CHAPITRE LVII
Comment Saintré jousta contre le baron de Tresto, et furent jugiez estre pareilz.
L’AcTEUR. — La nouvelle de ceste bataille fut en brief temps par tout sceue, et especialement à la court du roy d'Angleterre, par laquelle fut renouvellée la condicion du pas de Saïntré ; et tellement que le baron de Tresto, ayant
ouy dire que la lectre contenoit qu'apres le pas tenu, s’il
estoit chevalier ou escuyer de nom et d'armes, sans reproche, qui le vauisist requerir de faire aucunes armes, à cheval ou à pié, que devant le roy de France, son souverain seigneur, ou son commis, en gardant Dieu son corps de peril et loyal exoine, il accompliroit sa requeste, Lors il s'appensa que vrayement il le requerroit de quatre poinctes à combatre, corps à corps, jusques à oultrance, ou les quatre bastons perdus. Et ainsi fust donc, pour abreger, la bataille devant le roy, la royne, les seigneurs et ma dame, tres forte et fiere ; et tellement qu'en combatant, Saintré perdit sa hache, qui luy revint à ung grant bien ; maïs il print sa grant espée d'armes qui, à son costé dextre, pendoit à ung crochet, et de celle se combatoit et se couvroit tres vaillamment. Et, en combatant l'ung contre l'aultre, fortune voult que le baron de Tresto rencontrast 1a hache de Saintré gisant à terre, tellement que la poincte luy entra bien avant au pié ; et lors, en reculant, pensant faire tomber la hache, Saintré le poursuyvoit tres fierement ; quant le roy, pour garder l'honneur de l'ung et de l’aultre, gecta sa fleiche, et furent prins, et per à per fist yssir hors des lices à cheval. Puis audict baron fist
ANTHOINE DE LA SALE
de grans dons et tres bonnes chieres. Lors print congié, et s'en retourna en Angleterre. Et à tant laisseray cy à parler de toutes ces armes et des aultres que puis il fist, car tres longue chose seroit à dire, et parleray du surplus. L’acrEUR. — Estant Saintré en la grace du roy, de la royne, des seigneurs, de ma dame et de tous les aultres, pour abreger, le plus aymé et honnouré escuyer de France, à cause de sa grant doulceur et humilité, et aussi de sa largesse, qui ayde bien ; car oncques pour gloire d'armes, d'amour de roy ne d’aultres, ne d'honneur qu'il eust, ung seui semblant d'orgueil ne fut oncques en luy. Et en ce temps ne tarda suieres que la nouvelle du trespas de son pere luy vint. Dont, par ainsy, il fut seigneur de Saintré. .
