CE QUE DIT MA DAME A MAISTRE HUES, ET COMMENT IL LA RECONFORTA

Quant ma dame eut ouy maistre Hues ainsi de son mal parler, luy dist : Maistre Hues, lessez moy, je n'ay douleur en mon cueur que une, en laquelle de vostre parolle seullement me povez bien ayder ; et par ma foy, se ainsi vous plaisoit, je vous en seroie à tousjours bien atenue; et, en

oultre, je vous donroye ung bon mantel de la plus fine escarlate que l'en pourra finer. Quant maistre Hues oyt parler du mantel, à tres chiere lie luy dist : Ma dame, commandez moy, car il n’est chose que pour vous, à mon povoir, ne face, Voire, dist ma dame, maistre Hues, et nous vous en remercions ; medessins sont confesseurs ; et ce que vous vueil dire ne touche à vostre deshonneur, ne dommage, si vous prie que le tengniez secret. Ma dame, dictes hardiment, car, par ma foy, jamais parolle n’en sera dicte. Or, maistre Hues, nous vous disons que la desplaisance et maladie de nostre cueur n'est fors que du desir que nous avons d'aller, deux moysou trois, veoir noz terres, dont il est grant besoin£ ; car sont plus de seize ans que nous n'y fusmes, dont noz affaires n’en vallent que pis; et nous scavons que se madame scavoit que de nous venist, suis acertainée qu'elle n'en seroit mye contente. Ho ! ma dame, dist maistre Hues, j'en prens la charge, et faictes bonne chiere, car vous yrez, et scay bien la façon comment ; mais il faut que trois ou quatre jours vous tenez en chambre, et du surplus laissez faire à moy. Maistre Hues vint à la royne, et luy dist : Ma dame, je viens de veoir ma dame vostre cousine. Helas! dist la royne, maistre Hues,

comment le fait elle? Ma dame, pour le vous dire, tres peti-t

ge

tement, et n'y voy qu'un seul remede. Las ! que dictes vous, et quel remede? Pour Dieu, ma dame, qu'elle s'en voyse esbattre en son air naturel deux moys ou trois, Helas ! se elle y estoit, seroit elle suarie? J'espere en Dieu que ouy, et je voys penser de ses viandes et d'aucuns lectuaires confortatifz [élixirs reconstituants]. La royne s'en va incontinent veoir ma dame, qu'elle trouva couchée en son lict ; lors la reconforta au mieulx qu'elle peut, especialement qu'elle seroit tantost guerie, se elle estoit en son air naturel, comme luy avoit dit maistre Hues, et que pour Dieu fist bonne chiere, et se disposast d'aller où elle vouldroit pour sa santé et suarison trouver. Madame, qui autre medicine ne queroit [cherchait] avoir que de fuyr les desplaisirs que son cueur sentoit, quant elle veoit les aultres amans dancer, chanter, jouer, et les ungs avecques les aultres deviser, et elle ne povoit ainsi faire jusques à la venue de son tres parfait amy, si print en elle resconfort de s’en partir ; et, pour abreger, le plus tost qu'elle peut, print congié du roy et de la royne. La royne ne luy donna congié que pour deux moys, se elle estoit lors en bon point, luy promectant de revenir. Et lors prent congié, et s'en va.

a le cru ares

(ne de FA

CA

(T4 le De

Neisure

‘ans estoit ; grant de corps, fort et abille pour luicter, saillir,