CHAPITRE XLII

Comment l’ung contre l’autre desmarcherent, et combatirent tres vaillamment.

Et quant le mareschal eut fait son cry, l'ung contre l'autre desmarcherent si que ce sembloit deux lyons deschaïinez; mais au desmarchier que fist Saintré, il s'escria à haulte voix : À ma tres doulce dame, à qui je suis! Et lors commencerent lung sur l’aultre à ferir. Messire Enguerrant, qui tres vaillant chevalier estoit, fort et puissant, et plus grande personne que Saintré n'estoit, haussa sa haiche, et le ferit tel coup au dessus de la charniere, que tout le fit chanceller; et Saintré l'actaint de l'estoc de sa hache au pertuis [à l’ouverture] de la visiere, qui le fist ung grant pas en arriere desmarcher. Lors messire Enguerrant rehaulsa sa hache, et de toute sa force dessend son coup, ainsi que premier avoit fait; mais Saintré, qui le premier coup avoit ja bien senti, se couwrit de sa hache, tellement qu'il ne fut point touché. Alors messire Enguerrant rehaussa sa hache pour ferir; mais Saintré, ay desmarcher qu'il fist, descharge et l'actaint du tranchant de sa hache sur les dois de sa main droicte, tellement que riens n'y vault la rondelle, que tous les dois ne luy froissast et endormist, Messire Enguerrant estant chault, non sentant le mescçhief qu'il avoit, cuyda hausser sa hache, mais, alors qu'il sentit sa dolleur, ne peut sa hache soubtenir, et, comme chevalier hardy et preux, tint fort sa hache en sa main senestre, ouvrant ses bras pour soy lyer avecques Saintré, Maïs quant Saintré aperceut sa voulenté, combien qu'il ne scavoit pas le meschief, pour paour d'estoc de sa hache, ferit souvent, et. ne laissoit approucher de luy. Et quant il se fut advisé, tout à coup luy donna tel coup sur la main senestre qui la hache tenoit, que du poing la lui fist cheoir à terre. Et quant messire Enguerrant se vit sans hache, comme desesperé, tout à, coup s’advanca et vint Saintré par le corps lyer ; et Saintré se deffent luy d’ung bras, car de l’aultre tenoit sa hache. Et quant le roy vit la hache de messire Enguerrant à terre, et leurs deux corps lyez, comme prince et juge droicturier, prestement gecta sa verge et dist : Ho! Ho! Alors par les gardes furent les champions despartis. Et à ces parolles le

| TFHAN DE SAINTRE

roy par le seneschal les fist devant luy venir, et puis leur fist dire : Vous, messire Enguerrant, et vous, Jehan de Saintré, le roy vous mande que tous deux avez si haultement et si vaillamment fait voz armes, voz devoirs et voz honneurs, que on ne pourroit mieulx. Selon le contenu de Ia lectre de voz armes, Jehan de Saintré, le seigneur roy qui cy est, dit qu'elles concluent combattre de voz haches, tant que l’ung soit porté par terre, ou sa hache perdue de ses deux mains, dont le comprins d'icelles, Jehan de Saintré, le seigneur roy vous adjuge le pris. Alors tous deux, qui à genoulx estoient, le roy commanda lever, et les faire de leurs bassinetz desarmer. Et quant Saintré entend le jugement et sentence du roy, tant humblement qu'il peut, l'en remercia, disant : Tres excellent et puissant prince, de l'honneur que il vous plaist moy faire, et de la sentence de noz armes, que pour moy vous adjugez, si tres humblement que scay et puis, vous en remercie ; mais au regard du pris que m'adjugez, si tres humblement vous supplie que sur ce vous plaise trop mieulx penser et bien adviser comment monseigneur mon frère, qui cy est, m'a de sa hache bien festoyé ; et ce que j'en ay fait, sire, n'a esté que d’adventure, dont y devez bien penser. Desquelles parolles dictes par Saintré furent tous les cueurs des escoutans esmerveillés, dont par ce les langues furent à tous et à toutes desliées pour le louer; et quelque amour qu'ilz eussent à messire Enguerrant, tenir ne se povoient qu'ilz ne dissent de Saïintré que vrayement il estoit bien la montjoye [le modèle] et l'addresse de tout honneur et d'humilité, Le roy en son hourt, et tous les seigneurs qui avecques luy estoient, en furent tous tres esmerveillez ; la royne, ma dame Alienor de Cardonne, femme dudit messire Enguerrant, et toutes les aultres princesses, contesses, baronnesses, dames et damoiselles qui au hourt de la royne estoient, se prindrent toutes à le tres grandement louer. Et messire Enguerrant, aux aultres qui entour luy estoient, ne se povoit tenir de dire : Or escoutez le tres noble parler de cestuy ; où est celluy, ne où fut oncques, qui d’ung tel honneur se voulsist desarmer en ceste maniere, pour le donner à sa partie contraire? Le roy, qui tant prenoit plaisir à oyr les louanges qu'on disoit de Saintré qui ne prenoit garde à luy et encores estoit à $senoulx, subitement luy commanda à lever, et puis luy dist : Jehan de Saintré, à ce que vous me requerez que je me advise, je vous respons que j'en suis tout advisé;

