CHAPITRE LVI
Comment Saintré et Bouciquault furent querir les deux champions, pour venir parler au roy de France, et jousterent contre eulx.
L’ACTEUR. — Doncques, pour revenir à mon propos, quant Saintré et Boussiquault sceurent la tres joyeuse nouvelle, comme cueurs tres amoureux et vaillans, au roy s'en vont hastivement luy dire au long la nouvelle, reconfortant leur tres desiré congié. Laquelle nouvelle et venue des Lombars, et le consentement du roy, fut incontinent par toute la court espandue ; dont chascun de vouloir plus requerir cessa. Aiors les deux freres, tres bien accompaignés, par semblant de les veoir et festoyer, d'eulx memes sceurent franchement leur emprinse, telle que dit est, Et quant l'heure fut venue, que le roy les voult veoir, Saintré et Boussiquault, à tres belle compaignie, les allerent querir ; ausquels le roy, la royne et tous les seigneurs firent tres bonne chiere. Que vous dirois-je ? Là devant, Saintré leva l'emprinse de messire Nicolle, et Bouciquault de Gallias. Et lors le roy donna le jour. Et quant le jour fut venu, et que le roy, la royne, les seigneurs, ma dame, et que tous furent sur les hours, et eulx venuz en leurs pavillons, des honneurs et triumphes je me
ANTHOINE DE LA SALE
passe, pour abreger ; le roy, qui, es aultres batailles, l'avoit je
sommé et requis de le faire chevalier, encores à ceste le ne
requist ; mais à toutes s’excusa, disant que jamais ne le seroit, se ce n'estoit soubz la baniere des Sarrazins, on encontre eulx. Et quaut ilz furent en leurs pavillons, et qu'ilz eurent fais leurs sermens, et puis leurs pavillons boutés hprs, et que le mareschal eut fait son esdit, tous quatre, qui assis estoient sur les escabelles viz à viz, alors se despartirent comme lyons deschaynés, et lors fut la bataille dure et fiere, qui dura moult longuement sans scavoir qui eust du meilleur, Dont en combatant, Saintré encontre messire Nicolle, par meschief à Saintré sa hache luy volla à terre, et n’est point à doubtér se ma dame et tout le party furent espouvantez. Lors, comme
escuyer pourveu d'advis et de hardement, sans perdre üung !
pié de terre, incontinent tira son espée, de laquelle à deux mains se va couvrant, et à chascune haulcée de la hache que messire Nicolle faisoit, Saintré s'’approchoïit, tant qu'il le desmarcha de son espée et qu'il le $ecta bien loing ; mais à
la parfin messire Nicolle, à cause du grant advantaigse qu'il
‘avoit de sa hache, s'avanca, ét vint enferrer d'un coup ‘ d'estoc la pointe de sa hache en un£g des pertuys de la visiere à Saintré, si que ung peu l'esbranla. Lors, voiant que sa pointe tenoît fort, par ardent desir de le desmarchier, babandonna cueur et corps, et avecques la force de ses bras
boute Saintré qui ferme et sur sa garde se tenoit, tellement
que, au demarcher, à costé du pié droit, qu'il fist, avecques le bouter de son espée tenue courte à ses deux mains, contre sa hache, le coup et desmarcher fut tout ung. Lors par la grant force de bouter, messire Nicolle tomba des deux mains à terre. Alors tout à coup Saintré haulsa son pié pour le ferir au costé et le faire renverser à terre ; mais, pour son honneur garder, s'en tint. Lors S'en va à l'ayde de son frere, qui ja. avoit gaigné sur Gallias plus d'une grant lance de terre ; et. endementiers que Saintré alloit, messire Nicolle fui levé, gti encores tenoit sa hache en l'une de ses mains, et part pour
courre sus à Saintré; mais le roy, qui là estoit, en son | desmarcher le fist prendre. Alors Gallias, qui à tous deux se combatoit, estant porté par terre, tres voulentiers se rendit. Et lors par ainsy leur emprinse d'armes, tres vaillament des deux costez, fut mîse à fin. Des honneurs, des dons et des bonnes chieres qui leur furent faictes, autant ou plus qu'a nulz aultres, pour abreger, je me passe d'en parler ; fors que
TD AE OR RE D PP RE rs 1 46
ME
La A AU — JEHAN DE SAINTRÉ
fant par tout ilz s'en louerent, eulx merveillans de tant
de noblesses, de richesses, et de $ens de bien qui tant estoient en celle court, que escripre ne dire ne se poroit. Et ainsi prindrent congié du roy, de la royne, et de tous les aultres seigneurs et aussi des dames, et s’en partirent, de Saintré, de Bouciquault et de plusieurs aultres tres bien accompaignés. Et cy laisseray à parler d'eulx et d'aultres choses qui à la court survindrent, pour deviser d'aultres matieres.
