldroit mieulx retourner Par aultre part que de aler

Par devers Herode le roy,

Car il est plain de grant desroy,

Et sur nous a conçupt une ire

Espoir dont nous feroit occire,

4230 Mieulx vault eschever ce dangier

Pour no chemin plus alongier.

BALTAZAR

Certes, vostre conseil crerons,

Car par aultre part nous irons.

Gauwain amis, n’arrestez point,

Mettez tout no besoingne a point,

Car nous volons tantost partir.

GAUWAIN.

Mon seigneur a vostre plaisir.

Hunault, abregiez vous aussi.

HUNAULT.

Je suis tout prest quant est à moy.

MATABRON.

4240 No bagage est aussi tout prest.

JASPAR

Or, nous partons quisqu’ensi est, Dieu soit en nostre compaignie!

Adieu, beau hoste, je vous prie, Priez a Dieu pour nous.

L'HOSTE

Chier sire, Le grant Dieu vous veulle conduire Tous ensemble en vostre pays,

Cy s'en revont en leurs pays par une auitre

voie que par Herode.

HERODE @ ses gens.

Seigneurs, je suis tous esbahis

Que ces rois ne viennent vers moy.

Ils ne m'ont pas tenu leur foy.

4250 Science les a abusés,

Ou ils ont tout leur temps usé, Car ils n’ont sceu trouver cellui Dont ils me parlerent droit cy, Ce n’a esté qu’abusion,

De leur imagination,

Pour quoy ils n’ont osé tenir

MISTERE DE LA PASSION

Chemin vers moi ne revenir.

Par ma foy, ils n’ont fait que sage, Car ils y eussent eu dommage

4960 Si grant que jusquesa la mort.

LE MARICBAL.

Vous n’eussiez point eu grant tort, Car trop s’estoient avanciés, 11 sembloit que vous eussiés Perdu vo regne a toujours mais, Dont vous goez bien et a paix.

Ce ne sont riens que devinaille Dont le sort ne vault une maille De toute leur astronomie,

BALTAZAR

Seigneurs, ve cy le lieu n’est mie

4970 Ou ensemble nous accointasmes,

Ce le lieu ou nous no trouvasmes, Se nous fault en ceste partie Maintenant faire departie,

Mais il me poise grandement Que faire fault departement

Et qu'il fault que no compaignie Soit en ce lieu cy departie,

Et puisqu'il faut qu'il soit ainsi, Humblement je vous remercy

3980 Del honneur qu’en vous ai trouvée,

Alons chascun en no contrée.

Adieu vous dy, car je m’envoy.

| MELCIOR.

Adieu, Baltazar, sire roy.

A Dieu vous command.

BALTAZAR

Et je vous.

JASPAR

Je prend congie tant qu'est a moy.

Adieu, Baltazar sire roy.

BALTAZAR

Adieu, Jaspar.

JASPAR

Dieu, quel anoy!

Adieu, Melcior, amis doulx, Adieu, Baltazar, sire roy,

4290 A Dieu vous command.

BALTAZAR

Et je vous.

4 donc se partent l'ung del autre.

MARIE @ Joseph.

Joseph amis, que ferons-nous ?

Quarante jours a bien le sçay Qué mon fils Jhesus enfantay, Se veul partir de Bethlecm

Et aler en Jerusalem

Offrir au temple mon enfant.

JOSEPH

Dame, que alez proposant

De vostre sainte et digne bouche,

Ceste chose riens ne nous touche :

4300 Vous ne congnoissiez point l'affaire

De pechiet, se n’avez que faire,

Au moins a mon intention,

D’avoir purification,

Car je sçay que vous estes dame

Sainte et nette de corps et d’ame.

MARIE

Certes, Joseph, mon chier amy,

Entendez ung petit a my,

Je veul les coustumes tenir

De la loy et entretenir

4310 Ainsi comme a fait mon doulx fils

Lequel a été circoncis.

Je ne veul que nul puisse dire Qu'’a la loy veulle contredire,

Au temple veul je pervenir

Et droit la mon enfant offrir, Car en ce joyeulx edifice

Volroy je faire sacrifice

À Dieu mon pere souverain

Qui regne en son trone haultain,

4320 Et avecques nous porterons

Une paire de pinions

Avec aultant de tourterelles,

Ce sont deux offrandes moult belles Et lesquelles on doit amer :

Les pinions sont sans amer,

Et tourterelles ont esté

Et sont plaines de chasteté.

Se pourvéez ce que je dis,

Or alons porter mon doulz fils

4330 Au riche temple Salemon.

Dame de souverain renom,

Puis qu’il vous plest, il me plest bien,

Je n’y veul contredire en rien, Je vois voir se je trouveray De nos parens, se les menray Avec vous.

MARIE

Or alez, amis.

Adonc s'en va Joseph quérir des femmes.

JOS8EPH

Venez cha, dame de hault pris, Il vous plaise tant traveiller Que de nous venir compaignier

PREMIERE JOURNEE

4340 De la cité de Bethléem Jusqu'au temple en Jerusalem, Ma dame s’i veult transporter Pour son fil à Dieu presenter.

AGAR

Certes moult volentiers yrons, Et compaignie lui tenrons, JOSEPH.

C’est bien dit, venez avec my, Car tantost partirons de cy.

Adonc viennent a Betlheem a Marie.

Dame, vecy nos deux voisines Qui sont toutes II nos cousiries 4350 Qui s’en venront avecques nous.

MARIE

C'est tres bien dit, abregiez vous, Il est temps de nous en aler.

JOSEPH

Ma dame, il n’en faut plus parler, Tout est prest, mettons nous a voie.

MARIE

Or alons, que Dieu nous convoie.

Adonc se partent tous ensemble pour venir au temple ou sont Symeon prophete et Anne prophetesse.

SYMÉON

Que tu es le seal redempteur Et le juste reparateur

De toute israelite gent.

Je t’aoure devotement,

4380 Je t’honnoure parfaitement,

Comme mon souverain seigneur,

Je me repute entierement

Indigne d’estre nullement

Denommé pour ton serviteur.