ANTHOINE DE LA SALE

et affin que chascun congnoisse que la grace et honneur que: Dieu vous à aujourd’hui donnée, je la vous vueil $arder. Alors le roy ordonna que messire Enguerrant courtoisement

luy rendist sa hache, et du surplus fist son devoir, quant seroit desarmé. Et lors messire Enguerrant se fist baïller sa hache, et de sa main blecée, au myeulx qu'il peut, à l'ayde de sa senestre, sa hache courtoisement luy rendit, disant : Mon frere, je vous rens vostre hache, et du surplus m'acquiteray, ainsi que en voz lectres d'armes est contenu, priant à Dieu et à monseigneur sainct George, que de bien en mieulx vous accroissent voz honneurs. Et quant Saintré entent.

l'ordonnance du roy et le sracieulx parler de messire Enguerrant, se fist bailler son bracelet, que l’ang de ses gens tenoit..

Lors, ayant receu sa hache, à messire Enguerrant S'enclina, nd et dist : Monseigneur mon frere, puis que le bon plaisir du. roy est tel, je luy vueil obeyr; mais vous, comme celluy qui.

l'avez bien desservi, je m’acquite et vous donne mon bracelet, en vous priant de tres bon cueur que le preniez en gré.

Messire Enguerrant et tous les aultres furent plus esmer-. ie

veillez que oncques n’avoient esté; messire Enguerrant luy. dist : Ha ! mon frere Jehan de Saintré, voz honneurs cesseront ilz jamais? De vostre bracelet et de l'honneur que vous me faictes, je vous remercie, tant comme je puis; mais à vostre tres belle dame vous le retournerez en verité. Et à ces parolles le roy demanda quelz prieres ilz faisoient? le mareschal luy dist : Sire, c'est Jehan de Saïntré qui, à toute force, veult donner à messire Enguerrant son bracelet, ainsi que s'il l'avoit gaigné, ou eust le pris. Le bracelet ? dist le roy. Lors se tourna vers les princes et aultres seigneurs qui avecques luy estoient, et leur dist : Et que dictes vous de l'honneur et vaillance d’ung si jeune escuyer ? Oncques tel ne veis. Et vrayement, dirent les aultres, sire, aussi ne veismes mous ; ef, à la vérité, bien semble qu'il est de noble lieu party, et qu'il a bien veu et aprins en la tres noble court où il a esté nourry ; et aussi le sont tous ceulx de sa compaigmie. | Et ces parolles finées, incontinent le roi ordonna que son bracelet voulsist sarder ; et quant Saintré entend le roy, à. genoulx luy dist : Ah! sire, pour Dieu mercy, au moins soyez content que en aultre part je l'employe. En aultre part, dist le roy, nous l'accordons; le bracelet est vostre, employez le là où il vous plaist; mais nous ne vouldrions que on dist que ce fust par nous, ne par nostre jugement, que l'eussiez

