CHAPITRE XXXIIII
Comment messire Enguerrant entra pareillement dedans les lices en moult triumphant arroy [équipement].
L'ACTEUR DE LA VENUE DE MESSIRE ENGUERRANT ES LICES. — Et quant Saintré fut descendu, incontinent les rays d'armes, heraulx, poursuivans, trompettes et menestriers, pour faire honneur et compaignie, furent à messire Enguerrant, lequel aussy trouverent tout en point prest à monter; et aussy partirent tout premier les tambourins ; et apres les menestriers, venoient plusieurs seigneurs, chevaliers et escuyers, qui venus estoient pour le convoyer.
Apres les chevaliers et escuyers venoient ses trois destriers sellez, et leurs selles couvertes de mesme drap d'or dont ilz estoient houssez, dont le premier destrier estoit houssé d’ung tres riche satin bleu, figuré et brochié d'or, à grans hourletz de fin gris. Le second destrier estoit houssé d'ung aultre satin figuré bleu et brochié d'or, à grans bors de martres sebelines, Le troisiesme destrier houssé d'ung aultre tres riche satin figuré en coulleur de pourpre tout broché d'or, qui estoient ses trois couleurs, et brodez d’ermines, et conduitz à main par trois varlets à pié.
Apres les trois destriers venoient douze chevaliers sur beaulx coursiers qui portoient douze lances ; dont les six estoient deux à deux des trois mesmes draps d'or, et semblablement ourlés comme estoient les paremens.
Apres ces douze lances venoient les trompettes du roy, et apres eux le roy d'armes d'Aragon, qui vestue avoit sa tres riche cocte d'armes, et à son col portoit une moult luysante et legiere targe [bouclier carré] d'acier ouvrée [ornée] par tiers de trois draps d’or, et à chascun des quatre quartiers de la targe, avoit ung blason de ses quatre lignées dont il estoit yssu, et au milieu des quatre blasons le sien.
Apres le roy d'armes, venoit le comte d'Orgel qui, sur ung tres bel et puissant coursier, portoit sur ung tronsson de lance le demi heaulme de messire Enguerrant, sur lequel estoit ung demy cerf, portant un collier où estoient par tiers un tres bel rubis, et un£g tres bel diamant et ung tres bel balaiz [rubis balais], chascun enclos entre deux belles perles.
ANTHOINE DE LA SALE
Apres le demy heaulme venoit messire Enguérrant armé de toutes ses armes, excepté du chief, auquel il portoit ung tres bel chapellet de diverses fleurs et feuilles, sur un£g tres bel et puissant destrier, houssé d'un tres riche veloux cramoysy, figuré, tout brodé d’or sur or, et bordé à f$rant bort . d’ermines, et en sa dextre main ung troncon de lance sur lequel son bras se reposoit.
Apres messire Enguerrant, venoient le comte de Prades et le conte de Cardonne, ses conseillers, et puis les autres. sei- ÉE gneurs, chevaliers et escuyers, sans nombre, venuz pour. Je 2onvoyer ; et ainsi, vint descendre en sa loge, et illecques cut armé de son demy heaulme, et servi de ce qu'il dl falloit,
