AA TA
quante loupz chassié. Ma dame et ses autres dames, qui sur jour dormir devoient, ne cesserent de rire et raisonner du grand effroy qu'il avait eu en son logis, et tant en rirent et raisonnerent [en parlèrent}, que vespres sonnerent, et sans dormir les convint lever. Et quant Saintré eut les autres enffans ses compaignons trouvés, Dieu scet s’il leur compta de ses adventures nouvelles. Lors de la grant joye qu'il avoit d'estre eschappé, peu à peu sa promesse oublia, fors de tant qu'il veoit ma dame et ses aultres femmes qu'il fuyoit comme le venin, dont elles s’en rioyent par grand delit [plaisir]. Mais, une des fois au disner, les deux dames estant à table le veoient ca et la par les tables servir toutes les aultres dames et damoiselles, comme il avoit acoustumé, fors que elles seulement ; si le firent à elles venir, puis luy dirent : Et, beau sire Saintré, à quel jeu vous avons nous perdu? Vous nous souliez [vous aviez coutume del] servir comme les autres, et ores vous nous fuyez? Mes dames, dist il, baissant les yeulx de honte, sauf vostre grace ; et en disant ce, il s'en partit. Alors commenca le ris moult [très] longuement de l'une à l'autre. Ma dame, qui estoit assise au bas bout de la table du roy et de la royne, d'aventure vit devant elle le petit Saintré, et vit aussi comment elles rioyent apres lui; si leur demanda, apres que les tables furent levées, ce que le petit Saintré leur avoit dit de quoy elles tant rioyent. Lors lui dirent comment il servoit toutes les dames fors que [sauf] elles, et ce qu'elles lui avoient dit et ce qu’il avoit respondu. en passant oultre, Or, laissiez moy faire, dist ma dame, encore en rirons nous plus avant, mais que ma dame soit couchiée, Et quant vint au vin de congié prendre, ma dame qui vit le petit Saintré portant une tasse à servir, le fist à soy venir et luy dist : Saintré, allez vous en es galleries et la me attendez, comment qu'il soit, car je vous vueil envoyer en la ville pour moy faire uns plaisir, et vous serez bien mon amy. Le petit Saintré, qui oyt ma dame si doulcement parler, fut bien content, et pensa qu'elle eust toute sa promesse mis en oubly, si lui dist : Ma dame, tres volentiers. Alors le roy se retraist, et aussi fist la royne. Lors le petit Saintré s'en alla aux galleries, si ne tarda guaires que le roy ne se mist à dormir, et que ma dame revint en sa chambre où elle trouva le petit Saintré, comme elle lui avoit dist ; lors lui dit : Allez . devant avecques les aultres. Et quant elle fut en sa chambre, assise sur les piez du petit lit, dist à tous ses escuiers et
et
ANTHOINE DE LA SALE == 0
aultres qu'ilz s'en allassent hors, Alors appella le petit Saintré et lui dit : Or, sire, vous ay je ci, où est vostre foy, que par deux foys me promistes, et par quatre jours vous fuyez de moy ? quelle vengeance et quelle pugnicion doit on prendre d’ung homme qui a menty sa foy? À ces dures et cruelles parolles ne pensa moins que d’estre mort ; lors tout à coup à genoulx et à mains jointes se mist, requerant [demandant| à ma dame mercy, disant que vrayement il avoit eu grandement à faire. Ma dame, qui derriere luy veoit ses femmes rire, s'en tenoit le plus qu'elle povoit, si luy dist : Or bien, sire, prenons qu'il soit ainsi comme vous dictes; en ces quatre jours avez vous dame choisie ? Et quant il ouyt de ce parier, il ne prisa plus sa vie que sa mort ; lors commencerent ses yeulx à plourer, son viz à pallir et à tressuer [suer avec abondance] comme celluy qui avoit ja tout ce oublié, si ne sceut plus que dire, ne comment soy excuser. Lors ma dame, qui le vit en tel party, en soubzriant à ses femmes dist : Que
diriez vous d’ung failly escuyer, qui par' deux fois a donné
sa foy à une dame, comme vous savez bien, et pour si peu de chose il a failly ; quelle pugnicion doit il avoir ? Et à vous, dame Jehanne, j'en demande tout premier. Et quant le povre gentil homme se ouyt ainsi de ma dame reprocher, il ne cuyda pas moins que à ce coup il ne fust perdu et à tousjours deshonnoré. Lors à jointes mains, estans toujours à $enoulx, requist de rechief à ma dame, pour Dieu, mercy ; puis se tournoit envers les aultres dames que toutes priassent pour luy. Ma dame, qui de tout ce estoit tres aise, et tant plus qu'elle le veoit si humble et innocent, l'aymoit trop mieulx, pensant que elle pouvoit par bonne facon en son service l'acquerir, qu’elle le mectroit bien à son ploy [pli]; et neantmoins voult elle à dame Jehanne et aux autres sa demande entretenir, Dame Jehanne esmeue de toute pitié, ne prenant pas garde, non faisoient nulles des autres, là où ma dame vouloit saillir, luy dist: Helas! ma dame, s’il a failly dans sa promesse, vous avez ouy son excuse, pour les grans affaires qu'il a euz, dont il vous en requiert, à $enoulx et. à mains jointes, tres humblement mercy, et aussi faisons nous toutes pour luy. Et vous, dame Katherine, qu'en dictes vous? Helas! ma dame, je ne scay que dire, fors que il s’en repent, et le trouverez ainsi ; si vous requiers pour luy mercy. Et vous Ysabel, qui estes la plus ainsnée, qu'en dictes vous? Ma dame, j'en dy comme les aultres ;
et oultre plus vous scavez que le povre prisonnier vous confessa loyaulment qu'il n'avoit point de dame advisée pour servir, dont je le croy mieulx que aultrement; ma dame, pardonnez luy, car il a bien à penser le cueur d'ung nouvel amant deliberé de loyaulment servir, comme le sien est, de bien choisir, et soy du tout asservir aux entiers commandemens de sa dame, s’il n’est d'amours bien grandement amy ; mais sur ma foy, ma dame, je croy que amours il ne vit oncques, ne ne parla à luy ; et n'est il pas vray, dit Ysabel, mon filz ? Par ma foy, Ysabel ma mere, ouy, que oncques je ne parlay à luy, ne ne ie vy. Or regardez doncques, ma dame, ce povre suppliant qui oncques ne le vit, ne le congnust, ne parla à Iuy, comment pourroit si tost avoir choisi dame ? car ceulx qui ja en ont esté accointez [sont entrés en relations avec], doubtant le reffuz, y font de pensemens assez. Et pour ce, ma dame, je dis que vrayement pour ceste fois il luy doibt estre pardonné. Et qu'en dictes vous, Marguerite, Aliz et vous aultres femmes ? Je vueil que chascune en dye son dit. Alors toutes ensemble s’arresterent à l'oppinion de Ysabel, comme la plus ancienne et qui plus avoit veu et avoit ouy.
