CHAPITRE XLV

Comment Saintré et ses compaignons viennent, et de la bonne chere que le roy, la royne et aultres leurs firent.

Quant Saintré fut en son logis, le soir qu'il fut party de Barselonne, pour plus honnestement faire scavoir à ma dame le contenu de ses lectres et de ses armes, son retour et son faict, se advisa que se il envoyoit au roy aulcuns de ses heraulx, que on poroit penser que ce seroit en soy glorifiant de sa bonne nouvelle, dont aucunes foiz des g$ens en poroit estre reprins; et, pour ce, se pensa qu'il le diroit à messire Pierre de Preuilly, auquel moult se fioit, Lequel luy dist que. vrayement plus honneste seroit de le faire par ung aultre, et non par nulz de ses heraulx, jacoit ce que ce feust leur office ; et encores que à roy, ne à royne, ne à quelconcques aultres, il ne escripvist ; mais se vous voullez que j'envoye Guillaume,

» mon nepveu, au nom de moy, ce sera le meilleur ; et escripray - au roy, à la royne et aux dames, l'honneur qu'avez eu ; et … aussi Guillaume, qui est assez bien entendant, contera bien ; (113) Ah

E Les MSC LA se 3

ANTHOINE DE LA SALE

tout, et je l'en informeray à la verité. Et ainsi fut fait. Et quant le roy, la royne, especiallement ma dame et les aultres de la court le sceurent, la joye fut tout par tout, que il fut plusieurs jours qu’à paine parloit on d’aultre chose. Tres desirans de son retour, ma dame qui depuis son partement à paine cessoit elle que nuyct et jour ne fust en prieres et oraisons, faisant tous les vendredis et sabmedis son promis veu de non porter sur sa chair nue aucun linge jusques à sa venue, comme dist est ; mais quant elle sceut puis’la nouvelle que, à la court du roy d'Arragon, il seroit delivré par uns chevalier qui avoit l'octroy [la permission] du roy, acreut son veu que tous les mercredis feroit dire messes, et aulmosnes donner jusques à la despense de dix escuz, en oultre plus, de faire pellerinages secrettement par la ville. Adonc elle se penoit moult souvent, et en especial aux termes qu’elle savoit des armes; dont endementiers qu'elle estoit en prieres, Guillaume de Preuilly, par messire Pierre, son oncle, envoyé à la court, apporta la nouvelle telle que j'ay dit. Et quant ma dame sceut celle tres desirée nouvelle que Ysabel tout en courant luy apporta, lors ma dame, de ce bien acertainée [assurée], incontinent, en son cueur, levant les yeux au ciel, noStre Seigneur remercya ; puis s’en alla en sa chambre, et la a nudz genoulx et mains jointes, à part soy, nostre Seigneur remercya. Que vous dirois je ? Tant estoit sa grant joye d'un costé, que à peine tenoit sa contenance ; et, de l’autre costé, le desir de le veoir si grant, que, jour et nuyct, reposer ne povoit, et tel que à peu n'’effaçoit le plaisir que de son bien y avoit. Et à tant laisseray cy à parler de la grant joye qu'elle avoit convertie en tres dures douleurs, par l'ardant desir de le veoir ; et diray de sa venue devers le roy, et du grant honneur et bonnes cheres qui kuy furent faictes,.