grandes figures de métal fondu et très richement

doré, qui sont les quatre docteurs de la saincte esglise,

les quatre evangelistes et les quatre apostres, touttes (i)

y mises dedans leurs niches faites de jaspe verd, et au

plus hault du tout celles de sainct Jean evangeliste, et

de Nostre Dame, qui y accompaingnent un très beau

crucifix, dont la croix est faicte de certain boys qui est

venu des Indes, ^ippéilé angelino. Et pour le faire apporter Bois des Indes

depuis Lisbone a cousté grande somme de deniers, *PP^*^^ angeitm,

ayant fallu inventer et user des estranges inventions et

ruses pour le faire passer par les mauvais passaiges d'un

si long chemin. Et est ce boys de si belle couleur et

ondées, qu'a son semblant (et suyvant en cecy l'opinion

de plusieurs) pourroit bien estre de la mesme espèce du

boys duquel celle de Nostre Rédempteur fust faicte, et

pour estre en telle opinion est tenu en si grand' estime,

(i) Excepté les quatre du haut qui représentent ces apôtres (voir la planche lo).

ÏS97 que pour en obtenir quelque peu, a valu me prévaloir

de Tauthorité du jeusne prince qui, par son exprès commandement, me fist donner une petite croix de la longeur d'un pied et un peu d'avantaige, et en ay faict paindre dessus ung crucifix de la main de Bartholomieu Carducho, un fort fameux et vaillant painctre de nostre temps, laquelle je tiens en grandissime valeur et estime. La figure du Christ est aussi fundue du mesme métal et dorée. Et touttes icelles si bien faictes qu'impossible me seroit de le dire, haultes de neuf piez, selon le tout se pourra veoir par l'ensuyvante figure, et ont esté très diflBciles à dorer, tellement pu'il a fallu user de grandissime industrie. Et disent aulcuns qu'il n'y a nulle souvenance d'hommes d'en avoir eu d'aussi grandes touttes dorées d'une seule pièce, et encores que touttes les susdictes choses nous sembleront quasi supernaturelles, et qu'elles soyent encores dix fois d'avantaige (comme véritablement elles sont) de ce que possible m'en a esté déclarer, si est ce que la custode du sainct sacrement, de laquelle diray maintenant, excède à tout cecy en beauté, richesse, polissement et belle trace, plus que la centiesme partie et en telle sorte et extrémité que je ne sçay par quel bout l'encommencer, s'ensuyt icy en premier lieu la pourtraicture du susnommé tableau qu'icy achevons d'en particulariser, dont voycy sa figure (i). Et pour aussi donner plus de lumière à tout ce qu'ay proposé de dire de la susdicte custode du sainct sacrement, laquelle se veoit en la précédente figure au mitant dudict autel, va aussi du mesme icy inséré sa vraye pourtraicture (2).

(i) Voir la planche 10.

(2) Voir la planche 1 1 .

Ceste seule pièce se peult vrayement appeller Tunicq ^97

et précieux thresoir de tout le santuaire, seul et unicq point et centre de toutte la fabrique auquel tous les autres œuvres tendent, et en prennent leur fondament et naissance. Tel habitacle est cestuy-cy, auquel le roy des royz se repose. Son pourpris et sa forme est ronde, en figure d'un petit temple, et a depuis la peane jusques au dernier point du pinacle 15. pies de haulteur, d'architecture corinthe, et l'invention est du devant-nommé Juan de Herrera, second architecte qui fust de ceste fabrique. Son material n'est autre que des pierres extraordinaires qui n'aguere sont esté descouvertes et trouvées au terroir d'Espaingne, si belles et dures, que pour les traveiller et polyr, en a fallu user de différentes inventions, dont un certain milanois appelle Jacomo de Trezzo (qui en cest art a excellé à tous autres) a bien employé son bon et rar' esprit et entendement ; et encores a esté besoing d'en user de la pouldre de diamans pour en venir au dessus. Il y a pardedans, au mitant du ciel, un fort grand et très fin tapaz de grande valeur et estime, et pardehors, sur le tout, une figure de Nostre Sauveur, et tout alentour, en des niches et sur les peanes, y a les douze figures des apostres de métal très richement dorées, y mises en leur bel ordre. Au mitant et au dedans de ceste custode, y a encores un' aultre plus petite, mais non de moindre estime et valeur et est sa forme quarrée. La peane est de bronze doré, ayant desoubz icelle quelques petites et secrètes roûettes sur lesquelles on la tyre à soy, sans qu'à paine l'on s'en apperçoyt. Ceste peane est fort bien elabourée selon l'art de l'architecture, et fort richement aornée des petites quarrures qu'il y a tout alentour de jaspe fine.

