CHAPITRE XLIII
Comment Saintré print congié du roy, de la royne, et de tous ceulx de la court, et des dons qui se firent.
Apres que Saintré eust ses armes faites, par la facon que avez oy, il demoura deux jours à Barselonne, festoiant et faisant bonne chere. Et au quatriesme jour il print congié du
roy et de la royne, des seigneurs, des dames et damoyselles de la court, aussy des aultres princes, princesses et aultres dames du pays, là venues pour ces armes veoir, dont l'en tenoit assez plus de compte que Ten ne fait aujourd'hui ; et vouldrent le roy et la royne que, à ce congié, la coustume du pays fust rompue, en tant que touchoït les personnes de Saintré, des chevaliers et escuyers de sa compaignie; c'est assavoir que tous fussent des dames baisiés. Et premier la royne voult commencer, qui baisa Saintré et puis les chevaliers et escuyers de sa compaiguie ; et ainsi firent toutes les dames et damoiselles, ce que par la coustume du pays oncques n’avoient faict, ne depuis ne firent, sinon par grant especialité d'amys. Auquel congié prendre, helas! amours, qui jà avoit, d’ung costé et de l’autre, aucunes de ces tres doulces ardans estincelles leurs piteux cueurs alumez, qui à ce tres dur departir, tenir ne se peurent que l’'eaue de leurs tres dolans ceurs ne saillit par les yeux aval leur face, quelques faintifs |trompeurs] semblant de ris que ils feissent. Et apres son congié prins et son bagaige party, fist au roy presenter le plus bel et le plus puissant de ses quatre destriers, couvert du plus riche parement qu'il eust, et un£g tres bel et gent paige, son nepveu, moult gentement habillé, dessus, Et d'aultre part à la royne fist presenter cent aulnes de la plus belle toille d’atour, et aultres cent aulnes de la plus fine toille de Reins qu'il avoit peu finer à Paris, et unes tres belles heures garnies de fines pierres et de fin or; et semblablement à toutes les dames et damoiselles de la court fist presenter aultres deux cents aulnes desdictes toilles que à la royne avoit faict presenter ; à la chambre du roy et de la royne, et aux aultres officiers par moitie cent escuz; aux roys d'armes et heraulx d’'Arragon et estrangers, excepté les siens, aultres cent escuz ; aux trompettes et tous menestriers, cinquante escuz ; à ma dame Alienor, une tres belle et blanche hacquenée, sellée et couverte d’ung tres riche drap de veloux velouté, cramoisy, broché à grans ouvraiges de fin or, tous frangez d'or et camponnez de soye à ses couleurs ; à messire Enguerrant envoya ung aultre de ses meilleurs destriers, sellé et couvert de l'ung de ses aultres plus riches paremens, avecques une tres belle espée garnye de fin or ; et à chascun des aultres seigneurs, ses conseillers, envoya ung aultre coursier tres bel. Le roy luy envoya ung tres bel et puissant coursier puillois [de Pouille] et deux beaulx genetz de l'Andelosie,
ANTHOINE DE LA SALE
une tres belle coupe et son aiguiere d’or, trente mars de tasses bien dorées et cinquante mars de vaisselle de cuysine bien belle; et à ses trois chevaliers, chascun une piece de veloux cramoisy, et aux neuf escuyers trois pieces de damas cramoisy : à ses heraulx, trompettes et menestriers deux cents florins d'Arragon, et au surplus cent florins. La royne luy envoya ung tres riche drap de veloux en pourpre cramoisy et broché d'argent, comme à l'escuyer, deux pieces de fin damas, l’une cramoysi et l'autre noir, et aux trois chevaliers de sa compaignie à chascun sa piece de satin plain et bleu. Ma dame Alienor luy envoya une tres belle chaisne de quatre mars d'or. Messire Enguerrant luy envoya ung tres bel
coursier d’Espaigne et un£g tres bel genet de l'Andelosie, ét sur chascun un paige more tres bien habillez à la morisque,
. et une piece de damas cramoysi, broché d'argent, Le conte de
Cardonne luy envoya cinquante mars de vaisselle d'argent, Don Federich de Lune luy envoya douze tres belles et grosses arbalestres d'acier et douze brigandines [armures du torse} dont les quatre estoient couvertes de veloux plain, brochées et garnies d'or, les aultres quatre de veloux bleu, et les : aultres de diverses couleurs de damas, $arnies d'argent doré: ” Messire Arnault de Pareilles luy envoya uñng more noir, tres richement habillé, sur un£g tres bel et puissant senet, armé et - habillé tout à la morisque ; et messire Francois de Moncade deux tres biaulx harnoys tous completz, l'ung d'armes et l'aultre de joustes, tres richement garnis, et une tres belle espée garnie d'or, toute esmaillée de blanc, et encores ung$ turcq, sa femme et ses enfans, tres grands, en forme d'imayge, ouvrez tres richement de fil. d'or et de soye, que Saintré depuis donna à la royne, qui tres grant joye en fist, Des aultres dames et damoyselles de ia court, n'y eut celle qui ne luy donnast chemises brodées d'or et de soye, arcandolles [sortes de chemises], bourses et sants brodés tout à la facon du pays, mistes [élégants] oyselletz de Chippre et tant d’aultres odorifiques odeurs que tres longue chose seroit à voloir tout reciter ; tant estoit le regard d'elles à luy et aux siens que à paine poroit on plus. Que vous dirois je? Ce fut le gentil homme et aussi ses compaignons que, par avant ne apres, je aye leu, ne veu, ne ouy dire qui a si grant grace et louange de tous en soi jamais parti,
AO A Le RL BUT Met
