CHAPITRE XLVII
Cy parle comment Saintré fut chambellant du roy, et des akances de lui et de j'escuyer dit Bouciquault.
Le roy, qui jà tant aymoit Saïntré, ainsi que avez ouy, l'honneur de luy peu à peu creut tant en peu de temps quil. l'ordonna à dormir dans sa chambre, et puis son premier chambellant. Saïntré, qui bien avoit retenu les doctrines de ma dame, quant elle, en son enfance, l'adrecoïit à estre vertueux et bien moriginé, recordant le dit de Albertus, À sd disoit :
Non tua claudatur ad vocem pauperis auris.
Et encores du tres bel vers que Aristote dit ainsi :
LS
AT D MN fn 0e CL PE 0 tte NP NME PEN EN RCE TERESA EU ET © EL ME A Vnee AN ANT SRE EE ANA Ab VE GR A ARE AE g Lu
Vir bone, quam curas res viles et perituras, Nil profituras, dampno quandoque futuras.
Nemo diu mansit in crimine, sed cito transit, Et brevis, atque levis in mundo gloria queris.
Et plusieurs aultres enseignemens touchant ceulx qui sont eslevez es haulx estas. Et, pour ce, oncques pour estat qu'il eust du roy, oncques son cueur ne s’en orgueillit, ne ses maintiens n'en furent plus grans ; ains à ung chascun plus doulx et amyable et plus courtois se monstroit tous les jours. Et en celuy temps estoit en la court ung tres jeune escuyer, très gracieulx, de la duchié de Thouraine, qui par esbastement fut nommé Bouciquault, grant pere des Bouciquaulx qui sont aujourd'hui ; tres saise, subtil, et estoit celluy tres advenant escuyer, qui assez avant en la grace du roy estoit. Celuy Bouciquault voyant Saintré qui si tant en la grace du roy estoit. et plus que les aultres, s’en acointa. Saintré qui jeune estoit, le voyant si homme de bien, aussy pour l'Amour du pais tres voulentiers s'en acointa ; et tellement se accompaignerent et aymerent, que deux freres ne sceussent mieulx se plus entre aymer. Pour laquelle amour d’eulx, le roy, qui ja bien aymoit Bouciquault, fut content et ordonna qu'il couchast avec Saintré en la couchette, c’est assavoir .quant il ne couchoit avecques la royne. Que vous dirois je? Ces deux escuyers
se aymerent tant que oncques deux freres ne se aymerent
plus, et furent, l’ung et l’autre, sy loyaulx et sy certains (fidèles] que oncques une seulle faulte ne fut faicte entr'eulx. Et quant l’ung d’eulx alloit hors pour ses affaires, ou pour emprises, ou voyages d'armes, comme ilz faisoient souvent, l'ung à l’autre gardoit la place, tellement que nul n'y peust entrer. Et jacoit ce que Bouciquault fust puis tres vaillant chevalier, oultre plus estoit il soubtil et attrempé [modéré] plus que Saintré n'estoit ; mais au faict des armes, Saintré estoit tenu le plus vaillant. Et, pour ce, les heraulx et roys d'armes en firent un commun proverbe en disant :
Quant vient à ung assault,
Mieulx vault Saintré que Bouciquauit ; Mais quant vient à un traité,
Mieulx vault Bouciquault que Saintré.
C'est assavoir : l'ung pour les armes, l’aultre pour le con-
Seil. Dont par ainsy tant qu'ilz vesquirent ensemble, leur
amour et estat dura. Et à tant laisseray cy à parler d'eulx,
et diray des aultres nouvelles armes que ledit Saintré fist à
l'encontre du Seigneur de Loisselench, baron de Poullaine
[Pologne], qui porte d'argent à ung beuf rampant de gueulles
[rouge], cornes et ongles de sable [noirs]; lesquelles armes
farent à Paris devant le roy et la royne, ma dame et aultres Le et dames sans nombre. |
