CHAPITRE CCXXXIII

Comment li rois de France fist faire à Amiens un solempnel service, et comment messires Jehans de Hainnau escusa Godemar dou Fai.

Quant li rois Phelippes fu partis dou chastiel de La Broie, ensi que chi-desus est dit, à moult seule gent, ils et sa route qui n'estoit pas grans, cevaucièrent celle nuit tant

1 Maintenay est un petit village situé près de TAuthie, à 10 kilomètres de Montreuil. Il ne paraît point qu'il y ait jamais existé une abbaye.

et le dimence au matin, que il vinrent en la chité d'Amiens, et fu li rois logiés en l'abéie dou Gart, qui sciet au dehors d'Amiens. Petit à petit gens venoient, qui escapé de la bataille estoient, apriès lors signeurs et lors mestres. Encores ne savoit point li rois la vérité de la perte des nobles de son sanc que il avoit perdus et qui demoret estoient derrière. Le dimence au soir, il en fu enfourmés de une grant partie, et encores mieuls le mardi au matin, quant li hiraut françois retournèrent, liquel avoient esté présens à cerchier tous les mors. Li rois les plaindi et regreta grandement et longuement l'un apriès l'autre, et lor fist faire en l'église d'Amiens, avant que il partesist, un moult solempnel office et service. Il n'est doels qui ne se passe et ne se mette en oubli : li rois de France passa cel anoi au plus biel que il pot, et entendi à ses besongnes. Toutesfois, messires Jehans de Hainnau fu là un très-bons moyens pour messire Godemar dou Fai, car li rois le voloit faire prendre et pendre; maisli gentils chevaliers dessusnommés refréna le roi et li brisa son aïr, et l'escusa par tant de raisons et si bonnes, que li rois, pour celle fois, s'apaisa et entendi à toutes ses besongnes et donna toutes gens d'armes congiet. Messires Jehans de Hainnau prist congiet au roi, et puis s'en retourna arrière en Hainnau, ensi que chils qui grossement avoit perdu en ceste cevauchie, et aussi avoient fuisson d'aultres. Nuls n'en retournoit contens.

Les nouvelles s'espardirent en moult de lieus et volèrent moult lonc, comment [par] li roi d'Engleterre, de une puignie de gens que il avoit, estoit ruée jus la puissance dou roi de France, et avoient esté li François bien dys contre un. Si acquist li rois d'Engleterre grant grasce, et li rois de France et li François grant blâme, et moult

fu eslevés li noms le roi d'Engieterre, douquel nous parlerons et compterons comment il persévéra.