TOM

ot mors sus les camps, que par haies, que par buissons, ensi que il fuioient pour euls sauver, environ huit mille, et se il euist fait cler sans brume, il n'en fust jà pies escapés. Assés tos apriès furent rencontré de ces Englois meismes , une aultre route de François où li archevesques de Roen et li grans prieurs de France estoient, qui riens aussi ne savoient de la desconfiture1, car on lor avoit dit que li rois de France ne se combateroit jusques au dimence, et sus cel estât avoient-il le samedi logiet sus les camps entre lors gens et lor charroi, Quant les Englois les perchurent, il en orent grant joie et lor coururent sus, et furent aussi tantos desconfi , et là furent mort li doi chief qui les menoient et uns aultres homs , moult vaillans , qui se nommoit li chastelains d'Amposte , et qui nouvellement estoit venus de Rodes et s'estoit trouvés par pluisseurs fois en batailles mortels sus les Turs, mais toudis à son honnour il en estoit issus, et morut là li chevaliers, avoecques le dit grant prieur de France. Ensi chevauchièrent , ce dimence au matin, ces Englois à destre et à senestre, quérans les aventures et ruèrent jus par fous 2 et par compagnies moult de François, et fui enfourmés que, le dimence au matin, la grant desconfiture fu des communautés, et le samedi au soir et par nuit des barons et chevaliers de France*.

1 Edouard III, dans son récit de la bataille, nomme aussi le haut prieur de l'Hôpital de France.

* Fous, fouqs, troupes.

* D'après la lettre écrite le 4 septembre 1346 par Michel de Northburgh, le combat avait été long et acharné, et les Français montrèrent un grand courage. « L'endeniain matin, devant le soleil levé, ajoutées t-il, vint devant nous une autre bataille, graunt et fort ; et monsei- « gneur le counte de Northampton et les countes de Northfolk et de >< Warewik les désconfirent et tuèrent doi mil et plus. »