CHAPITRE XVII ù

Comment la dame conseilla au petit Saintré de lyre livres et romans, affin de congnoistre les gestes des nobles du temps passé.

LA DAME, — Encores vueil et vous prie que vostre plaisir soit à souvent lire belles hystoires, especialement les auctentiques et merveilleulx faictz que les Romains firent sur tous ceulx de la monarchie du monde, lisez Titus Livius ou Orose ; se voulez scavoir des douze Cesaires, lisez Suetonius : et se

voulez scavoir les faicts de Cathiline et de la conspiracion ou

conjuration, lisez Salustius. Se voulez scavoir de la tres fiere guerre de Jules Cesar et de Pompée, aussi de la souveraine bataille en laquelle ledit Pompée fut desconfit, lisez Lucan ; et se voulez scavoir des roys d'Egypte, lisez Macro-

bius; et se voulez savoir des Troians, lisez Dares Phrigius ;

et se voulez scavoir de la diversité des langues, lisez Arnobius ; et se voulez scavoir des Juifs et de la destruction de Jerusalem, lisez Josephus; et se voulez scavoir des hystoires d'Affricque, lisez Victor. Mais Pompeius Trogus, selon que Valerius escript, c ‘est celuy qui a le plus escript de son temps en sus, car il parlé ainsi que du commencement de toutes

regione »t de la situation des terres.