CHAPITRE XL
Comment les deux champions entrerent la tierce fois dedans les lices sollennellement.
L’ACTEUR ENCORES. — Et premier les tabourins, et apres les sommiets, et son harnois couvert, comme dit est, et mené par varletz ; et apres ses sommiers, ses deux armuriers à pié, et apres eux ses quatre menestriers, deux à deux. Apres venoient les poursuyvans, et puis les heraulx des seigneurs du pays; tous heraulx et poursuyvans portans les coctes d'armes en la facon qu’ilz les devoient porter. Et apres les heraulx, venoient les chevaliers et escuyers francois de sa compaignie, tous vestus pareilz, et apres eulx venoient les rois d'armes et heraulx du roy, per à per à ceulx de France et à leur basse main. Et apres les heraulx, venoient ses trompettes et clarons, et puis ceulx du roy. Et apres les trompettes du roy, venoit le conte de Prades qui, sur un tres puissant coursier, portoit sa hache devant. Et, aux deux costez du conte, alloient don Bernard de Cardonne et don Federich de Lune. Et apres eulx venoit Saintré, tout desarmé, excepté de ses avans bras, de son harnoiïs de jambes et de ses solleretz, sur son tres bel et puissant destrier qui, sur son chief, portoit ung tres bel chappel, où estoient trois belles plumes, en facon d'ostrusse, faictes de tres riches broderies, vernées [ornées] de petits dyamans, rubis ballais et aultres piereries, naissans d’un$g tres bel et riche afficquet [ornement|, où estoit ung tres gros dyamant environné de trois gros ballais et de trois tres grosses perles. Luy et son destrier houssés d'ung satin cramoysi, tous couverts de branlans d'argent, esmaillez de blanc à trois lambeaulx de fin or, qui estoient ses armes ; et en sa dextre main portoit sa banerolle, où nostre Dame et son enffant estoient, de
AN THOINE DE LA SALE
laquelle de pas en pas il se seignoit. Et apres luy, venoient té b
ses paiges montés sur beaulx destriers couvers de riches paremens. Et apres eulx, venoient, per à per, ledit messire Arnault de Pareilles et messire Francois de Moncade ; etapres tous les chevaliers et escuyers que le roy y avoit envoyez, pour le convoyer, Et en cest estat il vint en sa tente descendre, qui assez pres des portes des lices estoit vers son cousté. Et illecques fut armé de toutes ses armes, excepté du chief. Et quant messire Enguerrant fut semblablement venu, en sa tente descendit. Lors le roy commanda à son roy
d'armes faire appel; alors Saintré, acompaigné de ses sei- : gneurs et aultres, ses conseilliers, vint à la porte des lices, tout à pié; et illecques estoit le mareschal du roy, qui lui demanda qui il estoit, et qu'il venoit là faire ? Auquel humblement en soubzriant il respondit : Monseigneur le mares-
chal, je suis Jehan de Saintré, venu au jour et heure qué le tres excellent prince, le roy €Cy present, comme vray quée competant de monseisgneur mon frere, messire Enguerrant de
Servillon, et de moy, ainsi qu'il nous a ordonné pour à pié
parfaire les armes de mon emprise, ainsi que mes lectres le contiennent. Alors, ouyes ces parolles, le mareschal va au roy faire Son raport ; lors le roy commanda luy faire ouvrir la porte des lices, pour soy retraire en son pavillon. Et quant les portes furent ouvertes, Saintré désmarcha pour entrer dedans ; et dé sa bannerolle fist ung tres grant signe de la croix, puis la baissa, ef en son pavillon entra. Et messire Enguerrant, pour abregier, en ceste propre facon entra ; mais quant tous deux furent en leurs pavillons, ne tarda gueres que le mareschal, accompaigné des quatre gardes, l'ung apres l'autre, vint; et premier à Saintré commenca ; et, armé de toutes ses armes, apres luy ses ordonnés conseillers, le mena et presenta au roy, qui en son hourt estoit, Dont en allant,
passa devant le hourt où la royne et les aultres dames estoient, lors faisant sa reverence, Saintré sur son genouil
s'enclina ; lors veissez dames à joinctes mains prier Dieu qu'il le gardast de meschief [mauvaise aventure]. Et devant le roy s'en va, auquel semblablement fist reverence à genoulx ; et
illecques tant fut que incontinent vint messire Enguerrant.
Lors Saintré envers luy fort s'enclina, ce qui n'estoit point de coustume, puis luy dist : Monseigneur mon frere, sans prejudice de nully, je prie à Dieu qu'il vous doiïint bien et
honneur. Et à vous aussi, mon frere, dist meéssire Enguer-
JEHAN DE SAINTRE
rant. Lors tous deux devant le roy se misrent à genoulx; alors le roy commanda à son mareschal prendre les sermens telz que en ce cas appartient. Lors le mareschal les fist jurer sur les sainctes Evangilles, que sur la foy qu'ilz tenoient de Dieu, sur leurs vies et sur leurs honneurs, i1z ne portoient, ne savoient porter chose sur eulx, ne entendant porter, comme briefves parolles, charmes, herbes, conjuracions, ne aultres diabolicques operations de mal engin ; pour quoy l'ung contre l'autre ne puissent offendre ne deffendre, et sans nulles haynes, ne envyes, ou mal tallent, fort seulement pour acquerir honneur et bonne renommée, et les tres desirées graces de leurs dames. Lesqüelz sermens faicts, chascun se leva, puis va en son pavillon ; mais au lever que Saintré fist, sur son desmarcher, il se tourna, et au roi de rechief fist sa reverence, et semblablement à la royne et aux dames, comme il avoit ja fait. Et lors se retrahit en son pavillon, et aussi messire Enguerrant, pour leurs bassinetz [casques dé combat] faire cramponner {munir de crampons].
