pies de longueur et 50. de largeur. Les fourmes
des moysnes, hault et bas, sont faîctes de fort précieux
bois, partie des Indes, comme cèdre, caona, acana et
ebene, et partie de l'Europe, comme du buis, noyers et
de la neufve cornicabre, qui est un bois n'agueres trouvé
et descouvert en Espaingne. L'architecture est corinthe,
très artificieusement elabourée. Il y a au mitant de ceste
pièce un très beau pulpiire faict des mesmes boys, et Pulpitre admirable.
garny fort gentilement avecq des réglons de métal doré.
Son pied est fondé sur trois grosses columnes du mesme,
qui s'assisent sur une peane de jaspe, et comprend sur
le plat des quatre costéz quatre grans livres de chant Livres de chant
1 JIM très beaux et fifrands.
ouverts, qui sont très beaux et grans, desqueiz il y a *
jusques à 220. volumes de prez de cincq pies de hault, les feuilles de perchemin, escritz à la main d'ambedeux costéz, et leur chant fort corrigé. Et y a dedans aulcuns des fort belles et curieuses ymages d'illumination, et pour estre si grans et pesans, ont des petites roûettes desoubz, sur lesquelz se vont roulans quand l'on les bouge d'un costé à aultre. Ce pulpitre se laisse aussi tourner fort facilement avecq un doigt tant seulement, nonobstant que son pois est terrible, mais est si industrieusement faict, joûuant secrètement sur une poincte d'aci<;r
Grand autel.
Tableau d'autel.
fort aiguë et subtile. Et estant le tout fort esgalement reparty et mis en sa juste balance, est ce mouvement en soy bien facil et aysé à faire. Les paroys sont touttes peinctes à destrampe des hystoires de S* Laurent et de S* Jherome, de la main d'un très excellent painctre et de telle grâce et vigeur qu'il semble que les personnaiges parlent, qui y conservent le respect, attention et révérence qu'à un tel lieu sacré se doibt tenir. Et en la voulture de ceste pièce est paincte la gloire celestielle, et au bout de ceste celestielle congrégation s'y voyent les deux pourtraicts, l'un du mesme painctre qui la fist, et l'aultre du devant nommé fray Ant° de Villacastin, superintendent qui a esté de tout cest' œuvre fort artificiellement pourtraictz au vif.
Au costé de l'orient sorte un' autre appendance que cy devant disions qui fust le grand autel, auquel Ton monte par douze degréz de jaspe fort bien polyz comme, des miroirs, et est ceste montée si large et espacieuse que tout le nombre des religieux, collegiaulx et séminaires s'y assisent bien aysement dessus quand il y en ait sermon et presche. Et montant icelle montée, y a une très belle planure fort richement et curieusement pavée de différentes pierres de jaspe rouge et verd, entrelassé et perfilé d'un marbre blancq qui aggrée merveilleusement la veûe, et est si bien uny et poly, que si la personne ne s'en donne guarde, s'y en pourroit aussi bien glisser comme sur la mesme glace. D'icy se montent encores sept autres degrez avant que venir sur le plant du grand autel, qui aussi est faict de jaspes et marbres fort riches et de différentes couleurs, et d'une grandeur proportionnée, un petit desvoyé du piédestal du grand tableau d'autel, tellement que l'on y peult aller tout
alentour. Ce grand tableau est fundé et assiz sur un iS97
grand piédestal de jaspe rouge et verd, et est si hault
eslevé qu'il y a quatre difFerens estages de colomnes Tung
sur Taultre des quatre principaulx ordres d'architecture,
dorique, ionique, attique et composée, et ont touttes
leurs appertenances requises, qui sont architraves, frises
et cornises, suyvant l'ordre de leur architecture, le tout
de fine jaspe rouge verdastre, de couleur sanguin et de
mill autres différences, leurs bases, chapitelz, trigliphes
et dentelz de bronze doré qui enrichist grandement
l'œuvre. Il y a entre ce repartement des colomnes de
fort belles painctures des mains des plus excellens painc-
tres de ce temps, et au l'extérieur desdictes colomnes
