CHAPITRE CCXXXI

Comment les Englois desconfirent- les communautés de Roen , de Beauvais et de Amiens, et puis une autre route de François où estoient li archevesques de Roen et li grans prieurs de France.

Quant ce vint le dimance au matin, il fist grant brume, et telle que à painnes pooient veoir lonch un arpent de terre. Adonc se départirent de l'oost par l'ordenance dou roi et des marescaus, cincq cens hommes d'armes et doi mille archiers pour descouvrir et savoir se il trouveroient, ne verroient auquns François qui se vosissent requellier. Che dimence au matin , estoient parti de la ville d'Abbeville et de Saint-Riquier-en-Pontieu les communautés de Roen, de Beauvais et de Amiens, qui riens ne savoient de la desconfiture qui estoit avenue le samedi , et trouvèrent ces gens , à maie estrine ' pour euls , ces Englois qui cevauçoient. Si se boutèrent entre euls et quidièrent de premiers que ce fuissent de lors gens. Et lorsque les Englois les avisèrent, il les coururent sus moult vistement, et furent tantos ces François desconfis et mis en cace. Si en i

Et tout le remanant des François s'enfuy où ils peurent mieulx, car il estoit tard. Sy emmena monseigneur Jehan de Haynault tout bellement couchier le roy de France à Dourlens celle nuitye. Et l'endemain au matin s'en ala le roy et monseigneur Jehan et tout ce qu'ils eurent de gens en la ville d'Amiens. Et les Euglecqs demourèrent toute nuit au champ de la bataille. Sy y venoient toute celle nuit gens d'armes par moncheaux chy quarante, chy soixante, chy cent, qui revenoient querre et recongnoistre leurs seigneurs, s'ils peussent, avant qu'ils fussent désarmés. Mais soyez certains que les Englecqs qui gardoient et veilloient le champ, les tuoientà fait qu'ils venaient. Si en tuèrent, puis la bataille partye, grant plenté celle nuit. » (MS. de l'Arsenal, f. 197.) 1 .1 maie estrine, par une mauvaise chance.