CHAPITRE CCXXVII

Comment pluisseurs hauls signeurs de France furent mors, et comment li jones prinches de Galles se trouva en grant péril.

Ceste bataille, ce samedi, entre la Broie et Créci , fu moult orible, et i avilirent pluisseurs grans fais d'armes , liquel ne vinrent pas tout à congnissance ; car quant la bataille commença, il estoit jà moult tart, et ce greva plus les François que aultre cose, car pluisseurs gens d'armes, chevaliers et esquiers, sus la nuit, perdirent lors signeurs et lors mestres. Si vaucroient1 par les camps et ne savoien.t

1 Vaucroie.tt, erraient.

où il aloient, et souvent il s'embatoient entre les Englois, où il estoient mal logiet.

Vous devés sçavoir que , se les trois batailles dou roi d'Engleterre se fuissent toutes misses ensamble et euissent poursievi les François, tout i fuissent demoret ou mort ou pris, quoique il en i demorast assés et trop. Mauvaisement on puet sçavoir comment chil se combatirent, qui là furent mort , tels que le conte Carie d'Alençon , frère au roi de France, le conte Lois de Blois, lor neveu, le conte Lois de Flandres, le duc de Lorrainne, le conte de Harcourt, frère à messire Godefroi de Harcourt, qui là estoit, le conte d'Aumale, le grant prieurs de France et pluisseurs aultres; mais on doit croire et supposer que si grans signeurs que chil estoient , ne furent pas mort , ne ocis à petit de fait ; mais convint que des grans fais d'armes par euls et par lors gens i avenissent, liquel ne vinrent pas tout à la congnisance de ceuls qui m'en enfourmèrent , mais en tels coses on en puet mieuls sçavoir la vérité par les victorieus que par les desconfis, car il ont plus grant loisir et l'avis plus atempré, et plus grant entente il i mettent au regarder que ne font li fuiant ou li cheu ou chil qui tirent à euls sauver. Chil grant signeur de France desus nommé, liquel pour lor honnour et pour euls acquiter, quant il entrèrent en la bataille1, moult de vaillans hommes, chevaliers et esquiers qui les servoient et qui offisce avoient, les uns de estre au frain dou signeur, et les aultres à porter les banières ou à estre dalés pour aidier à deffendre et à garder, ne puet estre que il ne fuissent grant fuisson, et que la venue d'euls et la monstre ne fesist à cremir 2 ; et avint que chil qui avoient à garder le corps le prince de

1 Cette phrase paraît incomplète.

* Cremir, craindre.

Galles, quant il veirent si grant peuple venir à l'encontre d'euls, resongnièrent le faix, quoique la seconde bataille et la première fussent remises tout en une, et orent consel de envoyer deviers le roi, son père, qui estoit en sus de la bataille dou prinche et sus la mote d'un moulin à vent (et estoient chil de la bataille dou roi à costé par derrière de une grosse haie, et ne pooit-on venir, ne entrer sus euls fors que par devant), à la fin que il vosist descendre et venist aidier son fil ; et i envoyèrent et i vint un chevaliers* de par le conte de Warvich. On li fist voie, et parla au roi et dist : « Chiers sires, je sui chi envoyés de par ceuls qui « ont le corps de vostre fil , le prince , en garde , et vous « segnefyent que il font doubte que la puissance des France çois ne les esforce, car elle est trop grande. » Donc respondi li rois : « Et mon fil , en quel estât est-il , ou nom « Dieu? » — « Sire, respondi li chevaliers, il est encores « fors et en bon point. » Donc dist li rois : « Or aies, aies « et retournés deviers ceuls qui chi vous envoient, et lor « dites de par moi que il est heure que li enfès gagne ses « espérons, et ne me venés plus querre, tant que il ait pois- « sance de tenir en main glave, ne espée, car se il plaist à a Dieu et à monsigneur saint George, la journée sera pour « li. » Li chevalier retourna sus ceste parole.

Or avoit li rois ensi parlé, je vous dirai pourquoi. De là où il estoit, il pooit veoir en partie le convenant des François, siques ils et ses gens l'avoient veu et veoient encores si très-povre et mauvais que pires ne pooit estre ; car ensi que il venoient et entroient en la bataille , il s'abandonnoient follement et se perdoient1

1 Un feuillet a été arraché en cet endroit du MS. du Vatican. On ne