LE MAISTRE

C'est tout que d'aymer loyaulment, En ung tout seul lieu c'est assez ; Quiconcques le fait aultrement,

Il est de bien faire lassez

Et tous ses beaulx faitz sont passez.

Car ung cueur qui par tout s'espart Et requert dames de tous lez [côtés], En doit avoir petite part.

Se part en a, c'est meschamment, Et vient de lieux mal renommés, Et ne se peult faire aultrement ; Et puis quant il s'y est boutté

Et s'est apres bien advisez,

Dieu scet s'il congnoist lors à par Comment des riches bien cellez En doit avoir petite part.

Celle part ne vault pas gramment, Quant plusieurs s'y sont ahurtez; N'amours n'accorde nuliement Que telles gens soient aimez,

Ains soient par tout diffamez ;

Car ung cueur qui par tout s'espar.

Et requiert dames de tous lez,

En doit avoir petite part.