LE COMMENCEMENT DU PAS
Le dimenche premier jour du moys et ouverture du pas, arriva ledit seigneur et conte de Boucaingham, le matin apres la messe, en tres grande et belle compaignie, qui fist sur le hault pignon de son logis mectre sa baniere qui portoit d'Angleterre à une bordure d'argent, et crioit : Angleterre, Sainct George.
L’'ACTEUR. — Et quant l'heure fut venue de commencer le
JEHAN DE SAINTRE
pas, leurs deux juges, roys d'armes de Champaigne et Jartierre, accompaignés de tous leurs heraulx, furent montés sur leur hourt, pour mieulx juger, lors commenca la jouxte, qui fut forte, fiere et tres honnourable pour tous deux; mais non pourtant que ledit conte, à la derniere cource, fut aulcun [quelque peu] blessé en sa main droicte. Pour avoir sa lance mieux rompu, il $gaingna le dyamant.
Le deuxiesme jour vint le conte Mareschal, qui aussi fist mectre sa bannierre sur le pignon, en tres grant estat, qui portoit d'Angleterre, à trois lambeaulx d'argent, et crioit : Angleterre, Sainct George. Lequel fist tres honnestement ; mais pour les lances bien rompre, Saintré gaigna le dyamant.
Le troysiesme jour vint le seigneur de Gobehen, en moult bel estat, qui portoit de gueulles à ung chevron d'or, à trois lyons de sable sur le chevron, et cryoit : Sainct George, Gobehen. Et fist mectre sa banniere sur le pignon ; mais de la septiesme course, luy et son destrier furent portés par terre; dont par ainsi il paya le rubis.
Le premier jour de la seconde sepmaine, vint le seigneur Dangorde, en tres bel estat, qui fist mectre sa banniere, comme les aultres, qui estoit d'ermines à chevrons de gueulles, et dessus trois besans [disques] d'or, et cryoit : Sainct George, Dangorde. Lequel gaigna le dyamant.
Le deuxiesme jour de la seconde sepmaine, vint, en tres bel estat, le conte de Warvich, qui ainsi fist mectre sa banniere, qui estoit de gueulles à une faisse [fasce| d'or à croisettes de mesmes, et cryoit : Sainct George, Warvich. Qui perdit le dyamant.
Le troisiesme jour d'’icelle sepmaine, vint, en moult bel estat, le seigneur de Clisfort, qui aussi fist mectre sa bauniere, qui estoit chiquetée [divisée en carrés comme un échiquier] d'or et d'azur à une bordure d'armines, et cryoit : Sainct George, Clisfort. Et perdit le dyamant.
Le premier jour de la troisiesme sepmaine, vint le conte de Hostindon, en tres bel estat, qui ainsi fist mectre sa banniere, qui estoit d'azur, semée de croisettes d'or recroisetées aux longs piés, au chief d'or, et cryoit : Sainct George, Hostindon. Et perdit le ruby.
Le deuxiesme jour d'icelle sepmaine, vint, en bel estat, le conte d'Arondel, qui fist aussi mectre sa banniere, qui estoit de gsueulles au lyon langué [tirant la langue] et armé d'argent, et cryoit : Sainct George, Arondel. Et perdit le ruby.
ANTHOINE DE LA SALE
Le troysiesme jour ensuyvant, vint, en tres bel arroy, le seigneur de Beauchamp, qui ainsi fist mectre sa banniere qui estoit de gueulles à une faisse d'or, et Céyoit:: Sainct George, Beauchamp. Et perdit le dyamant.
Le premier jour de la derniere sepmaine, vint, en tres bel et gsrant estat, le conte de Norfort, qui semblablement fist mectre sa banniere qui estoit party en pal [pièce verticale] d'or et de sinople, à ung lyon de gueulles, à une fasse d’or sur le tout armé d'argent, et cryoit : Sainct George, Norfort. Et gaigna le dyamant. |
Le deuxiesme jour de la derniere sepmaine, vint, en tres bel et moult grant estat, le seigneur de Brues, qui ainsi fist mectre sa banniere qui estoit de gueulles au lyon d'or à queue forchée [double] et cryoïit : Sainct George à Brues. Qui perdit le ruby,
Le troysiesme et dernier jour du pas, vint, en tres granit. estat, le comte de Cambruges, qui fist sa tres riche baniere, qui estoit d'Angleterre à trois lambeaulx couponntz d'argent et de gueulles, mectre comme les aultres, et cryoit : Angle terre, Sainct George. Et gaigna le ruby.
L'ACTEuR, — De laquelle jouste entre les juges fut grant difficulté, car les lances furent si bien rompues, quiiz ne scavoient du meilleur. Si furent une fois deliberés que chascun se partist sans prix; toutesfois iiz conclurent à la fin que nul ne perdist son droit ne sa peine, et ordonnerent que, se perte y avoit, l’ung le payast à l’aultre, et que le conte commencast, car Saintré avoit rompu le premier. Et par ainsy Saintré perdit trois dyamans et en gaigna huyt qui sont unze, et le douziesme perdu et gaigné,
L'ACTEUuR ENCORES. — Lesquelles armes et coups qui y furent faifz, je me passe, car trop longue chose serait à escripre, fors que tous firent tres bien et mieulx les ungs que les aultres, et, Dieu mercy ! sans aulcune mort et gsrant effusion de sang ; dont, au departir les ungs des aultres, firent tant d'honneurs et de reverences que s’ilz estoient freres ; et n'y eut celluy qui ne donnast à l’aultre, oultre le pris gaigné, dons, bagues, draps d’or et de soie, chambres de tapisserie, coursiers, hacquenées, vaisselle d'or et d'argent, et maintes aultres choses ; dont par ainsi les uns des aultres tres contens se departirent. Et donna Saintré à soupper à eulx tous, apres que les armes furent faictes, et au departir donna à Jartiere la premiere houssure de son destrier, qui estoit de
cr
cramoysy chargé d'orphaverie à grans bors de martres sebelines, et deux cens frans à cheval [sorte de monnaie françase] ; et aux aultres heraulx donna leurs dicts logis, leur . hourt, et cent francs aux trompettes, clarons et menestriers angloys ; donna à tous ensemble deux cens frans ; et au roy d'armes de Champaigne, l’ung de ses juges, donna sa derniere housseure de son destrier, qui estoit d’ung tres riche cramoysy de satin figuré en drap d'argent, tout fourré de martres sebelines, et trois cens frans ; et aux aultres heraulx et poursuyvans francois, donna son logis et deux cens frans; aux trompettes et menestriers de sa compaignie, qui grant nombre estoient, donna trois cens frans. Et n'y eut chevalier, escuyer, herault, ne aultre de sa compaignie, qui n'eust robbe de livrée, sans les aultres dons qu'il donna à parta certains chevaliers et escuyers qui accompaigné l'avoient ; qui eut bien souffiz à ung des haulx princes de la couronne. Et ainsi, les ungs des auitres, tres haultement contens de luy, se partirent.
L’aAcrEur. — Et quant Saintré fut retourné devers le roy, Dieu scet l’onneur et la hauite chiere qu'il lui fist, aussi la royne, et tous et toutes, pour abreger. Ma dame, comme dit est, ne fault point escripre ne parler, car chascun en soy le doit penser, tant à cause de l'amour que à luy avoit, que pour le grant bien que chascun en disoit. Et à tant laisseray cy à parler deces honneurs et des amours de ma dame et de Saintré, qui par ung aultre assault d'armes fut assailly.
we
