CHAPITRE CXXXIX

Comment li signeurs de France mirent le siège devant Nantes où estoit li contes de Montfort.

Sus le cemin de Nantes trouvèrent li François une bonne ville et grosse fermée de fosses et de palis tant seullement, et est nommé Quarquefoure ' . Li marescal de l'oost et cbil de l'avant-garde, quant il furent venu devant, l'asallirent fortement, et chil de dedens estoient gens de petite deffense et foiblement armés : si ne porent durer contre ces arbalestriers genevois et ces gens d'armes. Si fu la ville conquise et toute robée et plus de la moitié arse, et toutes gens que on pot ataindre, mis à l'espée, dont ce fu pités.

Li signeur logièrent celle nuit là environ, et à lendemain il s'ordonnèrent pour venir devant la chité de Nantes, car il ni a de Quarquefoure que quatre lieues. Et envoyèrent premièrement l'avant-garde courir devant Nantes et ordonner où li signeur se logieroient. Si se logièrent chil de l'avant-garde , et puis vinrent li dus de Normendie et tout lî signeur et le charoi et se logièrent tout en bonne ordenance et fissent tendre tentes, trefs et pavillons.

La cbité de Nantes est grande, et la rivière de Loire qui

1 Carquefou, ù deux lieues de Nantes.