SA
BRL à FAURE ÉPRRESANM e SEL ETES $ AE
A ceste cinquiesme cource, messire Enguerrant print joignant la broche au double du grant g$ardebras, et Saintré au pié du demy heaulme; et tous deux rompirent bien leurs lances, et tellement que les esclas vollerent en l'air, dont leurs destriers furent en grant branle de cheoir. Et alors les trompettes de sonner, et les criz du peuple, tellement que à peine se peurent rappaiser, et par ainsi chascun tres bien rompist sa lance.
A la sixiesme course, messire Enguerrant print encores au meillieu du gardebras, et Saintré au bas de la baniere, et tous deux rompirent leurs lances. Et, par ainsi, chascun a bien rompu ses trois lances.
A la septiesme course, au joindre des lances, le destrier de messire Enguerrant se voistra [fit une volte|, et par ainsi ne firent riens.
A la huitiesme course, quant ce destrier vit Saintré approcher, tout à coup se tourna, et se Saintré n'eut au coup levé sa lance, il eust par derriere feru messire Enguerrant ; dont le roy, la royne, les seigneurs et aussi tout le peuple l'en louerent grandement, Et lors messire Enguerrant se partit, et s'en alla en sa loge pour changer destrier. Et quand ïilz furent venus, lors coucherent leurs lances et brocherent leurs destriers, tellement que l’ung ne l’aultre ne toucha.
A là neufviesme course, messire Enguerrant, pour la fureur de son destrier fraiz, haulsa ung peu trop sa lance, et Saintré l’'actaint au bas de la rondelle, et clinssa sur la piece, puis sur l'arrest qui du tout se descloua; et au desclouer, messire Enguerrant tres fort bransla. Et par ainsi Saintré eust bien ses quatre lances rompues. Et messire Enguerrant courut soy retraire pour sa piece changer ; et quant il fut sur les rencz retourné, et que chascun eust sa lance sur sa cuysse, lors brocherent tant qu'ilz peurent leurs destriers, et ne rencontrerent point.
A ceste dixiesme course, fortune voulut que tous deux croiserent leurs lances, et de la grant aleure des destriers, l’ung hurta à l’autre ; si qu'il n’y eut haye, qui de drap vermeil estoit pendant alarde [à la corde], tellement que le destrier de messire Enguerrant tomba, et celui de: Saintré fut espaulé. Alors Saintré descendit à terre et monta sur un$ roussin, et en son logis, pour changer destrier, s'en alla; mais oncques pour conseil d'homme ne se voult desheaulmer. Et quant messire Enguerrant fut relevé et retourné à
ANTHOINE DE LA SALE
son costé de la lice, il actendit Saintré qui briefvement vint, .
À la unziesme course, messire Enguerrant baissa un peu sa lance et arresta au bas des lames [pièces de l’armure engagées les unes sous les autres comme un toit de tuiles}, et Saintré à la rondelle qu'il fautsa bien avant. Alors messire Enguerrant, à cause du ferir bas, ploya, et tous deux rompirent bien leurs lances ; et par ainsi messire Enguerrant n'en rompit que quatre, et Saintré les siennes cinq, dont les esclas vollerent en plusieurs parts du champ. Alors trompettes de sonner, et voix du peuple de crier, tellement que bien grant temps fut passé avant de cesser. Et à ce coup que les cinq lances de Saintré furent rompues, ainsi qu'en l'emprinse estoit declaré, messire Enguerrant, qui jà bien veoit et scet que les cinq lances de Saintré sont rompues, et qu'il en a l'onneur, requiert à Saintré la lance des dames, dont il fut content. Et quant le roy entend qu'ilz veullent courir la lance aux dames, lors envoya deffendre la jouxte, pour le peril des armes à pié; et lors commanda que tous deux, ainsi qu'ilz estoient, vensissent devant lui. Et quant tous deux y furent, commanda les desarmer, puis par son roy d'armes, qu'il avoit fait sur son hourt monter, fist lire les parolles qui s'ensuyvent :
