JEHAN
Ha lasse ! Vierge de renom, Doulce cousine, doulce amie De grant doleur mon cuer larmie Quant je vous voy si grant dueil faire !
Tres doulce dame debonnaire, Confortez vous en vous meismes, Oncques mais jour nous ne veismes Faire tel dueil que vous menez.
Doulce dame se vous povez
13900 Parlez a nous, vous ferez bien,
NOSTRE DAME
Ha ! tres doulz filz je te pri, vien Moy conforter, car je me muyr.
Las ! que dis quand n’y puels venir !
Las ! que tu es ensonniez ! Las ! Juifz te font de meschiez !
Las ! ou es tu emprisonnez ?
Las ! mon filz ou es tu menez?
Las ! mon cousin, que ferons nous ?
S. JEHAN
Doulce dame, confortez vous, 13H10 Tres humblement je vous en prie, Et je vous tenray compaignie Pour vous servir desoremais.
NOSTRE DAME
Ha ! mon cousin, helas jamais Ne me pourray reconforter !
Mais mon dueil vorray deporter Ung petit pour l’amour de vous.
LE IIIT° JUIFZ DE JHERUSALEM, Messeigneurs, or ascoutez tous, Devers Herode avons esté Qui Jhesus a examiné,
13920 Mais oncques mot il ne parla, Dont Herode moult se courça Et s’en fist mainte grant priere.
Quant Herode vit la maniere, En demonstrant sa grant follie, Commanda que fust despoullie La robe qu'il avoit vestu, Et prestement fu revestu De celle blanche que veez cy Qui demonstre signe de ly, 13930 Qu'en tous ses fais l’a fol trouvé Et fol le preve et a prouvé.
Pilate, Hérode vous mercie De ceste grande courtoisie Que lui avez fait de Jhesu, Car par vo fait il a veu Desormais serez bons amis, Tous maltalens en sont hors mis, Herode est en votre command Par vraye amour dorenavant, 13940 Ainsi le nous a affremé, PILATE.
Messeigneurs, bien soiez trouvé Je suis moult lies del aliance Herode, et de sa bien vueillance, Desormais entretienray S’amour le mieulx que je porray, Ça, messeigneurs, pour procéder À Jhesam et déterminer,
TROISIEME JOURNEE
Bon seroit à ce que je voy D'avoir les princes de vo loy,
43950 Avoir nous convient Cayphas :
Dy je bien, que vous semble Annas ?
Mandons le, se c’est vo plaisir, ANNAS.
Vient ça, vient, va les tos querir,
Dy leur bien qu’ilz viennent en haste
Parler à no prevost Pilate.
Va tos, esploite sans plus dire.
Voulentiers le feray, chier sire,
Je m'en vois a votre command.
L'’hostel voy Cayphe le grant,
43960 I1 me convient à lui parler.
Sire, no Dieu qu'on doit orer
Vous doinst santé et a vous tous,
Messeigneurs, je viens devers vous.
Ponce Pilate no provos
Et Annas vous prient que tos
Venez par devers le pretoire,
Car la tenront leur concitoire
Pour voir qu’on fera de Jhesus.
CAYPHAS.
C'est bien dist. Amis, levez sus,
13970 Nous y alons tout prestement,
Sus, messeigneurs, appertement,
Il ne nous convient pas jocquier.
Je leur voy votre fait noncier.
Messeigneurs, j'ay vostre message Accompli.
ANNASe
C’est fait d'homme saige,
Tu as fait tres bien ton devoir.
L’HUISSIER
Ve ça Cayphe tout pour voir, A Pilate je le voy dire.
Pilate, et vous, Annas, chier sire,
43980 Ve cy Cayphe a tout ses gens.
C’est bien, on le face entrer ceans.
L'HUISSIER, Ça messeigneurs, entrez dedans, Pilate veult à vous parler, Je le vous mande de par mi.
__ CAYPHAS.
Nous sommes prest d'aller vers lui.
Monseigneur, Dieu vous doint santé, PILATE.
Cayphe, bien saiez trouvé :
Que ferons nous de ce Jhesus ?
Il est de Herode revenus
13990 Lequel l’a moult subtillement
Examiné, mais nullement
En lui ne treuve cause de mort Ne moy aussi, on aroit tort
De jugier sa mort sans desserte, Il en venroit dommaige ou perte, Les Romains sont vindicatis
Se devers eulx aloit plaintis,
No fait tres fort en empirroit, Le vostre pas n’amenderoit.
44000 Ce cas requiert grant providence,
Avant qu'on en rende sentence.
La sentence est moult difficile Et à jugier chose subtille.
Pour vous de lui satifier,
À ung piler tres fort lier
Le feray je par mes sergens, Et la d’escoriez trenchans
Le feray batre et amender, Tant que plus n’osera parler
14010 Contre vous ne contre vo loy.
C’est le meilleur tour que j’y voy.
De dire qui soit condampné
Et de par moy a mort livré
Je n’y voy cause nullement.
CAYPHAS,
Faire devez le jugement,
Assez de cause il ya
Dont mort a desservi pieca,
Jugiez le nous, faictes nous droit.
LE PREMIER DE SIDON
Crucefiez tantos il soit,
44020 Car filz de Dieu il s’est nommé,
Dont grandement il a erré.
Sa mort abregier on lui doit, Crucefiez tantos il soit.
LE PREMIER JUIFZ DE THIRY
Se tantost delivres n’estoit Et le fait a œavre mené, Toute no loy il destruiroit.
Pour tant soit à mort condampné, Son fait assez chascun congnoit.
Crucefiez tantos il soit,
14030 Car filz de Dieu il s’est nommé.
PILATE Puis qu’en lui je n’ay riens trouvé, Par raison le doy délivrer.
LE PREMIER PRINCE
Se ainsi le laissies aler