LE a cb LE OC A RSR PRE AP ALES D PR NN RC AAES “ RSAE Ê É PAR) Des” Y 4

donué. Sire, dist Saintré, vostre bonne mercy. Lors appella

le roy d'armes d'Arragon, Thouraine et Lesignen, les heraulx qui estoient avecques luy venuz, et au roy d'armes bailla le bracelet, puis tous trois les envoya à ma dame Alienor de Cardonne, femme de messire Enguerrant, qui ou hourt de la royne estoit, en disant : Recommandez moy tres humblement à elle, et comme à celle que par raison je doy penser et croire que sur toutes c'est celle qui myeulx a desservy [mérité] le bracelet ; laquelle je requiers et prie que, de par ma tres redoubtée dame qui le me donna, luy plaise le prendre en gré tres plaisant, que pour l'honneur et amour d'eile il n’est pas riche et tel comme à elle appartient. La royne, ma dame Alienor et les autres princesses et dames, qui avecques elles estoient, aussi le roy, qui en son hourt à dextre estoit, et tous les aultres seigneurs de sa compaignie, n'est point à escripre se tous furent esmerveillez, Lors ma dame Alienor au roy d'armes et heraulx respondit : Roy d'armes, et vous aultres heraulx, mes amys, ce tres gracieulx et vaillant escuyer de Saïntré je remercie; mais, sauve sa grace, je ne suis pas celle qui ay ce bracelet gaigné, ne desservy envers luy, comme il dict, maïs c'est bien à celle par qui il a ce jour tant de grace et honneur acquis, et pour ce luy reporterez, et Iuy direz qu'il me soit pardonné. La royne, comme tres saige et advisée dame, quant elle entendit celle parole, luy dist : Et vrayement, Beile Cousine, vous ne debvez pas cest honneur refuser, et d'ung si tres accompli gentil homme comme cestui est; si vous prie et requiers que le preniez, Lors ma dame Alienor fist le vouloir de la royne; et en son bras senestre la royne voult estre celle qui au bras lui mist. Et quant ledit bracelet fut ou bras de ma dame Alienor mis, lors elle, du pendant de son collier ung tres bel et riche affiquet print, d'une tres fine et grosse perle de quatre à cinq caratz, environnée de trois tres gros dyamans et de trois tres beaulx rubis, que au roy d'armes elle bailla, puis luy dist : Vous, et vous heraulx qui estes cy, donrez vous ceste petite bague à ce tres gracieulx escuyer Jean de Saintré, en moy recommandant à luy de tres bon cueur ; et luy direz que jacoit ce que son bracelet appartenoit trop plus et myeulx à sa tres belle et tres bonne dame qu'a moy, toutes fois à sa requeste je l’ay prins; et qu’il me semble que sa tres belle dame aucunement se doit sentir de l'honneur qu'il a ce jour acquis; et pour ce vous prie que de par moy ce petit afficquet vous luy bailliez, luy priant

ANTHOINE DE LA SALE

que, en moy bien recommandant à elle, le luy vueille presenter.

Lesquelles parolles dictes, et bagues prinses et données, quant le roy le sceust, il en fut tres content; lors commanda que tous deux fussent desarmez. Lors chascun de son costé s’en retourna pour monter à cheval ; et quant Saintré fut à cheval monté, incontinent se trahit vers messire Enguerrant, qui pour la dolleur de sa main se faisoit aucun peu habiller; et quant il aperceut Saintré, lui dist : Ha! frere, vostre dame vous a elle commandé que telz picaudes [piqüres] festoyez ceulx qui se jouent avecques vous? Et quant ilz furent montez à cheval, lors fut la grant priere entr'eulx, qui pour l'honneur l’un£g de l’autre sauldroït le derrennier, Le roy, qui entendoit que l'honneur fust à Saintré, incontinent manda que tous deux saillissent per à per; mais pour ce que Saintré avoit le pris, voult qu'il allast à la dextre main, Et puis chascun, comme il estoit venu, alla en son logeis ; mais au departir furent les grans prieres, car chascun veut accompaigner son compaignon. Et quant le roy vit leurs prieres, de rechief

leur envoya dire que ces grans honneurs laissassent, c'est

assavoir que chascun print son chemin. Lors prindrent congié l’un£ de l’autre, et s’en allerent en leur logis desarmer et reposer tout le jour jusques à l'heure du soupper, que la royne les envoya querir. Dont, pour abreger, là furent de bons vins et viandes, de metz et d'entremetz, tres largement serviz ; puis de chancons, de danses et de morisques [danses moresques] de plusieurs façons, moult joyeusement festoyez. Et à tant laisseray cy à parler des grans honneurs, des disners et des soupers que le roy, la royne, les aultres seigneurs et dames, donnerent à Saintré, et Saintré à eulx, et diray du congié qu'il print, et des dons qui des ungs aux aultres furent faictz.