ÏS97 Sur ceste peane s'assiet la custode d'argent, qui est de

Tordre dorique, et sont ses colonnes d'un jaspe rouge semblable à corail et fort bien polyes, et derrière les colomnes y a de gros piliers quarréz tout d'argent entremeslé de jaspe, dont les bases et chapitelz sont de fin or esmaillié, et sont les architraves, frises et cornises de fin argent, le tout fort bien elabouré, y ayant par le frize certains partissements avecq beaucoup des belles et précieuses pierres, comme sont des esmeraux, rubyz et d'autres, et le deseur, qui est le ciel aussi tout d'argent fort bien elabouré et tout plain de belles pierres, et sur le tout un fort beau pinacle, aussi tout d'argent et sur chasque colomne dessusdictes une pyramide d'un esmeral fort richement garny en or et fort curieusement esmaillé. Et a ceste custode tout alentour ses verrières de fin cristal de roche, la moindre pierre desquelles a plus d'une grande paulme de quarrure, qui est une chose inestimable, et dedans ceste-cy est enserré un grand vaisseau artificieusement et très polyement faict d'une très fine pierre bien extrordinaire, et finalement dans cestuy-cy un autre vase de fin or, auquel repose ce grand et souverain bien Jesu Christ nostre rédempteur et unique consolation. Aux deux costéz du grand autel se voycnt deux très belles portes aussi de la mesme pierre, qui ne sont moins estimables que ce que dict avons, parce qu'elles sont touttes de la mesme estoffes ; par icelles s'entre à ce sainctuaire. Et en la voulture de ceste pièce et lieu sacré, sont painctes les celestielles visions, avecq plusieurs sainctes hystoires du vieu et nouveau .testament, représentantes les figures mystiques de ce sainct, divin et admirable mystère. La lumière qui y entre par une très fine et très claire verrière de cris-

tallin, est si très claire et très luysante aux yeulx de '$97

ceulx qui la voyent de loing (je diz de ceulx qui regardent par dehors ceste custode, car fault scavoir qu'icelle lumière transpasse et pénètre les susdictes verrières de cristal de roche, qu'avons dict qu'il y a en ceste custode), que ce leur semble estre chose incompréhensible, ne pouvant penser ce que cecy peult estre, mais se persuadent tous en gênerai, que ce doibvent estre quelques diamans, carboucles ou autres pierres précieuses de différentes couleurs, qui s'y mettent en icelle custode tous les jours qu'il y a changement en l'église des ornamens d'autelz, qui chacque jour de feste, selon la qualité du sainct d'icelluy jour (comme depuis se dira) se muent et changent de différente couleur, à laquelle couleur correspond aussy ceste resplandeur qui sorte de ce sainctuaire, qui bien examinée n'est aultre que certain mystère de bien peu de considération, scavoir est une seule courtine de taffetas, de la couleur correspondante à celle desdicts ornamens qui se tyre devant la verrière de ceste fenestre, laquelle comme elle est toutte de christalline, et celles de la petite custode (dont avons parlé) touttes de cristal de roche, et que par icelles passe et pénètre la clarté du soleil, donne une telle réverbération contre la couleur d'icelle courtyne, que de loing cela ne semble autre que ce dict avons, chose bien admirable aux yeulx de tous et en particulier de ceulx qui ignorent ce susdict mystère. Le quartier de mayson qu'il y a derrière cest autel, est Oratoires qui recellu}' du roy, y ayant d'ambe-deux costéz deux fort sortent vers le quarbeaux oratoires, l'un est de Sa Majesté et l'aultre de la rovne" ^°^ ^ royne (quand il y en a) et présentement de ses Altesses, lesqaelz y sont tous joingnant à leurs dormtoirs (comme

IS97 se dira plus clairement en un aultre lieu), d'où journe-

lement ilz oyent leur messe, lesquels oratoires sont les deux portes des trois qui s'y voyent d'un costé et d'autre desoubz les arcures^ où se voyent les statues des enterremens des roys. Et sont ces deux oratoires de la mesme fabrique, architecture et materiaulx que tout le restant, scavoir est de marbre, jaspe et tout aultre sorte de belle pierre. En hault desdicts oratoires se voyent les lieux qui sont entre des fort belles et riches colomnes de jaspe fine, avecq leur arcures qui y font une fort belle L'enterrement de et magnifique Structure, où les figures et statues de empereur et roy l'empereur, d'un costé, en compaingnie de sa femme, fille

et sœurs, et Sa Majesté (i) d'autre, en celle de ses femmes et enfans, sont mises et colloquées en fort bel ordre, fondues touttes de bronze et dorées fort richement avecq les armoyries de leur descente, dont les blasons ou couleurs ne sont aultre que de la mesme couleur de la pierre vive et naturelle et les metaulx sont de l'or et d'argent, icelles couleurs si bien appliquées selon le blason des armes, que ce semblent vrayement estre f painctz des couleurs ordinaires qu'usent les painctres, i Cecy est une des plus riches choses et non moings eu- \ rieuses de celles que l'on y peult veoir. Et au plus hault^ -\ de ceste petite machine, d'un costé et d'aultre, se voyent 1 les armes impériales avecq son tymbre et hachemens^ et de l'aultre celles du roy en la mesme forme, touttes faictes et blasonnées des mesmes couleurs de la pierrq (comme dict est) et de Tor et d'argent, sans qu'il soi( aydé d'aulcune couleur des painctres. Je laysse icy d| l dire l'inestimable pris que tout cecy aura cousté, veB I

(i) Philippe II.