CHAPITRE XLVI
Comment Saintré par ses journées est venu devers le roy ; l'honneur et les bonnes cheres qui luy furent faictes, et le cueur de ma dame guery.
Et quant Saintré et sa compaignie eurent tant chevauchié, Jar leurs journées, qu'ilz furent à deux lieues de Paris, ilz rouverent maintz barons, chevaliers, escuyers, bourgeois et aultres de la ville de Paris, tous venus à l'encontre pour l'honnourer et aconvoyer, tant estoit amé et bien volu de tous. Lors fut la joye des ungs aux aultres telle que c’estoit ung plaisir de les veoir. Et quant il eut au roy et à la royne faictes ses reverences, qui tres grant joye luy firent, lors va a ma dame, qui de joye avoit tant que à paine savoit soy maintenir ; et combien que, comme saise dame qu'elle estoit, sa tres entiere joye elle celloit. Puis va aux aultres, qui tres grant joye luy firent, lesquelles aiant toutes baisiées, lors pour sa venue la royne commanda à dancer. Et endementiers que les dances estoient, ma dame, qui avecques la royne estoit, luy dist : Hé ! ma dame, vous avez oy que Saintré en Arragon a assez dancé, aussi est il las, pour ce faictes le appeller, et le faictes seoir cy en bas avecques nous, et luy demandez des estatz et des facons des dames d’Arragon. Et en verité, dist la royne, ma Bèlle Cousine, vous dictes bien. Lors la royne fist Saintré appeller, et encores trois aultres dames, lors dist à Saintré : Saintré, mon amy, nous voulons que vous reposez, Puis dist aux aultres trois dames : Seez vous toutes, et la plus courtoyse le servira de la queue de sa robe. Ma dame, pour le veoir plus clerement vis à vis, ne voult pas estre la plus courtoise, ains fist le sourt. Lors la royne premier arraisonna Saintré de sa venue à la court d'Arragon, de la chiere que le roy et la royne, les seigneurs, et especiallement les dames luy firent; puis demande de ses armes, tant à cheval comme à pié, des beaultez, des maintiens et des habillemens des dames. Desquelles choses premier Saintré touchant ses armes en passa bien legierement, comme il devoit, et de ce qu'il en dist, fut plus à l'honneur de messire Enguerrant que au sien ; mais du surplus, loua les dames en toutes facons grandement, et aussi fist le roy et tous les
ANTHOINE DE LA SALE
seigneurs, dont trop louer ne s'en povoit. Et à tant laisseray fus cy à parler des louenges et honnours dont il fut interrogué par la royne et les dames, et diray de la tres parfaicte joye et bonne chiere que ma dame luy fit,et comment elle one soit ses yeux, de fois à aultre, quant elle osoit.
L'aAcTEuUR. — Ma dame, endementiers que ainsy aéviaient, comme se rien n'y pensast, regardoit à dextre et à senestre, puis ca, puis là, et puis tout à coup son tres doulx regard flechissoit sur luy; et en ce faisant elle print de son atour une espingle, puis commença à purger ses dens, ainsi que son signal estoit. Et quant Saintré apperceust de ma dame son signal, incontinent luy respondit en frotant ung peu son ueil droit ; et ainsi, à tres joyeuse destresse de leurs cueurs, passerént ce tres long et ennuyeulx jour, et jusques à la nuyt et heure entr'eulx ordonnée, qu'ilz se trouverent au jardin ; et lors commencerent l'ung à l'autre festoyer, où furent mains. baisiers donnez, et mains rendus. Là furent leurs joyes, la furent leurs desirs conjoints, et leurs cueurs et maulx gueriz ; auxquels delitz ilz furent depuis unze heures jusques à deux heures apres minuit, que force leur fut l'ung de l’autre departir. Et à tant laisseray cy à parler de leurs parfaictes joyes, et diray de l'avancement de Saintré, et de là compaignie du premier dit Bouciquault.
