SABAOTH

Pour quoy? Pour ce que sçavons bien Que vous n’estes pas gens de bien, Car se gens de bien vous fussiez,

6340 En no presence vous n’eussiez

Pas esté confus maintenant

Par les parolles d’un enfant.

Vous gastez tout, bien le sçavons, Et certes nous y pourverrons,

Car a ce faire tenu sommes

Pour le bien et proffit des hommes, Par la promesse que feismes

Quant en l’ordre nous nous meismes Et estat de chevalerie.

6350 Que mauditte soit vostre vie !

Je voy bien qui vous laira faire, . Vous gasterez tout nostre affaire, Et toute no loy perira, S’on vous croit.

LE n° DOCTEUR.

Or entendez ça,

Messeigneurs, vous avez grant tort, Qui nous manaciez de la mort, Car se nous eussions volu, Nous eussions al enfant tolu Tout son sens et son argument,

6360 Mais faire volons aultrement.

Ce n’est qu’un enfant, se falloit Laissier dire ce qu’il voloit,

11 se falloit dissimuler

Vers lui, et le laissier parler.

Se c’eust esté aulcunement Homme de grant entendement, Nous l’eussions bien raparlé

Et tres grandement ravallé, Mais nennil, ce n’est qu'un enfant,

6370 Se en avons souffert pour tant,

Appaisiez vous, je vous en prie. OSANNA.

On congnoist assez bien vo vie,

Vostre estat et gouvernement,

On y pourverra tellement

Que vous vous en perceverez,

Car qui vous laira, vous ferez

Tout aler en mauvais party.

Sabaoth, partons nous de cy

Ce sont gens qui gasteront tout,

6380 Desquels on n’ara point le bout,

Qui n’y pourverra bien briefment.

SABAOTE.

Je vous jure par mon serment

Que je leur feray ung caudel

Qui ne leur sera bon ne bel,

Car ce sont gens de maise vie

Par qui no loy sera perie,

Qui les laissera convenir.

Adonc se partent les chevaliers du temple.

LE PREMIER DOCTEUR

Quel conseil porrons nous tenir ?

Avisons comment nous ferons.