CHAPITRE XLIIII

Comment Saintré, accompaigné de tous les seigneurs, se part de Barseione pour retourner en France.

Et quant Saintré fut prest pour monter à cheval, print congié de son hoste et de plusieurs aultres, Là furent les contes de Prade, de Cardonne, d'Orgel et les aultres seigneurs que j'ay dit, et moult d'autres chevaliers et escuyers jusqu’au nombre de mille à douze cens chevaulx, pour le convoyer, Et en oultre, le roy le fist tout deffrayer tant que son royaulme dura, par ung maistre d’hostel et clerc de chambre aux demiers. Et à tant laisserai cy à parler des grans honneurs qui furent faicts à Saintré, et des offres et des congiez prins, et parleray de sa venue devers le roy, des veuz et des voyages pour luy que ma dame fist,