CHAPITRE XXXVIHII
Comment le herault d'armes prononcea le dicton de la victoire que gaingna Saintré ; des pris et offertes faictes de l'ung à Fautre, et de l'yssue des lices. :
LE JUGEMENT DE CES ARMES. — Mes deux seigneurs quiestes Cy presens, sans nommer l’ung ne l'autre, nostre seigneur roy | “a bien veu voz Chevalereuses armes, si tres bien faictes et acomplies par chascun, que nul au monde porroit mieulx faire, ainsi que elles s'ensuyvent cy apres. Et toutes les.
courses, de point en point escriptes, les leut et puis dist : Et
pour ce que à la dernière course par 1e moble escuyer Jehan. de Saintré, vous avez tant de lances bien rompues per à per, par la cinquiesme que vous, tres noble escuyer Jehan de Saintré, avez tres bien rompue, et fin de voz armes à cheval, le seigneur roy vous en adjuge le pris. Alors messire Enguer-
-rant s’approcha de Saintré, pour soy acquiter du ruby ; mais quant Saintré le vit à luy venir, lors brocha son destrier, et tant, comme il peut, s'advanca à luy. Lors en soy fort inclinant lui toucha là main, et, au mieuix qu'il peut, l'accola [l'embrassa}, puis luy dist : Monseigneur et mon frere, tant et de si bon cueur comme je puis, vous remercie du grant honneur que vous m'avez faict. Alors messire Enguerrant comme saise et gracieulx chevalier, luy dist : Et que dictes vous, mon frere, c'est vous que je doy mercier de ce que m'avez tres bien batu ; si prie à Dieu et à monseigneur sainct George, qu'il vous doint faire de bien en mieulx perseverer ; >t aussi à vostre tres belle dame qu'elle le vous vueille meriter, à laquelle humblement je me recommande, que, en tesmoiïings de foutes ces parolles, vers elle je m'acquite de ce ruby, qu'elle vous a fait loyaulment gaigner, luy priant qu’elle le vueille prendre en gré. Alors Saintré soy inclinant, le tres bel ruby il print, et humblement l'en mercia, et puis luy dit : Ox, monseigneur mon frere, c'est par vous que je l’ay gaigné qui vous estes faint ; maïs affin que vostre tres desirée dame ne perde son droit, vous prie, en moy humblement recommandant à elle, ce petit dyamant vous plaise luy porter et donner. Et quant messire Enguerrant vit ce tres bel et gros dyamant, et la franche, liberalle et haulte courtoisie de Saintré, se tourna aux aultres seigneurs prochains, et en son langaise castellan leur dist : Et vrayement cestuy est bien la fleur de tous les jeunes gentilz hommes. Puis dist à Saintré : Certes, sire, je vous en remercye, de par ma seigneurie et de par moy ; et autant de gré vous en scavons que se je le prenoye, ou se elle l’avoit receu ; mais vous me pardonnerez à ceste fois, car je ne le prendray point ; ains le donneray à celle qui l'a bien desservy et gaigné. Saintré moult l'en prie, et messire Enguerrant s'en deffent, en le refusant, tant que le roy demanda que c'estoit. Et quant il le sceut, et la royne aussi, n’est pas à demander se Saintré fut du roy et de la royne, des seigneurs et des dames, des chevaliers et des damoyselles, des escuyers et de tout le commun, tres grandement loué. Toutesfois le roy, voyant les grandes prieres de Saintré, manda à messire Enguerrant que le dyamant print, puis que de sa courtoysie il l'en requeroit tant qu'il ne le devoit point reffuser. Alors messire Enguerrant le. print : et ce fait, trompettes et menestriers commencerent à sonner Et le roy ordonna qu'ilz s'en allassent desarmer. Messire
ANTHOINE DE LA SALE
Enguerrant et Saintré par leurs grandes courtoysies vouldrent l'ung l’autre convoyer, illecques firent moult de prieres ; mais en la fin, messire Enguerrant gaingna, et pour plus amplement monstrer sa courtoysie, le print par sa main dextre, per à per. Et quant ilz furent au logis de Saintré, Saintré fist tout son povoir et devoir de le reconvoyer, et l'eust bien fait, se les seigneurs de la court, tant d'un costé que d'aultre, n'eussent Saintré, oultre son gré, retenu. Saintré pria moult les seigneurs, ses conseillers, et aultres, de soupper celle nuyt avec luy, mais pour priere nulle, aucun n’y voulut demourer ; ains le laisserent tous celle nuyt reposer. Et ainsi fut de messire Enguerrant, pensant lendemain aux armes à pié besongner ; mais le roy, comme doulx, saige, gracieulx seigneur et prince, celle nuyt considera la peine que celuy jour 11z avoient prinse, fit leurs armes pour ce jour delaier [remettre à plus tard], pour chascun bien à son aise reposer.
