CHAPITRE LV
Comment messire Nicolle de Maltestes chevalier, et Galias de Mantua escuyer, vindrent faire arme à la court.
Le quinziesme jour apres ce que Saintré fut revenu, arriverent à Paris deux jeunes hommes nobles et vaillans des Italies, que nous disons Lombards ; l'ung chevalier et l’aultre escuyer, en tres belle compaignie, qui venoient de faire armes devant l'empereur au seigneur de Wallambergue, qui portoit d'ermines à ung escusson de gueulles, et au seigneur d'Estaindenbours, qui portoit à trois tourteaulx
ANTHOINE DE LA SALE
(disques de couleur] de gueulles. A cause de l'emprise que lesdiciz Lombars portoient, l'empereur voyant leur bataille si fiere et si bien combatue, à l'honneur des deux parties, commanda qu'ilz fussent prins. Et par ainsi leur partie, qui contenoit l’ung party ou l’aultre estre remis, demoura sur piés et en leur emprinse premiere,
L'ACTEUR. — Et quant ilz furent arrivés à Paris et logiés à l’hostel de l'Ours, à la porte Baudoier, uns des heraulx du roy congneut l’ung des deux, et sceut qui ilz estoient, et pourquoy ilz venoient ; incontinent le vint dire au roy, present la royne et ma dame. Lors ma dame fait querir hastivement Saintré, et au herault deffendre que à nulz plus ne publie ceste nouvelle. Et quant Saintré fut à elle, elle luy dist hastivement la venue de ces Lombars, venuz en grant estat pour faire armes, luy demanda se son cueur estoit assez souffisant pour estre l’ung des deux à accomplir leurs armes. Souffisant, dist-il, helas ! Ma dame, et qu'avez vous plu veu en moy que mon cueur vous samble estre moïns souffisant que les aultres fois ? Or sus, dist elle, pour abreger, avant que nulz autres expedient, me semble de bien tost requerir Bouciquault, vostre frere, et avant tous, s'il vouldroit estre le deuxiesme. Et quant Saintré ouyt de ma dame ceste tres plaisante nouvelle, sans faire semblant, tres humblement l'en remercia ; puis à Bouciquault s'en va, et luy dist: Frere, Dieu et nostre Dame avant, bonnes nouvelles vous apporte; ilz sont à present descenduz en l'hostel de l'Ours, à la porte Baudoier, les deux gentilz hommes lombars, en tres bel estat, portant emprinse d'armes, et sont venuz icy pour estre delivrés. Qu'en dictes vous ? les delivrerons nous ? Delivrer, dist Bouciquault, frere, vous et voz bonnes nouvelles, soyez le tres bien venu; mais tant comme je puis vous en requiers et prie, et pour estre les premiers, allons au roy hastivement requerir la grace, que le roy, à grant difficulté et priere, leur voulut consentir ; mais que premier ilz sceussent qui ilz estoient et quelle emprise ilz portoient. Alors ilz manderent le roy d'armes de Guyenne, saise et souffisant herault, pour soy informer bien du tout. Lequel rapporta qu'ilz estoient ung chevalier nommé messire Nicolle de Maltestes, moult noble et puissant baron de la marche d'Enchonne |Ancône]|; et l’aultre estoit ung escuyer lombart, moult noble homme, nommé Galias de Mantua, qui tous deux portoient aux coudes de leurs bras senestres une grant g$arde de bracellet
0, + JRHAN.DE SAINTRE
a'or et avironnés de fines perles ; lesquelz portoient par les cours des six roiaulmes chrestiens, car des Sarrazins fier ne s'y osoient, se premier ne trouvoient deux chevaliers ou escuyers de nom et d'armes, et sans reproche, comme ilz estoient, qui à pié les eussent combatuz de haches et d’espées, de corps Seulement, tant que l'ung partist ou l'aultre fust porté à terre, ou faict perdre leurs bastons.
De Galias de Mantua, je croy qu'il fut puis celluy, moult renommé chevalier, qui combatit à oultrance messire Jehan le Maingre, mareschal de France, devant le seigneur de Padua dernier, peu de tems avant que les Venissiens, par durée de tres long siege, l'eussent conquis, que puis en prison le firent mourir et estrangler ; dont fut tres grant dommaige, et fut moult plaint par toutes les Ytalies, comme le pere et l'ospital [le refuge] de tous les aultres desvoiés.
