Vab. Puis doncques cest hy ver, perruque de glaçons

De neiges, de frimas, derrière nous laissons; Que le flambeau

Ja le flambeau du ciel, quittant le Capricorne, 35

L'Eschanson, les Poissons, faict que la terre s'orne

De son plus beau tapis, montant vers la maison

Du Mouton estoilé à la blanche toison,

Du Taureau primerain dont la corne féconde

De toutes belles fleurs faict rajeunir le monde. 40

De là, gaignant pays par le vague des cieux.

Monte jusqu'aux Jumeaux, signe plus gracieux.

Ja la bise s'appaise, et ja la belle Flore

Les bois, les champs, les prez de mille fleurs redore ;

Ja le mignard Zephir, amoureux de ses yeux, 45

Porte par les forests, par Taer et par les cieux