CHAPITRE LIII
Comment le seigneur de Loysselench soupa avec ja royne.
Le roy et la royne, quant ilz furent descenduz en leur hostel de Saint Pol, lors le roy ordonna que la royne fist, par ses maistres d'hostel, prier le seigneur de Loysselench en sa compaigsnie venir au soupper, et voult que Saintré y fust aussi, Et quant l'eure du soupper fut venue, lors Saintré, bien accompaigné, les alla querir; et quant ïilz furent venuz à la royne, en devisant avecques les dames, le maistre d’hostel vint pour les faire soupper. Lors la royne print en sa main dextre le seigneur de Loysselench et le fist seoir, et puis dist à Saintré : Saintré, puisqu'il est aujourd’huy l’ung des jours de voz festes, je vueil estre entre vous deux. Et à tres $rans excuses, honneurs et reverences, force luy fut d'obeyr. Ma dame, qui tant estoit joieuse du grant honneur de son amy, luy dist : Saintré, beau sire, Dieu vous accroisse voz honneurs. Ma dame, dit il, vous voyez que c'est du monde, et que c'est du commandement de la royne, et non point que je l’'aye desservy ; et se aucune chose ya esté par moy faicte, c'est par celle que Dieu me doint bien servir. Alors la royne demanda le seigneur de Morg, pour ce que il parloit françois, et le fist seoir vis à vis du seigneur Loysselench, affin de mieulx deviser à Iuy. Les autres barons, chevaliers et escuyers poullains fist elle seoir entre les aultres dames et damoiselles, qui tres grans honneurs et festes leurs firent. De vins et de viandes de diverses facons, ne fault point escripre, ne demander ; et quant les tables, pour abreger, furent levées, les menestriers son-
ANTHOINE DE LA SALE
nerent pour dancer. Le roy, avecques messeigneurs ses freres et aultres du sang royal, ne tarda gueres qu'ilz vindrent. Adonc, apres les dances et maintes chansons dictes, pour Île traveil et blessure du seigneur de Eoysselench, le roy manda le vin et les espices; et, apres ce, tous prindrent confié. Lors Saintré, avecques tres belle et grande compaignie, fut ledict seigneur de Loysselench convoier ; et au departir qu'il fist, le pria et toute sa compaignie pour le lendemain au disner. Que vous dirois je? À ce disner furent seigneurs, dames, damoiselles, chevaliers et gens d'estat, que de si long temps un£ tel disner n'’avoit esté faict ; dont, pour abreger, les tables ostées, les menestriers commencerent pour dancer. Lors firent basses dances, chansons, morisques tres riches, et aultres joyeusetés; car c’estoit le jour qu'il
n'estoit mie memoire que si belle et joyeuse feste eust esté.
faicte, ne sy bien ordonnée. Mais pour la paine que le seigneur de Loysselench portoit de sa main, convint la feste assez plus tost abreger; et lors tous et toutes, l’ung de l’aultre, prindrent congié,
L'ACTEUR. — Le cinquiesme jour apres, le seigneur Loys-
selench, qui fut aucunement plus amandé, pria Saintré, et
aucuns seigneurs et dames, pour le lendemain disner, à la facon de Poullaine, avecques luy. De vins, de viandes de merveilleuses facons, selon leurs coustumes, furent tres srandement servis; dont au lever des tables furent les dances et maintes chansons dictes; et puis, après le tres remply bancquet où fut faicte bonne chiere, et au departir des tables, le seigneur de Loysselench, portant ung grand bassin d'argent où avoit mains rubys et dyamans lyez en or, tous meslez ensemble, que au long des tables n'y avoit dame ne damoiselle qui ne print le sien : et ce fait, tous prindrent congié, les ungs des autres, et à Dieu pour celle nuyct. \
